د.سلمان العودة .. اغلب الرجال يفضلون زوجه ثانية مغربية وشامية .. !!

[تركـي]

السلام عليكم ورحمة الله ..

طرح الدكتور / سلمان العودة
عبر صفحته الشخصية على موقع التواصل الأجتماعي ( تويتر )
أن الغالب من الرجال الخليجيين يفضلون المغربية والشامية
كزوجة ثانية للحصول على إجابة مقنعة ...

وكان لهذا الكلام آصدآء كبيرة من الجنسيين ..
وكانت صحيفة ( عاجل ) اللاكترونية
كان فيها بعض التعليقات .. من الجنسيين مابين مؤيد ومعارض ..

هذا هو الخبر :

اقتباس: الغالبية من الرجال الخليجيون يفضلون المرأة المغربية والشامية كزوجة ثانية عاجل ( هادي بن لهد)- قال الدكتور سلمان العودة ان الغالبية من الرجال الخليجيين الذين يتزوجون من الخارج وتحديدا من نساء المغرب وبلاد الشام بأنهم غالبا يفضلونها الزوجة الثانية ، مما دعاه ان يفتح محور النقاش عبر صفحتة الشخصية على موقع التواصل الاجتماعي التويتر مسألة زواج الخليجي من الخارج وتحديدا من المغرب وبلاد الشام للحصول على إجابة مقنعة ، فانهالت عليه الردود التغريدية من الجنسين بين معارض ومؤيد . فذهب رأي احدهم ان المرأة الشامية والمغربية تهتم بالرجل كثيرا وتحترمه عكس بعض النساء الخليجيات اللاتي همهن ان يصبح أزواجهن لديهن بطاقة صراف او سواق ،واضاف اخر أنه بسبب قلةالتكلفة و البحث عن الراحة النفسية بينما قال احد مغرديه ان سبب توجه الشباب الى الزواج من الخارج سببه العادات والتقاليد والتكاليف الباهضة المنفرة لديهم وغيرذلك مما جاءت به الردود . حيث اطلق الدكتور العودة تغريدة عبر صفحته التويترية على موقع التواصل الاجتماعي قال فيها "دكتور مغربي يتساءل لماذا الخليجيون يتزوجون من المغرب والشام؟!. أجبته بأنهم غالباً يختارون من هناك زوجة ثانية..هل ثمّ إجابة مقنعة؟ "

وهذه بعض الردود من المتابعين لطرح الدكتور / سلمان العوده :

اقتباس: تحن لانلغي النقاء والصفاء عن الانثى في المجتمعات الاخرى لكن دعوتك وبكل اسف نقد في قدرات بنت الوطن ودليل على فقد حتى الانتماء العاطفي للانثى هنا ونحن نعرف مقاصد الزوجه الثانيه من الدول الاخرى تنطلق من انانيه عاطفيه ووجدانيه فتجد البعض منهم ياخذها بفارق سني كبير لايقبله من يريد فرصة التقارب الفكري والنضج العاطفي والعقلي اضافة الى ان البعض منهن يعشن في ظروف ماديه واجتماعيه تجعلها تقبل بذلك للتخلص من واقعها الكثير من بنات الوطن يقبلن ان يكن زوجه ثانيه اذا توفرت لهن القوامه كيف سنعالج موضوع العنوسه اذا كانت هذه الدعوه تصدر منكم وهي عباره عن تحريض مبطن بالتوجه الى هناك هل اصبحت التوجهات العاطفيه الشخصيه تمثل دعوه ضد بنت الوطن شكرا ياياشيخ ماقصرت

وايضا :

اقتباس: لانهم جمال ودلال وتفتح النفس مع الصبح والليل تسحرك بنورها البياض ان شاء الله تاخذ فلوسي كله اهم شي الراحة النفسية مو عندنا اللهم يا كافي سمر وركب السود ودمها ثقيلة وفيهم شوية غباء وراثي اعمال منزلية لازم خدامه مايعرفون الرومانسية ابد ويهايطون بالسوق نصف الراتب على شيء ما يسوى قدور ومواعين الطبخ هههههههههه وش ينحبون بالله ردوا

وهذا ايضا :

اقتباس: انا بالنسبه لي مابغى اتزوج سعودي غير رومنسي وقبيح واناني وتفكيرة شهواني يكفيك اتابعين اي مبارة في الدوري السعودي وشفوا الجماهير استغفرالله بس شبابنا الزين معاديهم حتى البس مايعرفون يلبسون انا ابغى اتزوج كويتي والا اماراتي وسيم وذوق ومثقف وغني ,مو ابو سروال وفنيله لاشكل ولاذوق.

