[شاعر الاماكن]

شايب زارني بالعمل وسألني من انت ؟

قلت له فلان ابن فلان الفلاني ..

قال ونعم اجل ابوك فلان ..

قلت ماعليك زود والنعم فيك ..

قال ترى ابوك رفيق لي من 45 سنه بس انشغلنا وخذتنا الدنيا ( والله يذكر ذيك السنين بخير ) ..

من باب الدعابه قلت له ( اجل ايام عز الشباب )

ضحك الشايب وحسيت فيه شي ..

ابتسمت وقلت والله مدري عنكم انت وابوي ههههه

قال الشايب ( شوف يا وليدي مافيه شجره ما هزها الهوى )

ما اجمل هذا الرد الحكيم ..

بالفعل مافيه احد ما يمر عليه سفاه او تمر في حياته اشياء كثيره لا البنت ولا الولد ..

اللي حاب اوصله لكم شي بسيط ان كل شخص منا له ماضي والذكي اللي ما يخلي ماضيه هو مستقبله يعني النظر للامام بدون البقاء في نفس المكان .. < ركزوا عليها كثير

الشاب :

لا نوى الزواج ليت يفكر تفكير عميق ان بنت الناس مو لعبه وانها تركت اهلها وكل من يعز عليها على شان تعيش معك وبفقرك وغناك وبتكون زوجتك وشريكة حياتك ولا تنسى ان الزواج مشاركه وابناء وركز على ( ابناء ) يعني لا صرت طيب ونظيف وعاقل بتكون ( فخر لابنائك وبناتك ) ..

البنت :

لا تفكرين بالدنيا وفكري فقط كيف تخلين زوجك يطالعك اجمل زوجه واطهر زوجه .. ابتسمي له في كل وقت وفكري كيف تعيشينه احلا واجمل عيشه وابتسمي حتى في وقت غضبه ونسيه همه ولا تنسين الشي المهم ( امه وابوه ) ونفس النصيحه لا صرتي طيبه وخلوقه ونقيه ( ابنائك يفخرون فيك )

نقدر نسوي البلاوي خلف الجدران ( نسكر ونتعاطى المخدرات ) هذا من خلف الجدران وبدون ما احد يشوفنا ..

لكن نهرب من البشر ونخاف البشر ولا نخاف من ( رب البشر ) !!

اللي بيفكر بالزواج ( شاب او بنت ) لا يوافق الا بعد ما يعرف قيمة الزواج وان الانسان لا بد ان يتغير وبتتغير حياته كامله ..

رساله اخيره :
الى كل شخص يتم سؤالك عن رجل لموضوع زواج .. قول اللي تعرفه فقط اللي تعرفه عن الشاب واحذر تزيد او تنقص ..

والعكس صحيح للمرأه ..

شهد مشكوره على الطرح والشكر للاخوه جميعا على المشاركه ..