[تركـي]

ضيفتنا لهذا اليوم ..

العضوة القديرة : ديــم ..




مرحبا ..


س1/

مرحبا بالعضوة / ديم ..
بدآية ممكن نأخذ تعريف بسيط عن ( ديم ) ..
وآترك لكي المساحة .. ؟


أهلين ..
مرحبا فيك أخوي تركي ..
قبل التعريف .. وافقت على هالمقابلة لأنّ ذوق الإدارة معي يخجلني .. وأعترف إني ربما أكون الإبنة المدللة للمنتدى هه ..
لذلك وافقت لا لشيء إلا لأني أستحي أرد الإدراة خصوصاً في طلب زي هذا .. فـ إنو .. حيالله مقابلة ماتضر *_*

نجي للتعريف .. :
دِيم المنتدى ماتخفى عليكم ..
كانت بيوزر خربشآت نآعمة سابقاً والآن دِيم ..
دِيم الحياة :
عشرينية , مسالمة حد الخبال .. لكن أي حدآ يقرّب من حمآي آكله آكل .. ويمكن يروح معطوب ..
مشكلتي ب الحياة إني إنسانة ماحب أتكلم كثير لدرجة الخرس ..
يادوب أتكلم جملة واحدة أعبّر فيها اللي أبي .. *
ماما تقول نبي نوديها مطوّع .. *_* > شفتوا شلون اللي ماتثرثر تعتبر استثناء بعالم النساء ..
وش بعد ..؟
أستعد لدخول حياة جديدة وأودّع العزوبيّة .. *






س2/ هل العضوة/ ديم .. حروفها تنبع على حسب المزآآج .. عندما يكون هناك ولادة حروف منها .. وهل المزآآج يتحكم بما يكتبها قلمها ..؟؟


مزاجي صاير .. هو المتسيّد آخر كم شهر من عمري
لكن أعرف له .. صرت أعامله معاملة جلال الحمولة ..
مبين ساتر من برآ وراعيته مهملة هه ..

بالنسبة للكتابة :
ما أتعامل بمزاجية مع الكتابة أبداً ..
أولاً : بطّلت أكتب أشياء دسمة في المنتدى لأن فيه مشروع كتابة صغيّر ماخذ كل الطاقة لذلك أجي هنا أقرأ للأعضاء أكثر شي .. تلقاني أعرف الأعضاء في الفترة الأخيرة أكثر من قبل ..

* يعني : المزاجية أبداً مالها دخل بكتاباتي أبد .. > حالياً على الأقل *






س3 / نجد بمواضيع / ديم .. دائما كفكره
تبحث عن التغيير عن المعتاد بالطرح ..
هل هو الرغبة بتغيير الروتين بالكتابة ..
أو هو البحث عن الجديد والأفكار المميزة ..
بمعنى آصح : ياآكتب شي يستاهل والآ بلا ..؟؟



ممم واللهي ما أحس إنّي أكتب شي محرز وواوو ..
بالعكس أشوف إني أتحمّس للكتابة ولمّن أخلص ألقاني جايبة شي عادي *

واغلب مواضيعي مؤخراً .. صايرة خفايف .. ،



س4/ نعرف بأن تخصص العضوة / ديم
هو لغة الضاد .. كــ دراسة ..
هل التخصص له دور في الطرح والأفكار
وله تاثير في أطروحات / ديم ..؟؟



مساعندي يمكن ك أسلوب من حيث إنو أدور على شي يعبّر عني تماماً وهو مش شيء زايد يملّ الواحد لمّن يقراه ...

أما الأفكار وهيك ما أظنّ إن له علاقة .. *



س5/ العضوة / ديم ..
بالرغم من الثقافة اللتي تملكها
ولكنها تتحاشى الدخول بالنقاشات الطويلة وتكتفي فقط بمجرد الرد بأول النقاش ..
وبعد ذلك تكتفي بارضاء من حولها ..
هل ذلك رسالة الى المتحاورين بالأستسلام
أو رسالة بأنها قد آعطت ماعندها ولا تريد الآسترسال بكثرة الحوار بدون فائدة ..؟؟


