الليـلـة هـــذي واضـحــة لـيـلـة فـــراق
حــاولــت آعـديـهــا وعــيـــت تــعـــدي
ظــروف مــا تنـطـاق ولا راح تـنـطـاق
صــد الـقــدر مـاهــو بـصــدك وصـــدي
تـعـال خـذنــي بـيــن آيـاديــك مـشـتـاق
قـبــل آنـتـفــارق حــــط يــــدك بــيــدي
بجلـس معـك ساعـة حبـايـب وعـشـاق
مـن بعدهـا كيفـك ولــو صــرت ضــدي
فينـي خليـط آشـواق بآشـواق بآشـواق
واصـل معـك مـن كثـرة الـشـوق حــدي
ودي الـمـك وآحضـنـك حضـنـة آعـنـاق
ياشـيـب عـيـنـي كـــل مـــا قـلــت ودي
في خاطري وش خاطري خاطري ضاق
الـكــون كـلــه ضـــاق مــاهــو بــقــدي
حتى الدموع الي آستحـت كبـر وأخـلاق
تساقـطـت مـــن فـــوق خـــدك وخـــدي
لوحة شعـر تبكـي علـى بيـض الأوراق
بيـحـت فيـهـا مــن ردى الـحــظ ســـدي
ليـلـة جـفـا وآفــراق مــا مثـلـه آفـــراق
حــاولــت آعـديـهــا وعــيـــت تــعـــدي