[ابو غاده]

[align=center]في البدايه انا موظف في المستشفى واعمل فيه واحب ان اقول شي يسألني الله عنه يوم القيامه كما سيسألك الله عن كل كلمه كتبتها [/align]

اقتباس:  المشاركة الأصلية كتبت بواسطة عاااشق بريده     [frame="1 80"]السلام عليكم ورحمة الله وبركاته : ارجو منكم قرائة الموضوع كاملا مستشفى الصحه النفسيه ببريده يعاني من اداره فاشله بأدارة عبدالرحمن البليهي فالمستشفى يعاني من عدة مشاكل لعل من اهمها : 1_ المستشفى قائم بأكمله على التبرعات من اهل الخير (( على الرغم من ان الدوله لم تقصر وصرفت له ميزانيه تكفي عدة مستشفيات فالله اعلم اين تذهب هذه الميزانيه ؟؟؟ [align=center]كم هي الميزانيه التي تتحدث عنها ياعاشق لعلمك المستشفى لايستلم اي مبلغ كميزانيه قل لنا كم المبلغ ياعاشق واتحداك تثبت ان المستشفى يستلم اي مبالغ كل شي يتم توفيره من الدوله عن طريق المديريه على شكل تأمين مستلزمات مو كاش وهذا يجي من الوزاره وسؤالك عن اين تذهب الميزانيه واللمز الذي تقصده انا اتمنى ان تبلغنا عن الميزانيه كم ومن الذي يستلمها صراحه ضحكتني على هالميزانيه الي يستلمها المستشفى [/align] 2_ المرضى المنومين في المستشفى (( اسأل الله لهم الشفاء )) لك ان تتخيل ان ملابسهم التي يرتدونها هي من صدقات العاملين في المستشفى واحيانا تبقى الملابس عليهم عدة ايام لعدم توفر ملابس . [align=center]المرضى يتم ترويشهم والتغيير لهم يومياً واحياناً ثلاث مرات باليوم حسب حاله المريض واتساخ ثيابه [/align] 3_ الاقسام الداخليه تعاني من عدم التعقيم حتى اصبحت القوارض والصراصير بذات وكأنها من العاملين في القسم لكثرتها اعزكم الله [align=center]اخر تعقيم كان يوم الثلاثاء لقسم 3+ 4 قبل انت ماتكتب وانا كنت اتمنى انك تصبر حتى شهر ابريل عشان نسميها كذبه ابريل حتى صديقك النفسيه اللي جالسين انت وهو كل دقيقه داخلين باسم جديد يقول ان الصراصير كثرت بالشتاء عمركم شفتوا صراصير تكثر بالشتاء ؟؟؟ ياخي الصراصير عندها بيات شتوي الله يصلحك [/align] 4_ المريض النفسي بحاجه الى الترفيه والشمس والهواء الطلق والمريض في المستشفى يمضي عليه الشهر والشهرين ولم يخرج من القسم فإن المخافه من الله ؟؟؟ [align=center]الشهر والشهرين ياظالم وانت الصادق يروحون استراحه اروع من اللي تروحها انت وخويك النفسيه اللي يكتب معك وهي استراحه ابو وجيه وتراهم راحو للبر قبل اسبوعين وكانوا بالطرفيه وتراهم يروحون حدائق ومنتزهات وحتى ميدان الفروسيه تراهم راحوا له ويستحيل ان يمر يوم بدون خروج المرضى للحديقه طابور حسب الجدول وحسب الاحوال الجويه [/align] 5_ كل قسم يوجد به 20 مريض واحيانا يزيد ولديهم في القسم دورة مياه واحده فقط ولك ان تتخيل الازدحام الذي يعانون منه ؟؟؟يوجد في كل قسم غرفة نوم واحده فقط وينام بها ال20 مريض سويا كان الله في عونهم [align=center]دوره مياه وحده انت على بالك الناس مالها عيون والا اغبياء يصدقون ان الغرفه فيها عشرين مريض بغرفه وحده ياخي من كلامك يفهم انهم محجورين في غرفه وانت ترثي لحالهم ياحبيبي الغرفه اللي تقول عنها هي عباره عن صاله كبيره ومفتوحه وتتسع لاكثر من عشرين شخص [/align] هذا قليل من كثير من معانات المرضى وكل هذا بعلم مدير المستشفى ولم يحرك ساكنا وهذه بعض المشاكل اللتي يعانون منها الموظفون في المستشفى منها : *_ عدد فنيي التمريض العاملين في المستشفى يتجاوزون ال200 فني تمريض بينما العاملين في الاقسام في مجال التمريض فقط 86 ممرض اما الباقي من ال200 فنيي التمريض فيعملون في