[لمبة شارع]

آسف ياجماعة هذي ردود لتداخلات غالية سابقة من امس....

مرحبا فارس الميدان....

اقتباس: ايوه ايوه .. هذا الحكي الي يبرد الخاطر تعال تعال خل بقولك شي يالمبة انا بدافع عن ناس وبكون ضدهم في نفس الوقت اخوي لمبة ابشرك انا الحين عندي تعهدين بسبب الردود يعني الظاهر بقيلي واحد وتشوف غباري من قوة الخقله .. المشرفين والمثاليه لم تخرج علينا الى بعد نزول الاسماء بشكل رسمي ومعرفة اصحاب المعرفات حتى لو لم يظهروا بأسماءهم وهذا بعد مقابلة الامير لهم مما جعل للمعرف ورسميه ومثاليه ، لذلك لا تلمهم فأنهم على وجه المدفع واصبحوا يتقيدون بالمنتدى والسمعته من الخارج والمقصود من خارج المنتدى .. وما اريد ان اقول في ضدهم طريقة المشرفين المفترض ان تقتصر على انفسهم فقط فأن معرفاتهم لهم وتخصهم لشخصهم .. اما على غيرهم فلا يجبرونهم على المثاليه والرسميه ويجعلونها من باب المحافظه على بعض الاعضاء .. هذه الطريقه ومع الاسف فأن كانت تكسب عضو فأنها تخسر ثلاث عضاء يرمز لمعرفاتهم بالردود القويه والمتابعه من قبل الاعضاء .. في احد مواضيعي تطرقة لمشكله ومع الاسف كان هناك رد من احد الاعضاء في نفس الموضوع كان معارض وبشده ويطالب باتوقف وفي نفس الوقت جائتني رساله خاصه منه على ان المشكله في محلها وانه متفق معي ... والله قهر .. طيب وانا من قال اني بقول شي عشان الردود تجيني بالسر .. حنا نبغى صراحه نبغى ناس تكتب بدون تردد او مثاليه او رسميه نبغى حماس نبغى ندخل نستفيد ونشوف ونبسط ونتعرف على اشياء و على ثقافات ومواقف .. لو ابي المثاليه رحت اقراء كتاب مليان مثاليه ومصطلحات علميه ملينا منها .. انا بفس الوقت لا الوم الي يجري في منتدانا الان ولا اطالب في اشياء لني اكثر من تظرر ولكن الوم اسم المنتدى (بريده) الذي اجبرنا على ان نتقيد بالمثاليه والرسميه .. ومع الاسف فأن الاسم هو من جعلنا نتقيد بدون ان تعلم . انا يالمبة شارع حدث لي مواقف جعلتي اتوقف والتزم غصب علي بعد ان علمت من خلال تغيير معرفي الى معرف اخر فيما سبق ان هناك شوشره لي وللغير .. حتى اني اذكر في احد الردود من يسأل (وين فارس وهل له صله في فتحي الشقاقي ) فكتبت رد بأسم فتحي الشقاقي ( فارس الميدان بالسجن ) بس جاء راشد ومسح المكتوب وقال لاتتفاول على الرجال .. قلت في نفسي والله يارشد انه بالسجن على ذي الحاله بعد ما حصل معي فقد اعتبرت ان فارس ادخل السجن الاجباري المقيد بدون قيود .. وحين ماراسلتك وقلت لي بنفسك (فارس ارجع الى معرفك فقد تعودنا عليك هكذا ) علمت انك تدرك سبب تغييري وعلمت انك تطالب بما تقول في هذا الموضوع وهذا ماتسعى ايه .. وبما اني في صفك ومن اجلك ولا يهونون الموجودين رجعت الى المعرف الذي كان بالسجن واطلق صراحه بعد توقيع تعهدات بالاتزام .. والله قهر حتى الاشياء الخاصه بي ،، ان تطرقت لها في بعض الاحيان تجد من يجبرني على التحفظ .. طيب انا حر ياخي طز في العالم وطز في الي يزعل ان لم يعي معنى المنتدى .. لمبة شارع ارجو ان لاتلم احد .. فل يقع الوم على اسم المنتدى ((( بريده ))) فأن الاسم هو من جعل من الاسماء هذا القائم .. ولكن ارجو من الجميع ان يسعى في المحافظه على العضاء وعدم التفريط في احد حتى لو كان على خطاء في نظريه او عنجهيه في امر ماء .. على العموم حتى وانا اكتب هذا الكلام فأني اعتبر نفسي ملتزم وكأني منخنق ولكن لعل الامر في تحسن فيما بعد ولعل الامر مجرد وعكه وستزول .. بالنسبه للمثال الذي تطرقت اليه عن الشخص الي كاتب 4000 مشاركه وماتقيد فيها من الباب الثاني .. اتذكرت سالفه كنت اقولها في مجلس مشرف مع بعض الاخوه يوم الاحد .. كنت اقول اني مره وقفت في بقاله وكان معي واحد من العيال ماسك زقاره وجالس يدخن .. المهم اني وانا بنزل البقاله قلتله وش تبي اجيبلك معي من البقاله ؟؟؟ قال جب مثل الي تجيبلك .. قلت اوكي انا بجيب ببسي .. اجيبلك معي ؟؟؟ قال لالالا قلت ليش ؟ قال والله الببسي يسبب السرطان ومضاره كثيره ويقولون انه يفتت الكبد وجلس يعطيني محاضره طويله .. لما خلص .. قلتله طيب والزقاره الي في يدك تدخنها هذي ماتدري انها اسرع طريق الى السرطان والامراض الي قلت ؟؟؟ والله الناس تضحك .. تارك الببسي وماسك زقاره هههههههههههه >> قال ايش قال سرطان .. الله يرحم حالك يابوي

مرحبا فارس الميدان الغالي...

شوف فارس... رغم انك احيانا تحوم كبدي وأنا احوم كبدك... لكن يبقى في داخلك قلب لايمكن ان يحتفظ بالضغينة.... تدري ليش... ؟ لأنك صادق..انت يافارس نموذج للعضو الذي ننشد... صح قد نختلف ونحمق من بعض واحيانا اقول للمشرفين شوفوا فارس مخربط هنا والا هنا لكن تبقى يافارس عملة نادرة في عدم النسخ الكربوني ممن سواك من اهل الطابور اللي صافين فيه حلوين طيبين وهم شافطين كروشهم وموارين عرجهم عشان تطلع الصورة حلوة....
فارس
يوم تسجل في معرف فتحي الشقاقي حطيت توقيعك استيكرات تخصني..وكنت اعتقدت للوهلة الاولى انها من واحد طيب حبيب ضعيف هنا... فبلغت الادارة بشكوى ضد معرفك فقامت الادارة بإزالة اسمي من توقيعك...وبعد دخولك على المجلس الاجتماعي وجلدك فينا هناك.. قلت هذا فارس!!
لكن يا مهبول منين جبت هذا الاسم فتحي الشقاقي؟؟؟ انا رحت ادور في قوقل لقيته اسم مؤسس حركة الجهاد في فلسطين...!!

بس صراحة له رنة ونغمة وكاريزما خاصة....

فارس..هذا المتصفح وجه آخر لمتصفك الذي في الاجتماعي (سحقا لك)