لـَو زوًجـتـْك لهــآ مآآآآضي ؟؟

[احاسيس المطر]

السلام عليكم ورحمة الله وبركاته



الموضوع منقول للفائدهـ





وحده تقول:



حبيت اطرح قضيه حاصله بالواقع هذااا
وقضيه تؤلم الرجل اكثر من المرأه الانه يحتار في حلها
وكيف ينهيها حبيت اطرح عليكم قضيه حصلت الاحد اقاربي
وبما اني محاميه العايله فاالاستشاره مهمه قبل الفصل بالموضوع
وحبيت اخذ راي الجنسين بنات ورجال
ووجهه نظرهم لو كانو هم من وقعو بهذا الحدث



القصه باختصار :
احد اقاربي تزوج بنت معروفه بطيب اصلها ودينها وامها مطوعه يعني عايله يسودها الدين
وبناتهم بعيدين عن التبرج والطلعات مع صديقاتهم وغيره الا انتو عارفينه
عقب ماتزوج الرجال اكتشف انه البنت جريئه فوق حد المعقول وماتعرف شي اسمه الحيا
المهم انصدم الرجال وقال خلني اطول بالي معاها يمكن هي غير البنات وعلى نياتها سافرو من ثاني يوم كان مده السفره 16 يوم ولا مره شافها تصلي وبنت زايقه عيونها وفوق هذا تحملها وانصدم قبل الرجعه منها قالت لها عن ماضيها وشلون كانت عايشه عند اهلها من مثل
- قالت انا كنت ادخل الماسنجر والشاتات باسم مستعار وبعض المرات بإسمي واسم ابوي واكذب على الشباب واقول من دوله اخرى وهي فقط محادثه خلف الشاشه ماصار شي زايد ولا تليفون



هذا الاعتراف الاول انصدم الرجال واخذ يسايسها انه ماراح يقول لهلها بس تصارحه



_ والشي الثاني قالت انا طلعت من الجامعه من وحده والعياذ بالله ماكنت اعرف شنو ناويه لي واخذتني مطعم وجونا اثنين من الشباب بس مالمسوني فقط يتحرشون والبنت مهددها رفيجها تجيب له بنات بس ماصار شي



هذا الاعتراف الثاني



- يوم سألها الرجال عن إعانتها الجامعيه قالت مره كنت تعبانه بالكفتريا وماقدرت اطلب قلت حق صديقتي تشتريلي بالكنت وعطيتها بطاقه السحب والرقم السري والمصيبه صديقتي اكتبت رقم البطاقه ورقم السري وقامت تسدد فواتير تليفون صديقها من فلوسي واهلي مايدرون



هذا الثالث



- قالت سايق بيتنا كان ينظف بيتنا الانه ماعندنا خدامه فسرق شعر راسي من المشط مادري ايش وساحرني علشان احبه وابوي فتش داره وشاف الشعر وغيره وطرده واهلي حرموني من الجامعه وخلوني خدامه عندهم .



هذا الرابع



الرجال حجز اقرب طياره وداها عند اهلها بس ماعلمها بنيته انه بيطلقها وهو محتار يقول اخاف انها حامل والبنت شريفه بس لها سوابق دخلت الشك فيني والشخص هذا والله هو من اقاربي معروف بطيبه ودينه وسعته صدره وعمره ماعرف الشك قالي تخيلي وانا رايح شهر عسل ولا شهر شك من كثر ماهي اصدمته بجرأتها وماضيها شرا جيهاز تصنت فرجع عند اهله وقال ابي اطلقها واستر عليها واقول للناس قسمه ونصيب واخاف اني اظلمها اهلها ناس طيبين الناس شنو راح تقول طلقها من اسبوعها محتار الرجال
يقول هل اصبر عليها واشوفها حامل ولا لا وبعد شهر اطلقها ولا يطلقها الحين ؟



السؤال هنا للشباب وش بيكون رايك اذا كان زوجتك لها ماضي؟؟


سؤال للبنات مارايكم بهالزوجه؟؟

ومشكوورينـ

[عاشق الخير]

هذي يبيله قص لسان ..