مجالات من غير تخصصاتهم مثلا اداريين او شؤون مرضى او غيرهم [align=center] يؤ يؤ يتجاوزون ميتين مره وحده يعني كم نقول ميتين وعشره او عشرين كم يعني كلمه يتجاوزون انا راسب بالرياضيات وهذا دليل مبالغتك حبيبي الممرضين كلهم على بعضهم مايتجاوزون 200 لا وبعد مايوصلون 190 لا مايوصلون 180 واتحداك ولعلمك ان هناك ممرضات بالاقسام نسيت تحسبهم وتخصمهم من العدد الجديد اللي سجلناه باسمك (( يتجاوزون )) [/align] فقسم الترفيه مثلا يعمل فيه 7 فنيي تمريض وبلا عمل [align=center]انت هنا تقول انهم سبعه وفي رد من ردودك تناقض نفسك و تقول 4 وحنا نبغى آخر كلام عشان نرسي السومه وعشان نعرف الثلاثه اللي انت شلتهم وين راحوا لاننا نحب الالغاز وخلينا نفكر معك لعل وعسى يطلع لنا الحل فاي [/align] بينما زملائهم الذين يعملون في الاقسام لا يستطيعون اخذ ابسط حقوقهم وهي الاجازه الاضطراريه او الاعتياديه وذلك لقلة عدد الممرضين العاملين في القسم فهناك فنيي تمريض تجاوزو السنه تخيل وبلا اجازه [align=center]سنه كامله ياساتر تصدق انا عندي قصه صدق صدق مو زي موضوعك انا اعرف واحد والله العظيم ابوه ماخذ اجازه 17 سنه والله ماني كذاب واجبروه ياخذ اجازه غصب وبغى يمرض يوم اخذها [/align] وايضا ففي مناوبات الليل في الاقسام يكون هناك ممرض واحد فقط ولديه في القسم اكثر من 20 مريض وللمعلوميه فهناك من المرضى من لديه ميول عدوانيه تجاه الغير ومنهم من لديه ميول انتحاريه وما يترتب على ذلك من خطر على حيات الممرض وقد حصل قبل ذلك من الحوادث الكثير تجاه التمريض واخير وكل هذه المشاكل موجوده وبعلم مدير المستشفى [align=center]اعتقد نثار الاخبار جاوبك وانا ماحب اكرر وكم باعتقادك يقدر يدير القسم بالليل من ممرض[/align] واخر ماقام بعمله هو وضع كميرات مراقبه للعاملين وبدقه عاليه وبتكلفه خياااااااااليه وقد كلفت ميزانية المستشفى [frame="1 80"]360000 [/frame] ريال فلو استغلها لصالح المرضى لكان خير للمستشفى وللمرضى انفسهم [align=center]آخر ماعمله ؟؟ صدق تحتاج نظارت انت الشوف عندك صفر من سبعين ... الكاميرات لها اكثر من سنتين او ثلاث راكبه .. قال ايه قال آخر ماعمل ...؟ ونظرتك هذي قاصره وعلى بالك ان الكاميرات دافعها البليهي من حساب المستشفى وكلفت المستشفى مبالغ كان المفروض يستغلها في ايش انت برأيك ؟؟ صح ترى المستشفى مادفع شي من ميزانيته التي انت مخترعها ياحبيبي الكاميرات ناحيه امنيه وهي مقرره من زمان وفيها تعميم على كل المستشفيات وبسببها تم اكتشاف احد الحرائق خلف المباني بالمستشفى بسبب التماس كهربائي وعشان نيتك الشينه تفكر ان البليهي جايب شي للمستشفى مايحتاجه المستشفى [/align] ارجو من الاعضاء الكرام من يستطيع ايصال الامر الى المسؤلين وبالأخص في امارة منطقة القصيم ووزارة الصحه لما فيه من مصلحه لمدينتنا الغاليه اللتي يتوجب علينا المحافظه عليها من كل مايسيء الى سمعتها وبذات اذا كان موقع حساس كمستشفى الصحه النفسيه ببريده[/frame]

[align=center]يالحبيب ..
اخيراً
البليهي لايحتاج دفاعي وانا اتمنى ان المستشفى يرد والا احسن شي مايعطيك قيمه مثل ماحنا عطيناك وانا اقولها بكل صراحه
رسالتي للجميع ربما انتم لاتعلم من انا والله العظيم لم اكتب هذا الكلام نفاقاً او تبريراً وكل ماكتبته صادق فيه واعلمه وماكنت اجهله تأكدت منه من مصادره قبل ان اكتبه


اذا كثر اعدائي فهو دليل نجاحي ومبروك الحسنات المجانيه يابليهي

سر وفقك الله وكل المخلصين يعرفون جهودك ولاتحتاج لشهاده احد
والله من وراء القصد[/align]