ودي تشوف الهم وش لون سوى
في حال من حبّك على غير مصلوح
جـرحتني جـرح جديدٍ تلـوّى
على خفـوقٍ منك بالحيل مجـروح
وسـويت بي شيٍ ما ينتسـوّى
وأقـول يا سـيد المماليح مسمـوح
لـيتك بـزلاتـك علي تـروّى
يـوم ان حبي لك من الروح للروح
إن كان حبـل وصالنا ماتقـوّى
الله يعين عيون أحمد على النوح
لا يا بعد من جابوا آدم وحـوّا
خطاك مهما صار منسي ومدمـوح
ليتك دخلت بداخل القلب..جـوّا
حتى تشوف بعينك الجرح ..وتروح