ياليت قالها زوجي قبل أخوي

[شاديه]

كانت هناك جلسه بين أخوه وأخواته وكان من بين تلك الجلسه أخ حبوب وطيب يرفع المعنويات

من زمان ماشاف أخته اللي تجاوزت بداية الأربعين بحكم البعد فيما بينهم وكان شعرها شبه ان غطاه الشيب وبدأت على وجهها بداية تجاعيد الزمن

قالت لـ أخوها أنا زوجي مو موجود بوصيك غرض من السوق تجيبه من السوق صبغة شعر بصبغ شعري

قال لها أخوها انتي مازلتي شباب مازلتي فتاة صغيره ليه تصبغين شعرك ابتسمت ابتسامه خجوله وندبت حظها لأختها بعد انصرافه

قالت : ياليت قالها زوجي لي أرجع شباب بدون صبغه وتختفي التجاعيد

هل الكلام الحلو يباع دلوني عليه بشتريه

[روفه]

نحتاج الكلام الحلو من بعض المقربين

بس حنا المفروض مانبخل على نفسنا

غالبا حنا الي نهدم نفسنا مو اي احد غيرنا

[انتظرتك]

اقتباس: هل الكلام الحلو يباع دلوني عليه بشتريه

ياما غرفنا وحشينا من الكلام وجدعناه بحجر الحبيب
بس ماحرك فيه ساكن !!

[نجداوي]

سألني بياع الورد بعدو بيحبك بعد , شو بدي قول ؟

اكيد كلام الزوج وحتى لو كان برخص الدرهم ف هو طاقه وعزم وايضا متعه تخلد بحياتهم

ف الزوج ك بياع الورد اذا احبها واعتناء بها سوف تحب وردهُ الملون بجميع اصنافه

ف حب الورود من قبل الننساء هوس قاتل قبل ان تذبل الورده .

احترامي .

[نصراوي عسل]

هههههههههههههههه هذا كذب وخداع ولعب بالعقل


مفروض يقول وشوله أجيب صبغة هالشيبات زادت


من جمالك ,و أعطتك منظرا رائعه ساحرا ليتك


مشيبه من قبل ههههه يعني اللي يبي يدلع


زوجته لايكذب ( قوة ) حتى لا تشعر بأنه ( يضحك عليها )


الأجمل أن تمتدح العيب الذي يؤرقها 00 فلو مثلا تضايقت


( من الشامه ) حبة الخال 00 مثلا يقول هذه أعطتك مسحه


جماليه رائعه 00 الله يديم العشره الحوله بين الجميع


أزواج وأخوات وأصدقاء وجيران 0000000

[زين نجد]

اقتباس:  المشاركة الأصلية كتبت بواسطة شاديه     قال لها أخوها انتي مازلتي شباب مازلتي فتاة صغيره ليه تصبغين شعرك ابتسمت ابتسامه خجوله وندبت حظها لأختها بعد انصرافه ونعم الأخ.. قالت : ياليت قالها زوجي لي أرجع شباب بدون صبغه وتختفي التجاعيد من يسمع هذه الكلمات ولا ينكسر خاطرة فقلبه قاسي والعاقل يفهم مع كل احترامي.؟؟؟ هل الكلام الحلو يباع دلوني عليه بشتريه لو أن هناك شيئاً يُباع لأشترينا رجالأ يقدرون نسائهم ويراعون مشاعرهن..

ودي لك،،،،

[نملهـ فوشيهـ]

الكلام الحلو يرفع من المعنويآآت
حتى لو كآآن مو صدق

[الخيآلي]

مافيه ازين من الاخو

[ونة خفية]

اقتباس: هل الكلام الحلو يباع دلوني عليه بشتريه

اسواقه كثيره بياعه مشروعه ومحرمه
ولكن الأسواق المشروعه غالبا ما تأتي بعد فوات القطار وتبلد الأحاسيس لذا لا تنفع ولا تبني خراب
والأسواق المحرمه مأسي كثيره لجأت لها ولم تتكبد سواء الخسارة والندامه
ومادام هالمره تعدت الأربعين فهي راكده لبلوغه سن الرشاد
وتكفيها الكلمه الحلوه من اخوها !!

[جُ ـمُوْحُ ~||]

بجــد مثل الكــلمات ترفع معنويات الشخص وتزيد ثقته بنفســه ..
خصوصــا الحريم كل ماكبرت تتمنى دايم من يثني عليهــا والكلمات الحلوهـ والرقيــقه ..
لكــن للاســـف تفكير واسلوبنا بعض الاحيان مادري وش يبي .."

عـــــواااااااافي .. ولاعدمنا .."

[مرافى هادئه]

الله يجزاه خير اخوه فرح هالمسيكينه

مممممممم الكلام الحلو له تاثير كبير علينا يالحريم ع وجه الخصوص

اما لاصار من الزوج احس انه غيررررررر << ترى مابعد جربت بس هذا احساسي

[قـتـالـه]

فكونا من غثاكم ولانبي لكم مدح !

[عذبـــــة]

اقتباس:  المشاركة الأصلية كتبت بواسطة انتظرتك     ياما غرفنا وحشينا من الكلام وجدعناه بحجر الحبيب بس ماحرك فيه ساكن !!

ياانك انت ماعندك اسلوب أو ان حبيبك خشبه عاد ادخل على الله ولا ليش مايحس وانت تغرف له غرف !

اخوي من نمونة هاللي مدح اخته .. دايم مطيرنا بالسماء يمدح فينا على الطالعة والنازلة ياحبي له
لكني مابحياتي سمعته يمدح زوجته !!!!!!
مدري هو مايمدحها قدامنا ولا انه مايمدحها أبد .. أدخل على الله ايضا
بس والله ان زوجته تكسر خاطري اذا شفتها تستمع لمدحه لنا وعيونا طايره ياحيي هي

[عذبـــــة]

اقتباس:  المشاركة الأصلية كتبت بواسطة قـتـالـه     فكونا من غثاكم ولانبي لكم مدح !

ياخيتي وش وراهم خليهم يمدحون
على الأقل يكفرون عن غثاهم اللي تقولي عنه

[oldman]

اقتباس:  المشاركة الأصلية كتبت بواسطة انتظرتك     ياما غرفنا وحشينا من الكلام وجدعناه بحجر الحبيب بس ماحرك فيه ساكن !!

ماكلٍ من دق على أوتار القلب شرعت له البيبان
هي تقول أغديه يفهم من غير تجريح
------------------------------------------------------------------------------------------------------------------------
سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه