[SAGA]

اقتباس:  المشاركة الأصلية كتبت بواسطة عاشق الخير     عادي التوبيك تعبير عن حالة صاحبه زعلان فرحان متضايق مشتاق

اقتباس:  المشاركة الأصلية كتبت بواسطة عاشق الخير     مو شرط يقراه ابو العيال او ام العيال لانها وصف لحاله شخص في اللحظة الا ان كانكم تحسبونه مسج تكتبون و هم يردون هذي انا ما اعرفه خخ

هههههه نص ربعنا يحسبونه رسايل
الشهاده لله أول من سوا هالحركه باللسته حرمه وحده من بكرا كل اللسته مشاعر شوق وحب تأججت باللسته مره وحده ههههه
يعني كل وحده تقول منيب أقل رومانسيه منهم

لاعااااااااد تعال شوف سووالف الحريم لازم يحطن لهن بصمه
مشكورة يا أم فلان على الضيافه<يعني اعرفوا إنه عازمتن
فلانه وفلانه وفلانه يسلمو على الحفله وإلا المفاجأة <يعنني مصادقتهن
زارتنا البركه <تعلم حمواته إنه سنعه وعازمتن حمولته

الفئة ال3/المهايطين
كندا كفــاكـ طمعا بأحبابي<<هذي اللي ودي أطلع عليه من الشاشه وأعطيه كف أجل كندا طامعتن بأحبابتس خفي علينا يابنت جوبز

الفئه ال4/المثاليين
تلقى كل توبيكاتهم وحتى تغريداتهم شكسبير وجون كيري وولد أليكس
والمشكله ينسخون مالايفعلون
مثل أختي المراهقه كاتبه
معظم المشاكل العائليه سببها نبرة الصوت
وهي ماعنده أسلوب بالكلام بس تهاوش <علمي روحتس وأنا أختس

والقائمة تطووول وفي اللسته المليئة بالنساء تجد العجب