أبتسم مع منيره 👇
😂😂😂👍
هذي وحدة اسمها
منيره بنت سعد
كبيرة بالسن
بس سنعة وشقردية💪
وأفنت حياتها لعيالها وزوجها
وفي يوم قالت :
شلون ما أعرف أقرأ ولا أكتب
ودي أقرأ قرآن
ودي لو أكتب إسمي
وعزمت إنها تدخل محو الأمية
وجابوا لها عيالها شنطة فيها دفاتر وأقلام
وحتي عباة جديدة لزوم المدرسة
وسجلت وقبلت وبدت تتعلم
وأول شي علموها
كيف تكتب اسمها واسم أبوها سعد 💗
فدمعت عينها وهي تكتب
وجت المعلمة قالت وش فيك يا منيرة
قالت : ذكرت أبيي الله يرحمه
أول مرة أكتب إسمه في قرطاس
وتحمست المعلمة قالت يالله بنكتب اسمك كامل
منيرة بنت سعد
وفجأة رمت القلم وصار وجهها أحمر 💣🔪
وش فيك؟؟
قالت تبيني أكتب إسمي قبل إسم أبوي؟؟!!
والله إسم أبوي قبل إسمي
قالت المدرسة: كل الناس كذا
ردت منيرة: إذا صاروا ما يستحون أصير زيهم
لا وألف لا✋
يابنت الحلال راح يصير
سعد بنت منيرة
قالت ولا أكتب اسم أبوي وراي الله يشرفه ويجعله بالفردوس
وعيت تكتبه ورا اسمها
آخر شي توصلوا لحل
وكتبت
"سعد بنته منيره"
وكتبته على دفاترها وكتبها لين تخرجت من الابتدائي
وكانت تاخذ الأولى عليهم وكل شهاداتها
"سعد بنته منيره"
رحم الله قلوب طاهرة بارة بوالديها
🌺 يا حلاتهم بعض كبار السن
إمرأة كبيرة بالسن:
لما حدثوها عن الجنة وأنه تسقط عنك التكاليف والعبادة !
قالت: أما الصلاة
والله ما أتركها أبفرش سجادتي تحت الشجيرات بالجنة وبصلي"
وأخرى
تقول يالله الجنة
مغير أصلي وأسبح وأهلل ...
قالوا لها خلاص
ما فيه تكاليف
ولا صلاة !!!
شهقت قالت : ياخزياه من ربي
نتسدح ونتبطح
ولا صلاة ولا عبادة ،
ما تركنا الصلاة بحياة الشقاء نتركها بالنعيم
قلوب تعلقت بمحبة لله..💔
من أروع ماقرأت 🌹