[الرجل البسيط]

موضوع شيق بس لو الاعضاء يتفاعلون معه ويكفي انه من اخونا المبدع السعودي وعلشان نشارككم فهذا موقف حصل لي وانا في الصين .
كنا هناك لغرض التجارة وكنا ماخذين عدة الطبخ معنا وما كان ينقصنا الا الدجاج وكنا كل يوم في دوامة البحث عنها مو من قلتها ولكن من تفهيم سواقين التكاسي اللي ما يفهمون لا عربي ولا انجليزي . ومره من المرات حاولنا اولا بالصوت نقلد الدجاجة ثم بالحركات من هز اليدين الى اشارة الاصبع على الرقبة يعني الذبح ثم استخدمنا طريقة الرسم لعل وعسى ينفع . المهم وما اطول عليكم الصيني قام يضحك ويهز براسه يعني عرف اللي حنا نبيه فجلسنا ننتظر لكن آخر شي وين ودانا ؟
ودانا يا سامعين الى فندق اسمه .................. البطة....................