وتتابع الردود ..

اقتباس: هل انت مهند او يحيى علشان تنتقد ام الوكب السود شوفو اهمالكم لانفسكم بعدين انتقدونا والمراه ع حسب زوجها اذا انيق ومرتب اكيد بتكون بمثل اما ما يعرف بستحم الا مره في الاسبوع ولا بدون شامبو وولا تحكم ع بنات بلدك لانك ماتشوف الا محارمك*

والكثير من التعليقات ..

اقتباس: الناقص هو الذي يتجه لهن ومن يجد في نفسه نقص لا يقبل به الا الشاميات والمغربيات ومن واقع جميع من رفضنه بنات الوطن اتجه الى المغرب والشام والا رجل كامل ما الذي يجعله يتجه الى بنات لا يعلم ماضيهن وهي مالذي يجعلها تترك شباب وطنها وتتجه الى شايب لكن لكل ساقط لاقط الحمدلله بناتنا عقل وستر وعفاف ولع ولا ينقصهن شي الله يديمهن تاج على روسنا

اقتباس: شئ مضحك التعميم بهذا الشكل فالحقيقة هناك مواطنات ماديا ونفسيا وو أفضل من أكثر الأجنبيات ,, ولكن من يوفق بفتاة هادئة و عاقلة و تخدم زوجها بحب !!!! ان الحالة المادية للبعض هي السبب الرئيسي في الزواج من الخارج و هذا متوافق مع غلاء المهور وطلبات المناسبات بعد ذلك وو بينما الأجنبية ترى القليل كثير بسبب ضعف المادة لديهم لكن للأمانة مطالبهم مادية الا من رحم الله , المشاكل التي اعرفها من المتزوجين من الأجنبيات أكثر من المتزوجين من مواطنات و المجال لايسمح بسردها لأن بها تفاصيل تجعل البعض يتجنب الزواج من الخارج . وشكرا

وهذا رد .. من قلب ومضحك

اقتباس: من زينك عاد يابو سروال وفنيلة اللي يسمعك يقول مهند او توم كروز على غفلة مالت عليك وعلى اشكالك وعساك ماتذوق طعم الحب طول عمرك وتزوج مغربية تنكد عليك عيشتك وتسحرك وتاخذ كل فلوسك وتنحاش وتخليك عاد بعدين تعال دور السعوديات.

وهذا صريح ..

اقتباس: انا اعزب لكن ارى المتزوجين من اجنبيات تجدهم مرتاحين نفسيا السعوديه تناظر لخواته و السوق لكن انا لو مااخاف على اولادي بالمستقبل لتزوجت شاميه بدون تردد

اقتباس:

وهذا احد الردود ..

اقتباس: الزواج من أجنبية غبر متكافئ لسبب ان الاسر الراقية في المغرب وسوريا لا تزوج سعودي لو ثري ما يزوج الا الأسر الفقيرة يعني زواج منفعة اي عاطفة تنشأ في زواج بني على المتعة والمال مع اختلاف العادات والتقاليد ووزارة الداخلية لا تسمح بالزواج الا كبار السن والمعاقين يعني من يتزوج هو مخالف للنظام حتى لو كان عضو هيئة كبار علماء بعدين الشوام ريحتهم ما تطاق .... السعودية لا احب الحديث عنها لين يمنع الاجنبي من التعامل معها وحسبي الله على من سمح ببيع الاجانب للنساء ووجود السائق في البيوت في اكبر جريمة في تاريخ السعودية

وتتوالى الردود ..

