يراودي دائما شعور غريب
مادري هو طبيعي
او نفسية
ولا ادري هل هو صح ام خطأ
الشعور اني دايما متشائمة
انا بقرارة نفسي اشوفه واقع وليس تشاؤم
مثلا اقول ليش استانس بالدنيا وانا ماادري وش بيجيني
مرض موت
اشوف ولدي اللي ماكمل سنتين اقول وش بيجيه بالدنيا لاكبر؟
بيتعذب بحياته او بيسجن او بيمرض او بيترك الصلاة ويدخل النار
ودايما اخاف اموت واخليه بالدينا لحاله وكلن يقسو عليه
الله يطول بعمري ع عمل صالح وسعادة
اما زوجي فدائما اتذكر ان التعدد مباح له
واقول بنفسي وش يضمني انه ماراح يتركتي بعد سنين لاكبرت ويتزوج وحدة جميلة وصغيرة وانا ينسفني ماكأني وفيت له واخلصت سنين، وتركت كل شي ع شانه، صدمة
حتى ولدي اتعب عليه واسهر واعشق كل ذرة فيه ومااتحمل دمعته ابد
بكرى بيتزوج ويجيني باليومين ساعة وخلاص تصير حياته ومشقته وافراحه مع زوجته واولاده
وانا مالي كرت
واهلي ماراح يبقون لي
اخواني وااخواتي بلشين بحياتهم الزوجية
وماما وبابا بيكبرون ويعجزون
اختصار تفكيري
اخاف امرض
زوجي يتزوج علي
وابني يتزوج ويتركني
وماما وبابا يكبرون ومايبقون لي
طيب وانا؟؟
لوحدي
لاااااااء ما احب هالشعور
انا اقدس شي بالدنيا اسمه حب ووفاء
ليش اللي نتفانى عشانهم احتمال يروحون ويخلوننا
ونعيش وحيدين
استغفر الله
هالمشاعر خلتني انا دايما ابغى ابكي
وكل شي تنزل دمعتي عليه
زوجي لو يهاوشني شوي بكيت
لو كلمة بسيطة يجدعها احد تخنقني العبرة
اتذكر مواقف ظلم بسيطة تعرضنا لها انا واخواني قديم وحنا صفار واترحم عليييهم وابكي
اتمنى امسك كل ظالم بالدنيا واعدمه
وابغى اضم كل اطفال العالم الايتام بصدري
واعوضهم عن كل ذرة حنان فقدوهاا
ماابغى الم بالدنيا ولا صدمات ولا امراض
المهم شكلي لخبطت
وتلخبطت بسياغة المشاعر اللي اراودني دايما
واللبيب اللي فهمني رغم اللخبطة هههه
تجيكم زي هالمشاعر والحزن؟
والتفكير بالمستقبل المجهول؟