الأسى مني تمكن والحزن فيني دفين
والليالي جرعتني همها واحزانها
دارت الدنيا عليّ وعشت بالدنيا حزين
واشعلت في وسط روحي جمرها ونيرانها
أخفي احزاني عساها في جبيني ما تبين
واكتم العبرة واشد خطامها وعنانها
حالتي تشكى على الله منجرح مثل السجين
والسعادة في حياتي منهدم بنيانها
في حنايا الروح جرح وفي حناياها حنين
والمدامع فوق خدي سيّلت غدرانها
والتفتّ ابحث وادوّر من يسار ومن يمين
السعادة من يدل الروح عن عنوانها