گنت أظن هالدمعة اللي وسط عيني ..
وانت رايح جت معاي تودعگ ..
لين طاحت مني گلها ما تبيني ..
من غلاتگ ودها ترحل معاك ..
هذا قلبي هذي عيني وذي سنيني ..
ما يبونگ ترحل و گيف أقنعگ ؟
حتى روحي واقفة بينگ و بيني ..
لا هي عندي ولا هي تقدر تمنعگ ..
خذتني گلي أنا وش باقي فيني ..
خايف أوقف وألقى ظلي يتبعگ .. !!
روح وسافر بس طلبتگ يا ظنيني ..
عالأقل لو ما أشوفگ أسمعگ ؟!
روح وسافر بس توعدني تجيني ..
وانت سالم للي ينطر مرجعگ ..
أما عني روح ولي رب يعيني ..
الله يعلم گيف حال مودعگ !! ..
صرت أحسد من گثر شوقي و حنيني ..
حتى هذا الخاتم اللي فـ إصبعك ..