حتى ب الحياة العادية كذا .. *
شايبي مخرّبني يمكن ..
معلمني إن اللي يتناقش بين اثنين : يامدور حق أو مدور طلايب ...
الأول : إذا ظهر له الحق سكت ورضي لأن هذا اللي يدور عليه
الثاني : يبي يجادل لمجرد إنه يجادل ..
والفقيرة إلى الله مالها خلق تلت وتعجن ب الكلام .. أبداً ..
+ أغلب الأعضاء هنا .. ( وأنا أقول أغلب مو القلّة ) يدورون الطلايب وتكثير الصفحات
ممكن يجادلك فـ شي هو مش مقتنع فيه أصلاً ..
وطبعاً هالشيء ماجبته من عندي هه ..
يجيك حد معارض بالموضوع .. وبالخاص له كلآم آخر .. وتأييد عجيب !
وهالشي لاحظته بأكثر من عضو + عضوة ..
لذلك يكفي من الأكل ما أقام الصلب ..
إذا زاد بيصير تخمة *




س6/ البعض يتهم العضوة / ديم
بأنها تستغل ثقافتها بالتحوير وفق آهوائها
كما يقال ..
وخاصة في موضوع الأبراج ..
الذي شهد نقاش كبير بين الآعضاء في ماذا تقصد / ديم بتفسيراتها وقرأة الآبراج ..؟؟

حقيقةً أنا طلبت يتسكّر الموضوه لسببين .. :
طبيعة الأعضاء القصيمية .. تحتم عليهم رفض أي فكرة جديدة لها علاقة بالشرع لذلك تلقاهم هبّوا وهم ما قرؤوا الموضوع كويّس ..
الثاني :
زي ماقلت قبل .. ب النت وبحياتي العادية إذا حدآ مافهم عليّ مش مجبورة أفهمه ,, لو كان يبي يفهم يمدي تمّعن بكلامي ويكفي ..

+ نجي لنقطة التحوير ..
مشكلتنا في قراءة أي شي نأخذ أوله ونترك آخره
مثلاُ بالفتاوى اللي جابوها الأعضاء كلّها تحرّم التنبؤ .. واستقراء المستقبل ..
بالرغم من إني كاتبة بالأول هذي قراءة شخصيّات ..
زي ماهي عند شيبانّا .. بالضبط .. وهذي نوع من أنواع الفراسة ..
لكن أرجع وأقول طبيعة أهل بريدة ربما تختلف بتقبّل الأشياء ( الغريبة عليهم ) باعتبارها محرّمة ..
فـ مش قصّة تحوير قد ماهو إني مبية وجهة نظري ب الضبط .. لكن فهِم من ذلك إين أحور الفتوى ع كيفي .. *




س7/ نلاحظ بأن العضوة / ديم حينما تريد أن
تكتب .. فــ حروفها تظهر بجمال طرحها ..
كما يحدث كمثال .. بمواضيع العضوة / بنت العاصي ..
وحينما تريد أن تبتذل ..
تجد حروفها تميل للعامية وفق بيئتها الصحراوية بالتعليقات ..؟؟



كبيرة كلمة تبتذل هه .. لكن تجاوزاً بحسبها بنيّة كويّسة .. *
لو رجعت لديم بأوّل مواضيعها بتلقى الإجابة لسؤلك ..

+ العامّية اللي أتكلم بها أو أمتبها مخلوطة بكثير من الفصيح ويمكن هالشي للتخصص دور فيه .. *
يعني ما أحس فيها ابتذال .. *




س8/ هناك من يتهم العضوة / ديم
بأنها متكبره وهذا الأتهام نابع من اعضاء بعض الأقسام مثل همسات نواعم والمطبخ و الاستراحة والنوافذ الأدبية ..
هل حرووف ديم فقط محتكره لواحة الحرف والمجلس ..؟؟


ههه .. أفآ .. حتى لو لم يكن لفظ متكبّرة معني بالمعنى ذاته إلا إنّ وش قصة التكبر هاليومين هه
كل ماطق عود بحصاة قالوا عنّي متكبرة .. وأنا ياعيني ماعرف حتى شلون يتكبرون *
+ همسات النواعم والمطبخ يمر علي شهور مادخلته وأعترف تقصير منّي .. لأني من جد ما لي بالطبخ وهالشغلات .. والأزياء . . اللي المنتدى ( وحتى المنتديات الثانية ) حاصرين المرأة فيه .. *
لكنّي مصورة كمّن طبخة أنا مسويتها وكل شوين أقول بنزلها .. وأتكاسل .. *
أما النوافذ الأدبية : فـ صحيح أنا مقصّرة .. وان شالله بالأيام الجايَة يصير لهآ شي حصري *_*
> يبي لها أحد يعلّها .. كل شوين .. ( كسولة للأسف * )