اقتباس: احمد ربك ماصبر على ديونك واقصلدك الا هالسعودية وشينة وجهك عايشة معك على الحلوة والمرة وشايلة عيالك طول اليوم وانت تفنجل بالديوانيه ومنت داري عن البيت واحواله لا وبعد قال سعودي من زينك وزين الفاظك تلعنها صبح وليل مسكينه هي واله مسكينه الاجنبية متحبك سواد عيونك تبي فلوسك ياغبي والا عشان يجيها ولد وتاخذ الجنسية شغل مخك مااقول الا الله يخليهن لنا بنت بلدي وعارفت طبعي تسوين الكثير منهن الو عشرين ولنا في غيرنا عظه وعبرة

وهذا .. متليع ..

اقتباس: صباح الورد حبيبي يكفي بس اذا صحيت من النوم تشوف حمرا والوجه صافي وتبسم لك هاذي بحد ذتها تكفي مهو الشيفه الي دافع عليها بس مهر 50 الف هذا من غير مصاريف الحفل وتاثيث الشقه وجار وحاله يرثا لها وبلخير مغير لها جعير ابي وابي ونفس قشرا مغير مكشره وذا جا طاري السوق صقطت ولا طلعت ابوووس حاله والشاميه كلها على بعضها تزوجهابخمسة الاف ريال وتطيرك فوق الريح تعيشك جوك من جد فدا لها الصرافه وكل شي بس ابي ارتااااااح ابي احس اني متزوج ابي احس الي جنبي زوجه مهو تقل واحد من خوياي

وهذا من واقع تجربة ..

اقتباس: انالي رأي مخالف والاختلاف في الرأي لايفسدللودقضيه انالم اكتب هنامن فراغ والله انما كتبت بحكم خبره في الحياه ولي تجارب كثيره اسمعهامن الناس ومن زملائي ومن ضمنهالي زميل من العشرات الزملاء تزوج سعوديه ولم يوفق فذهب الى المغرب ويقول لي والله في خلال العشرسنوات التي هي معي لم يتغيراسلوبهامعي باالرغم انني مجنسها ومن اسره ميسورة الحال دائماكل صباح استيقظ وفطوري جاهز واذارجعت من الدوام الاقي مويه وملح قدامي وتفرك رجولي وتنقعها واذارقدت تاخذ الاولاد وتسكرعلي الباب وماتزعجني واذاشافتني متضايق تريحني وتبسطني بكلام زي العسل دائماعلى هذاالموال من عشرسنين وماتغيرشي الله لايغيرلاعليناولاعليكم اماالسعوديه التي كنت متزوجهافهي معلمه ومربية اجيال ولكن للاسف ضيعت عمري وامرضتني وكاني سواق عندهاوبعدي تزوجت ثم تطلقت وهي الان مريضه نفسيا لكني كنت ادعواعليهاليلاونهارا وانالست راضياعنهامن كثرماعذبتني وتندمت على5سنين قضيتهامعهافي ضياع وكانت تقول لي بجيب سواق ب500احسن منك وانت لست من مستواي فهذه وحده من ضمن القصص على لسانه وباالله التوفيق

والكثير من التعليقات .. كانت خارجة عن النص وتم حجبها ..

تعليقاتكم ..
ورايكم بما طرح ..

[أم سلطان]

الا والله ليت من يحجب صفحة الشيخ الله يهديه .!!!

احب اقراء مايكتب الشيخ لكن موضوعه هذا تجاهلتها ولا حبيت اقراءه والان ارد على حسب عنوان الموضوع .
حنا ناقصينك ياشيخ

[تركـي]

اقتباس:  المشاركة الأصلية كتبت بواسطة أم سلطان     الا والله ليت من يحجب صفحة الشيخ الله يهديه .!!! احب اقراء مايكتب الشيخ لكن موضوعه هذا تجاهلتها ولا حبيت اقراءه والان ارد على حسب عنوان الموضوع . حنا ناقصينك ياشيخ

ليش ياام سلطان هو وغيره يتحدثون عن وآقع مشاهد ..
وآعتقد النقاش بهذا الموضوع الأجتماعي مفيد
للي يبي يستسقي الفائدة ..

ليس تعميد بالزواج من مغربية أو شامية
هي رؤية طرحها الدكتور للنقاش فيها ..
وآخذ الآراء ..

