السلام عليكم مسلسل !!؟ من نقص العقل إنها تزعل علشان مسلسل لو الزوجه تنظر إلى أن هذا زوجها أو نصفها الآخر على مايقولون كان ماصارت مشكله بأي شيء يسويه الرجل داخل بيته . المشكله أن الزوجه تنظر إلى هذا اللي ساكن معها تحت سقف واحد وكثير من الأحايين بين اربع جدران لاتزيد مساحته عن 5*5 انه ولد الناس وكل شيء منه يخطرفلها ويضيق صدرها اللي يبي فتق أربع أصابع من جنوبه!! لو هالزوج شايف إن زوجته ماتتضايق من اللي يسويه كان ما سواه وكرره كلما بغى يجلس لحاله قدام التلفزيون من غير ما احد يشاركه لكن لقى له وحدة زعول يسويلها هالحركه علشان تشيل نفيستها عنه وتسكر باب غرفة النوم عليها بدل ماتقعد تتحلطم عنده وتحضرم . بعض الحريم هي اللي تخلي زوجها يتصرف مثل هالتصرفات من قلة فهما لزوجها ترى يامره بعض الازواج لو ماتعرفينهم تراه يمكن يطلقك حتى لو يحبك ويعشقك المهم يشري راحته وراحة راسه بنفس ذاك الوقت اللي قعدتي فيه تتزعلين وتنتفخين وتحضرمين فوق راسه ولاتحسبين إذا طلقك او زاعلك علشان بس هذا الموقف ترى بعض الرجال مثل البعير يطوي ولاينسى اللي صار قبل وتتراكم براسه وان طلقك او زعل عليك تراه مهوب علشان الموقف الحالي اللي قاعدتن تعاندينه فيه لا تراه يبي ينتثر عليتس وماتدرين أي جهه تصلحين هاللي انكب وبعدين ترا بعض الازواج يتهددون يدورونها دواره على زوجاتهم يدورون وش اللي يزعل المره علشان تضف خلاقينه ويصفى الجو له ويقدر يتبطح بالبيت أو بالاستراحه او بالطلعات من غير ماتدق عليه زوجته . وهه بس والله ماهنا حليلكن ياأمهات قناصيع لكن في شي بروسكن تطلع فجأة ومن غير مقدمات يحس الزوج إن هالمره مهيب زوجته اللي قبل شوي جالسه معه ماهنا ملحه. وبعض الحريميجيهن شي ودك تفتح باب السياره وهي تمشي 140 وترجفه وتنسحل بالارض لمين تصير حتات ماص وبعض الرجال ودك تحطه بكرتون وتوسطه بطريق شاحنات سريع لعله مايبقى منه شي اعقلن علشان رجالكن يعقلون واتركن عنكن شغل الرضاعين هالتزعل والتنفخ على ادنات الدون.