س9/ بعيدا عن الحرف ..
ماهي أهتمامات العضوة / ديم
وماهي هوايتها ..
وهل التحصيل العلمي له تأثير على هوايات الفتاة ..؟



سابقاً .. :
كنت أهتمّ , بالمكاشيت .. أربع وعشرين ساعة عند حلال الوالد ومعي كتبي وأقرأ عليه > برضو عندي صور للكشتة الأخيرة كل شوين أقول بنزلهم وأنسى .. *

يعني : اهتماماتي ( كانن ) : بر + وقراءة ..

حالياً ..:
خفّت طلعاتي للبرّ وخفّت قراءاتي وزاد إهتمامي بـ لاشي هه ..
أقصد هالبلايات أخذنا عن ممارسة الأشياء الحلوة اللي كنّا نمارسها قبل ..
لكن بقي شغف القراءة موجود .. صرت أحمل كتاب كل شهر وأجلس أقرا فيه شهر ثاني هه ..
+ حالياً القراءة ماعادت مغرية زي قبل .. صارت الكتب المكتوبة .. تنعطى دورات أو سلسلة محاضرات علمّية ..
يعني صفّى الروايات : > وهذي شغلتي عاد هه ..

يعني : اهتماماتي صارن : بر أقلّ + قراءة أقلّ ..


س10/ من من الآعضاء يكون للعضوة / ديم
آهتمام بما يطرح ..؟


تبعول المجلس .. والمدونات .. :
ومع الأسماء .. مع الموجودين حالياً إلا إن فيه عالم غابت ..
زي بندر + سراج اللوذة وأسماء تعطلت ذاكرتي عن تذكرهم ..
لكن يكتبون صحّ


س11/ بالرغم من كونك بعيدة عن ربوع بريدة
مالذي شدك الى التسجيل في منتدى بريدة .؟
وهل ترين بأنكي آرضيتي ذائقتك بالمشاركة في المنتدى ..؟
أم لازال للحرف آبداع بالجديد ..؟



يابريدة : مسميتها خشيرة الروح
صدقاً أول ماسجلت في المنتدى كنت بعيدة عن بريدة .. وما عرف عنها إلا زيارات ماتدوم يوم يومين وخلاص ..
لكن سبحان الله مع تعمقي بالمنتدى صار أغلب أهلي هناك ..

وصرت أزورها كثير وحبيتها أكثر هه *
لا وأبشركم صرت أعرف عن أطباع أهلها شي كثير ويمكن أطقطق بلهجتهم شوي > يمديكم على أولاه ههه ..
أما اللي شدّني .. سالفة يمكن من الألفين وثمانية .. :
لمّن صار في منتدى ثاني مسابقة عن صور الأماكن الأثرية ب القصيم .. وكتبت شي بالبحث .. وطلع لي منتدى بريدة ..
وسجلت بحكم الفضاوة هه ..
وأذكر كأني طلبت منهم صور أو شي زي كذا .. أو ماطلبت > ناسية هه ..
لكنّ تفاجأت إن بعض الأهل موجودين .. فيه وهاللون
وكان المنتدى نشيط .. خصوصاً قسم الحوار العام > أظن كان اسم المجلس كذا قبل يغيرونه .. ؟
فـ وبس استمريت وطولت فيه
بالنسبة .. للحرف إن كان انرضى أو لا ..
فـ كان يرضيه المنتدى في فترة سابقة .. أما الآن .. ربما كبرت وصار ذوقي أصعب فماعاد يرضيه شي هه ..



،



س12 / ماذا تقولين للاعضاء في قسم المجلس ..؟


اعقلوا * هه

س13/ نعرف بأن المنتدى يجمع بين اعضاء بمختلف الثقافات والأعمار والأجناس ..
من هي العضوة اللتي ترى / ديم
بأن المنتدى جمعهم ..؟

مش فاهمة السؤال ب الضبط .. > *



س14/ هل ترين بأن المعرفات البديلة بالرغم من كونها مكشوفة ..
تنقص من فاعلية العضو والآ العضوة في حروفه المتناقضة ..؟؟


والله مش عارفة ب الضبط لكنّ المعرفات الكثيرة اللي جالسة تصير ... يمكن أنا ما أقدر أسوي زيهّم .. ( ياكثر ما تهموها بأن فلان وعلانة * )
لكن هالشيء راجع لطريقة تعامل راعي المعرفات معها
مثلاً يجيك واحد .. يعزز لروحه بمعرفاته هذا مريض هه
أما اللي يكتب بمعرف بطريقة وبمعرف آخر بطريقة أخرى برضو على حسب طرحه ..
أحيان يكتب طرح مايقدر يكتبه بمعرفه الثاني ..

