التياسير اللي قابلتك عشانك رايح بالوالد وعلى اجر طوال رحلتك وهذا بر الوالدين وما شفت شيء توك بس عليك بابيك احشمه وتشوف الخير ما تدري منين لك
اما صحة بريدة
تكلمت عن مشفى حكومي وكثير ما تكون الخدمات الحكومية اكثر خساير من قبل الدولة واقل فائدة واكثر اهمال وسوء تنظيم
طيب عندك مستوصف رشيد اهلي ومعاملتهم خاصة الدخول على د/ احلام تشك انك دافع فلوس !
ومستوصف المحيميد تذكر لي زميلة انها تعرف 3 من بريدة " طقو " ابره عندهم وماتو ولا حسيب ولا رقيب !!
احنا في مرحلة خلهم يصارخون ويهوشون ويعقدونها وننتظر ساعات وساعات " مع اني اكره الانتظار " بس لا يتسببون لنا بعاهات وامراض مزمنة والا وفيات .
مستشفى الولادة في الاسعاف من سنوات وحدة تصيح قاعدة على كرسي تقول انها في حالة اجهاض واقول لها طيب روحي لهم يجرون اللازم قالت محد رد علي يقولون اجلسي هنا
استجمعت قواي وصرخت في الممرضة وين مكتب مدير ؟
قالت ليه؟
قلت ليه هذا ام تعبانه تنزف مخلينها هنا ؟ والسراير فاضية ؟ وين مكتب مديررررررررر؟
طبعا ما ردت على سؤالي بس خذت الحرمة وودتها لغرفة ونوموها على سرير ولا عاد ادري وش سوت،،،
الصحة تحتاج ان الدكتور هشام يطلع من زجاجته ويرى الواقع بام عينه يدخل كمريض او يودي زوجته كحامل تعبانه ويشوف ما يشيب الراس،،،