على طاري الجوال و رسايله ..
مرة من المرارير
أذكر وحدة من صديقاتي الله يمسيها بالخير
سوت حركة بايخة و قهرتني
قمت انا الله يحفظني و كتبت مسج طويلة عريضة
ابي ارسلها لأختي
و كل الرسالة سب في صديقتي : (( شفتي فلانة هالعنز الغبية وش سوت .... إلخ إلخ ))
يوووووووم بردت كبيدتي و ماخليت ولا سبّة إلا و كتبتها
قمت أرسلتها
لمين ؟
لنفس صديقتي
يااااااااااااااااااااا ألله
أبي ألحقها قبل تروووووح
تكفين لأ لأ لأ
**** جاري ارسال الرسالة ****
أأشر لها بيدي NO .. NO
بس وش أسوي !!
لا و من زين الأخلاق بعد مسوية إعلام تقرير .. عشان أتأكد إنها وصلت ..
ممممممممم
عاد ابشركم مشى الموضوع عادي
كلمتني قالت : منهي العنز ؟ هاه ؟
قلت أنتي خخخخخ
أصلاً حركة مقصودة ترى مايمديني أصرّف !!