[المنطق]

يقول الشاعر عن النوم ..


النوم سلطان وانتي ( بنت سلطانه )




قومي نامي ،، لا متى تقري كلامي


ما تعبتي من السهر


يالله قدامي والا ( لا ) ما ابي قدامي


ابيك تتغطي بجفني ،، وبعيوني تنامي


كل شي فيني يهمك


أدري .. ودك كل لحظه اكون يمك


ياللي أسمك ، غير عن كل الأسامي


تاخذين القلب مني وتاخذيني ، وانت فيني


شلون ودي ألمك ؟ قومي نامي .. أسمعيني


ما يطوفك شي لا نمتي بعيني


من متى ؟ وعيوني عنك صايمه


من متى ؟ وانت تبين ولا تجيني


يا ( حمامة بيت ) فيني حايمه


افقدك دايم وادري تفقديني


صرت أحس أنك مشاعر دايمه


مهما غبتي بالمسافه تسكنيني


لو تجين اجوائي .. صارت غايمه ،، تجمعين احساسي فيك وتمطرين


احلمي بالحب طفله هايمه ،،، وان صحيتي تسبحي بدموع عيني


موتي فيني دام عشتي ضايمه


وعيشي عمرك يا حياة القلب فيني


يالله نامي لكي عيوني عايمه


انعمي عن شوف غيرك صدقيني


راح اغمض طول ما انتي نايمه


والسهر موضوع بين العين وبيني


ياصباح الخير وانتي قايمه ،، هو صباحك ليه يفرق ؟ علميني


يابعد قلبي وكل من لايمه


تصبحين بخير واكثر تعشقيني


النوم ميت عليك وما خذا ديه


واحلامك ليا سهرتي تكون ولهانه


وجهك مثل عيد والبسمات عيديه ،، فديت نظرة عيونك وانت وسهرانه


أقول عاديه .. لكن ما انت عاديه !! ملاك نازل علي بصورة أنسانه


نامي وتشوفين احلى احلام ورديه


النوم سلطان وانتي ( بنت سلطانه )