[فديكا التميمي]

وهو كفو يدلل وهو ماغير يزقلب كرشته السعودي جد اكتشفت ماتتحمله
الا الاجنبه لانه مامن وراااه شي ولابه شي يشفع له
اقله الاجنبيه تطمع باللي معه وتصَبر نفسه ...
عموما اللي مرضي زوجته بترضيه
واللي هافن عنه ماهمه الا نفسه يتحمل غثى مرته كلهم بالهوى سوى ...

[تركـي]

اقتباس:  المشاركة الأصلية كتبت بواسطة فديكا التميمي     وهو كفو يدلل وهو ماغير يزقلب كرشته السعودي جد اكتشفت ماتتحمله الا الاجنبه لانه مامن وراااه شي ولابه شي يشفع له اقله الاجنبيه تطمع باللي معه وتصَبر نفسه ... عموما اللي مرضي زوجته بترضيه واللي هافن عنه ماهمه الا نفسه يتحمل غثى مرته كلهم بالهوى سوى ...

فديكاا ..
وهم كلهم مطموع فيهم ..
بعضهم يتسلف بـ 5 من الشهر ..
بس يمكن قصدهم يغيرون ..

[فديكا التميمي]

اقتباس:  المشاركة الأصلية كتبت بواسطة تركـي     فديكاا .. وهم كلهم مطموع فيهم .. بعضهم يتسلف بـ 5 من الشهر .. بس يمكن قصدهم يغيرون ..

ايه هي وش يدريه اخذته على انه مطخطخ على قولتهم
خله تبان حقيقته والله مايلمح زوله .....
سعودي وداج بالله عليك وش فيه مغري ؟
اقله اللي حوله داااجين بس فيهم اشياء تشفع لهم ..

[تركـي]

اقتباس:  المشاركة الأصلية كتبت بواسطة فديكا التميمي     ايه هي وش يدريه اخذته على انه مطخطخ على قولتهم خله تبان حقيقته والله مايلمح زوله ..... سعودي وداج بالله عليك وش فيه مغري ؟ اقله اللي حوله داااجين بس فيهم اشياء تشفع لهم ..

الملزق يطيح ..
هو بيلعب على نفسه اذا بيكذب عليهم .. وهو اللي بيبلش بعدين..

لكن ما ظنتي تفوت عليهم وخاصة الشوآم
يعرفون كل شيء ..

[shahd2007]

اقتباس:  المشاركة الأصلية كتبت بواسطة فديكا التميمي     ايه هي وش يدريه اخذته على انه مطخطخ على قولتهم خله تبان حقيقته والله مايلمح زوله ..... سعودي وداج بالله عليك وش فيه مغري ؟ اقله اللي حوله داااجين بس فيهم اشياء تشفع لهم ..

والله انهم مهكاكه ي فديكا وتاخذ اللي بيديهم وعيونهم طايره ويتسلف عشان يعطيها
ودي يجربون ويسمحون لهم يتزوجون مغربيات وسوريات خلينا نضحك عليهم

[القيصر.]

المره مره هنا والا بجزر الواق واق
اما الرجال عز الله بينهم اختلاف من مكان الى مكان
تكبير للموضوع على غير فايدة
اللى يبي يتزوج من ديرته ماغلط واللي يبي يروح للمغرب والا سوريا برضوا ماغلط
والزين عندنا وعندهم
والحشيمة عندنا وعندهم
والشين عندنا وعندهم
تبقى المشكلة الوحيدة بوجهة نظري اذا ماتوفقوا بالزواج وتطلقطوا وبينهم عيال
هنا المصيبة
اقصد بالزواج من الاجنبية فقط
تولم ياتركي للرمي اللي يبي يجيك
انا بتعلى لي فوق جدار واتفرج عليك وبضحك

[تركـي]

اقتباس:  المشاركة الأصلية كتبت بواسطة القيصر.     المره مره هنا والا بجزر الواق واق اما الرجال عز الله بينهم اختلاف من مكان الى مكان تكبير للموضوع على غير فايدة اللى يبي يتزوج من ديرته ماغلط واللي يبي يروح للمغرب والا سوريا برضوا ماغلط والزين عندنا وعندهم والحشيمة عندنا وعندهم والشين عندنا وعندهم تبقى المشكلة الوحيدة بوجهة نظري اذا ماتوفقوا بالزواج وتطلقطوا وبينهم عيال هنا المصيبة اقصد بالزواج من الاجنبية فقط تولم ياتركي للرمي اللي يبي يجيك انا بتعلى لي فوق جدار واتفرج عليك وبضحك

آنت تقول ..
وغيرك يخالف قولك يالمزيون والآ ..؟؟ ههههه..