^^ شغلانة والله الله يعينهم .. *


س15 / ماهي طموحات / ديم المستقبلية ..
كتحصيل علمي ..
أم ستكتفين فقط بنهاية مرحلة البكالوريوس
كنهاية ..؟؟


واللهي مش عارفة لكن النية موجودة وإن كنت أتمنى لو كمّلت بكمل بشيء غير اللغة العربية *

+ إذا قدر الله وأخذت شهاداتي فـ بتستت ببيتي وأربي بيبياتي .. *


س16/ هل ترين بأن التحاور وحتى لو حمل مبدأ الآختلاف بين الآطراف هو شيء صحي
أم تكتفين بدور المتفرج حينما ترين حوارا ساخن ..؟؟


هه سجل عندك متفرج *
وش أنتِ ياحواراتنا الساخنة ..
كلها ركب سود وفانيلة ومادري وشو ..
للآن مالقيت حوار يلهمني ويخليني أتوتّر وأحاول فعلياً أثبت وجهة نظري *

يمكن بالمستقبل ..؟
ربما ..


س17/ هل ترين بأن التويتر يفتح مساحة للحرف آكثر حرية ..؟ وهل آنتي من المغردات في هذا الجانب ..؟؟


تويتر ..
يفتح الحرية ويقنن عدد الحروف > معقدهآ ..
التويتر حبيته لأنه ربطني بالعائلة أكثر ..
كل الأهل هناك .. عرفوني من ناحية كيف أكتب ..
وعرفت الوجه الآخر لطريقة تفكيرهم *

مغرّدة وأحياناً تنشّز هه *



س18/ هل تؤيدين مايدور حاليا في الساحة بالحرب بين التيارات ..
وكل يغرد على حسب آهوائه ..؟


ضريبة ولازم تندفع ..
أي حريّة فكرية بتحصل فيها أحزاب وتيارات ..
لأن القائد خبل ( النت )
المسلمين ليسوا بحاجة لقائد افتراضي .. يشكل فيه الخلق أحزابهم ع كيفهم ..
المسلمين بحاجة قائد .. يحكم بالسيف والدم إلى أن ينتشر الإسلام ومن ثم يعمّ السلام .. *


س19/ هل تؤيدين ما نعيشه بوقتنا الحالي بالأنفتاح في كافة المجالات وخاصة فيما يتعلق
في المرأه ..؟؟

أكثر حدن متضرر من الإنفتاح هي المرأة .. *
ولك بدها كتلة هالمرأة على قلّة عقلها ..
ياعالم المرأة زي الشعوب الإسلامية تبي لها قائد يعسفها ويشكمها .. مو يخليها على راحتها ..
لكنّ قريب إن شالله .. يرجع حكم الرجل وتصير المرأة تحت جلبابه .. كـ أنثى تخرّج الرجال مو تخرّج عاهات هه *


مسكينة المرأة والله *


س20/ هل ساهم تطور التقنيات في وسائل الآتصالات .. الى سهولة التواصل بين الجنسين
بعيدا عن المراقبة .. مثل الهواتف الذكية ..
وهل العرب .. وخاصة الشباب والصبايا ..
آنحسر تفكيرهم بأهتمامات التعارف والتعليقات
؟؟


ممم يمكن هالجيل هم أكثر عالم مؤهلة لإستخدام التكنلوجيا ..
أكثر من اللي قبله ..
أقلّها يكسر حاجز الجنس الآخر .. ومايصير هو أول وآخر اهتمامه زي الجيل اللي سبقه .. *

صار جيل ناقد من الدرجة الأولى مع بعض التريقة + جيل واعي وماينلعب عليه .. *






س21 / كلمة تقولينها عن منتدى بريدة ..؟؟



أحسن منتدى ب العالم .. وفيه أحسن ناس بالأرض
ويارب ماكون أخطيت بحقّ حد منهم في يوم *
شكرا / ديم ..




كل الشكر تركي ..