شوفي وانا اخوتس ( الله يشفيتس ) هالخصلة اللي بتس إذا ما وجهتيها التوجيه الصحيح , تبي تصير وبال عليتس وماراح تلقين أحد يسولف عليتس بعدين . تبين نصيحتي : حاولي تقرأين في كتب علم الاجتماع وعلم النفس ( على خفيف لا تقعدين تنهبلين ) .. وان حصل تتخصصين علم اجتماع في الجامعة .. كذلك حاولي انك ماتهتمين بس بـ وش يقرب فلان لفلانة بل حاولي انك تهتمين بفلسفة هذا الترابط وهذه العلاقات الأسرية وآثارها السلبية والإيجابية على المجتمع .. يعني ببساطة حاولي توسعين اهتماماتك حول نفس هذا الموضوع ولا تركزين بس على نقطة وحدة بس ( اللي هي : وش يقرب هذا لذاك ) . وتسان ما عندك سالفة لهالأمور .. أنصحتس تشتغلين : خطابة . ==== إيه على فكرة : أول خطوات العلاج , هي إحساسك بالمشكلة . والشيء شوي شوي ( أتحداكم تقولونه عشر مرات بسرعة ) وتقبلي تحياتي 00 المتزن