لا تورطن ما نطقت بشيء
بعدين تجي وجهة نظري بالموضوع ..

[عزف الحقيقة]

بغض النظر عن كل ماقيل

وكزوجة أولى او ثانية

لدي قناعة تامة بأن الحياة لاتستقر والسعادة لاتكون

الا بزواج الشخص ببنت بلدة

فاذا كان البعض يرى جوانب ايجابية اغلبها شكلية

في السورية والمغربية فاجزم انهن لايرن في الزواج

من سعودي ما يحقق لهن المتعة والسعادة الحقيقية

ومن الظلم والانانية استغلال الفقر والحاجة لفتياة تلك

الدول باحضارهن كزوجات متعة فقط

[تركـي]

اقتباس:  المشاركة الأصلية كتبت بواسطة عزف الحقيقة     بغض النظر عن كل ماقيل وكزوجة أولى او ثانية لدي قناعة تامة بأن الحياة لاتستقر والسعادة لاتكون الا بزواج الشخص ببنت بلدة فاذا كان البعض يرى جوانب ايجابية اغلبها شكلية في السورية والمغربية فاجزم انهن لايرن في الزواج من سعودي ما يحقق لهن المتعة والسعادة الحقيقية ومن الظلم والانانية استغلال الفقر والحاجة لفتياة تلك الدول باحضارهن كزوجات متعة فقط

كلام جميل ..

وهذا تقريبا معمول فيه بأغلب دول العالم
أن يتزوج رجال الدول الغنية من نساء الدول الفقيرة ..

ويمكن الزوآج آهون من شيء ثاني اذا كان زوآج شرعي ..

[آرتــيــآحّ ..♥]

ولمَ الاعتراض على ذلك ؟!

كل رجل له ذوق وله نظرة في النساء و في البداية والنهاية هو فقط من سيعيش معها وله كل الحق في اختيارها سعودية كانت ام شامية و مغربيه !!

لاتقلقوا فالكل سيأخذ نصيبه و ما كتب له ، وكلام الشيخ او غيره لا يزيد و لاينقص في الموضوع ، سواء كان ضد او مع ، يبقى رايه الخاص و لكل شخص رأي و وجهه يتبعها ، وكل شخص يختار ماتناسبه وتتفق معه و مع ذوقه ، .

~

~

[عزف الحقيقة]

اقتباس: كلام جميل .. وهذا تقريبا معمول فيه بأغلب دول العالم أن يتزوج رجال الدول الغنية من نساء الدول الفقيرة .. ويمكن الزوآج آهون من شيء ثاني اذا كان زوآج شرعي .

هلا تركي ماتعرف أحد يعرف أحد يحل اللغز !!

افصل ردي عن تعليقك لكي لايظهر كعطف

مؤيد لردي وهو عكس ذلك

تحيتي

[تركـي]

اقتباس:  المشاركة الأصلية كتبت بواسطة عزف الحقيقة     هلا تركي ماتعرف أحد يعرف أحد يحل اللغز !! افصل ردي عن تعليقك لكي لايظهر كعطف مؤيد لردي وهو عكس ذلك تحيتي

لا بالعكس .. ياعزف
آنا مقصدي ..

انا مؤيد لكلامك بأنه فيه آستغلال لظروف نساء تلك الدول
وانا كتبت ذلك ..
الهنود والباكستانيين يستغلون نساء كشمير
آمريكا الجنوبية يستغلون نساء كولومبيا وتشيلي المعروفات بالجمال
آوربا يستغلون بنات رومانيا وبلغاريا والغجريات
ومو لازم زوآج هناك آمور كثيرة تدخل في هذا الرأي ..

آنت ذكرت بأنه آستغلال للنساء في المغرب والشام لفقرهم بجزئية من ردك ..
وتكون موآفقة مرغمة للحاجه ..

وصلت ..