[فتاة غير]

اللهم عافي كل مبتلى ياحي ياقيوم

يفترض إن البنت اذا كان لها سوابق تستـــــــــــــــر على نفسها وتتوب ولا تقول لزوجها ولااااااااااا كلمة

[امرؤ القيس]

[frame="1 80"]
السؤال هنا للشباب وش بيكون رايك اذا كان زوجتك لها ماضي؟؟
[/frame]

أعتقد أن القصة ملفقة الا اذا كنت الزوجة غبية


الانسان دائما يثق بزوجته ثقة عمياء ومجرد الشك قد يهدم كل شيء

[هلاوين]

هذي مهيب بنت هذي ولد مصرقع هههه

تشكراتي لك

[الورده الجريحه]

بصراحه القصه غريبه وماتدخل العقل حتى لو كان لها ماضي المفروض

كانت تحمد ربها أنها تزوجت وأنسترت وتنسى الي كانت تسويه ماأعتقد

فيه عاقل سواء شاب أو فتاة يعمل الي عملته هذي أسمها مجاهره بالمعصيه

ووقاحه وبعدين يقول ماتصلي هذي مايجوزله يعيش معها لاأنها خرجت عن

المله وشيبي فيها وهي ماتصلي

[رِوَآيــّـہ ❀]

والله يآلبنت ذي خبله
المفروض انه ماتتكلام عن ماضيها شي خلاص وتنسى كل شي وتبداء مع زوجها من جديد
اجل اسردت له كل شي ههه

[╝◄ ساندرا ►╚]

ناس مدري معين تفكر الحمدلله والشكر

دام ربي ستر عليه ليش تفضح نفسه قدام زوجه

الماضي يعتبر ماضي والحاضر بحياته اهم شي
المفروض تتوب عن افعاله وتعيش حياته

[فديكا التميمي]

هدره بمعنى الكلمه
بس الصدز عجزت اقتنع احسه سباحين ,,,

[| ~ ســمــو ~ |]

احس السالفه سباحين و حلوم ليل يمحاها النهار

واذا هي جد ماعندي الا ثلاث احتمالات
اما ان البنت غبيه او ان البنت غبيه
او انه مغصوبه عليه وتبي الفكــــــــــــاااا

[آنثى آستثنآئيّه]

معقوله من كم يوم جابت ماضيها كله شي ما يدخل العقل

[طقاقة بدون مايك]

أنا لو متسآن زوجهآ ول كآنت بي ذرة رجولة ل ألفعهآ وآلعن خير خيرهآ

همين أطشه عند اهله ...وآقط عليه الطلاق ب الثلاث ومآهنآ حسايف
بعد



والله ومن وسآعة وفهآرة الوجه بعد ...قآعدة ومتربعة قدآمي وتقولي كنت و كنت وبكل شموخ و عزة بعد



لعن الله بو ذآ الفرة بس ي قليلة الخاتمة


مدري م فكرتي ب اخوتس والا ابوتس

والا حتى خوآتس هالله ابو بليستس ي دزليلة الحيآ و النآموس




بس وش نقول


ي حسايف والله



هآذا ب النسبة جوآب آلسؤال الاول



أما ب النسبة للسوال الثاني


ف رأي ب النسبة للزوجة



أنه يقآلهآ عندنآ آنهآ زوجة دآشرة هآذا والله أعلم بهآ مني

[هلاوين]

القصة على مافهمت منها

انها في الكويت او احد الدول العربية .

[SAGA]

واضح إنها على نياتها وتحسب إذاقالت عند زوجها كذا
بيصير عادي عنده ..
أنا أقول يستخير بالأول وبما أنه رجل شرقي بالتأكيد هالماضي بيأثر على حياتهم الزوجيه فيشوف نفسه إذا إنه عادي يقدر بكمل حياته معها وبدون وجود أي تأثير لإعترافاتها في حياتهم ..يكمل معها. وإذا مايقدر يكمل معها وهذا الأرجح ينفصلون قبل ماتحمل..

[كروومه]

وش هالبنت الي خرت كل شي

ماخلت ولا سوليف الجامعه
مابقى شي اعوذ بالله هاذي قربة مقطوووعه

الحمد الله والشكر على نعمة العقل