ولله المنظر من برا رائع وجميل لدرجه اني من كثر ماتشغلن المدام اذا مرينا من عنده خلال مرحلة البناء ، واعدتها إن شاء الله انه بعد مايكتمل بناء الفندق و ينظم فريق العمل بالفندق حفل توقعته يكون تاريخي يدعى له أمير المنطقة ويكون فيه حفل عشاء تكون الدعوة فيه عامة ، بيني وبينكم حلمت كذا في لحظه اني أحضر الحفل وأفوز بجائزة إقامة لمدة يومين أنا والمدام بحدى هالغرف اللي توقعتها تكون لها سقفاً من فضه الحزين في الموضوع إن الفندق لم يعمل حفل ، والأسهم وأنا اخوكم طاحت بالتراب والخساير كبر الجبال وفجأه دريت ان الفندق فتح عن طريق المنتدى , وباقي الحزن وليس آخره تمثل في الديكور الباهت والأكثر من عادي ( يذكرن بفندقن بالبطحاء بصراحه يوم شفت الديكور تشجعت قلت مع الرواتب أغدين آخذ فيه غرفه ليله أكيد سعرهم طالما هذا وضعهم بيكون مناسب جدا، شفت الرقم تشجعت اتصلت سلام عليكم عليكم السلام أبغى غرفه نفرين الله يخليك كم سعره ؟ الموظف الله يصلحه قعد يتفلسف الأكيد انه قالي فيه نوعين وحده ب800 ( جان هبوط ) فيه ( مادري وش سماه ) أنا قلت أكيد ب400 وكم سعره 750 الوكاد ماقلت شكرا سكرت السماعه على طوووووووووووووووول إذا أنا آخذ غرفه نفرين في برج هيلتون رمسيس اللي على ضفاف النيل ب90 دولار والغرفه بفورسيزنس حق الوليد اللي بشرم الشيخ ب210دولار ، ولاتنسى تراه بيتش ومسابح وشغل عالمي تجي أنت ياراعي موفنبيك ياللي تطل على غبرة بريده وتقول ب800 أرجو أن يتسع صدوركم لنقد محب لمنطقته قبل جيوبكم وأتمنى أن يطلع أحد صانعي القرار بالفندق على تلك الرؤية التي تمثل نوعاً من الاستطلاع للرأي الشعبي وترى مو أنا بس حتى المدام زعلت على الأسعار عاد تراني أسميها السعلوه بس عشانها جنبي