لابد تدرك حبنا فيك يا نور
والدمعه اللي من عيونك مريره
يا نور لا تذرف الدمع يا نور
كلن على نفس الطريقه مصيره
مقدر اشوفك ضايق الصدر مكسور
من وين ابفرح وانت دمعك تسيره
من ضيقتك والله ضاقت لنا صدور
صعبه نشوف الدمع عينك تثيره
عسى الحزن ليله والافراح بشهور
وعسى الدمع ما ينزل الا بـ خيره
تضيق لكن للفرج نفحه ونور
وتشين لكن للزمن الف خيره
يارب ترحم ( بكر ) وتوسع قبور
يارب .. يارب الكره المستديره
وانثر على قبره من الدر منثور
يارب وانت اللي تعرف السريره
ترحمه وتصبر على فرقته نور
وتعيننا لا وقّف الوقت سيره
يارب ألهم صدره افراح وسرور
وابدل عليه من الحزن فرح غيره
ياما فرحنا من سبايبك يا نور
افرحتنا في كل شارع وديره
علمتنا ان الوفا فيك مدرور
وعلمتنا ان العشق بك وفيره
واللي يلوم العاشق بعشقه لنور
انا اشهد انه للوفا شر سيره
يا نور لا تذرف الدمع يا نور
كلن على نفس الطريقه مصيره
مقدر اشوفك ضايق الصدر مكسور
من وين ابفرح وانت دمعك تسيره