انخطبت ,,تملكت ,,تزوجت ,,تطلقت

[shahd2007]

,*

السلام عليكم ورحمة الله وبركاتة

لاأحسن المقدمات عشان كذا بدخل بالموضوع اللي قاهرني
عندنا عاده غبييه بالمجتمع وهي مدح فلان
طبعا اذا خطب ,,
المسجد : ماشاء الله ولد فلان ابوه اجودي <<وانا بتزوج ابوه
عمله /جيرانه /زملائه
يمدحونه وهم يعرفون انه شخص غير مواظب على الصلاه او ان عنده سلوك سيء او مريض نفسيا
لييه مايقولون الصدق ..!!
والضحيه البنت اللي بيتسكر عليها باب مع واحد ماتدري وشو ..!!
عروس / سمعت عنها وهنا عندنا بالسعوديه
يضربها بعد عشرين يوم من زواجها ويكويها بالنار ويكسر رجولها ويرميها بالمستشفى ويقول حادث سير /:
طبعا ماتت الله يرحمها

صديقتي /
بعد شهر ترجع لاهلها تقول يأكل حبوب مادري وشي
وينام كثير ويخوف ويشرب
ع ان ابوها حريص وماخلى احد ماسئل عنه والناس تمدحه

اخت صديقتي /
قبل زواجه بيومين او ثلاثه اتصلت امه تقول مايبي (نفسيه )<<دلوع امه
البنت تخسرت واستعدت وعزمت الناس وهو مايبي

ابسئل ..

ليه ماتكون عندكم الجرائه وتقولون الصدق اذا سئلتم عن احد ولا الدعوه امدحني وامدحك

أعتذر على الإطالة و كثرة الكلام بس شي باط ستبدي وقاهرني
مايمدي الوحده تتزوج الا وراجعه لبيت اهلها والغالب يكون من الزوج

[امرؤ القيس]

شفيكم اليوم ماسكة زواج وعروس



المهم

الرجل يمدح والبنت تمدح والضحية الاسرة

الواحد لاجاء يتزوج لقوله ستين بنت يعني مو معقولة كلهن زينات


الرجل فيه عيوب وانا احرص كثيرا لمايخطب احد اختي او احد يسالني عن احد

فعلا الان المجتمع قليل نحصل شخص كامل او بنت كاملة ولكن تبقى
بعض السلوكيات مجهولة الا بعد الزواج

فالضرب مثلا سلوك يخرج بعد الزواج لاني كيف اعرف ان هذا يضرب او لا

لازلت اقول العشرة الي بعد الزواج هي من تحدد سلوك الطرفين

فربما كل موقومات النجاح متوفرة ماعدا المحبة وربما هناك محبة وبينهما سلوك غير جيد لكن يتحملانه وهكذا


وسعي صدرك الدنيا سهلة

[shahd2007]

امرؤ القيس

اقتباس: شفيكم اليوم ماسكة زواج وعروس

بعيد عنك من كثر مانسمع فلانه تطلقت

اقتباس: الرجل يمدح والبنت تمدح والضحية الاسرة الواحد لاجاء يتزوج لقوله ستين بنت يعني مو معقولة كلهن زينات

الرجال عندنامثل شريطي السيارات اهم شي البدي
وهذا اول شي يسئل عنه
والباقي ماشي ع نظام اللي بالقدر يطلعه الملاس

اقتباس: فعلا الان المجتمع قليل نحصل شخص كامل او بنت كاملة ولكن تبقى بعض السلوكيات مجهولة الا بعد الزواج

طيب المقربين منه مايعرفون عنه هالسلوكيات مثلا مايصلي
او شكاك او مريض نفسي او يتعاطى او او او
ليه اذا سئلوا عنه امدحوه وماشين ع نظام يعقل اذا تزوج

اعتقد السؤال بمثل امر الزواج يتوجب الصدق حتى لو كان اخوك

شرفني مرورك ابو عــدي

[آشغلتموها]

والله انه مجرد الزواج من ابو سروال وفنيله هو غش وظلم واضطهاد
سوا مطوع والا صررربوت
اذا هو مطوع ماصدقوا فيه العالم ان شكيتي
واذا هو صربوت نقل امراض الدنيا قبل يحكم القاضي لك بالخلع
اما المجتمع السعودي فهو مجتمع حسود يفرح بالطلاق اكثر من الزواج
ياربي ارحمني من هالديرة يارب متى اتخرج واروح ابتعاث واعيش حياتي
متى
متى
متى



السلام عليكم

[shahd2007]

اقتباس:  المشاركة الأصلية كتبت بواسطة آشغلتموها     والله انه مجرد الزواج من ابو سروال وفنيله هو غش وظلم واضطهاد سوا مطوع والا صررربوت اذا هو مطوع ماصدقوا فيه العالم ان شكيتي واذا هو صربوت نقل امراض الدنيا قبل يحكم القاضي لك بالخلع اما المجتمع السعودي فهو مجتمع حسود يفرح بالطلاق اكثر من الزواج ياربي ارحمني من هالديرة يارب متى اتخرج واروح ابتعاث واعيش حياتي متى متى متى السلام عليكم

الشكوى لله مالك غيرهم الا ان جاء الفرج و
عطونا الاوكي يوافقون ع زواج السعوديه من الاجنبي

سربوت ولا مطوع الخطأ بالطلاق دايم بمجتمعنا من الحرمه
ولا يطلق منا ويخطب بنت ثانيه ويعطونه
وهي تهافتون عليه الشيبان وبتوع المسيار

[البكيراوي]

شهد

موضوع في الصميم

المجتمع أغلبه طبعاً يمشي بمبدأ

زوجه ويهديه الله .. ويرى من الكذب فعل حسن لجمع "رأسين" بالحلال

ينظر لها بالطريقة هذي // البنت تبي من يستر عليه .. والولد يبي من تعقله

والضحية الاثنين والابناء اللي بينهم

الحلول كثيرة .. لكن تحتاج لرجل عاقل وشجاع يواجهه المجتمع بأخطاءه وعلاته

وناوي اطرح موضوع كامل

شهد تحية كبيرة

على الموضوع الجميل

[المنغره]

-





والعكس صحيح البنت لماتخطب دائما تذكر جميله وآخلاق وامه بنت فلان وسنعه

وبعد الزواج تطلع عكس ماذكروا ..!

للآسف الذمه مفقوده نوعاً ما في هذه الآمور ..


الله يوفق شباب وفتيات المسلمين ..
~

[ع ـروووبة]

-

أهلاً شهد ,

اقتباس: اخت صديقتي / قبل زواجه بيومين او ثلاثه اتصلت امه تقول مايبي (نفسيه )<<دلوع امه البنت تخسرت واستعدت وعزمت الناس وهو مايبي

صارت كثير لقرايبي ووحده من صديقاتي
العروس خلصت مهره وشرت وحجزت القاعه والكوفيره وكل شي
بطاقات الزواج توزعت والكل يترقب هاليوم
بالنهايه ! خلاص ما يبي !! رجعوا فلوسه ويا دار مادخلك شر !!

ويقولون كثـَر خيره اللي قال مابي قبل يدخل عليه !
ما يغثن إلا هالمجتمع اللي واقف مع الرجل وكأنه ملك ما يخطي
والبنت لازم ترضى بكل شي شاءت ام ابت : /

+ ما أقتنع ب مجرد السؤال عن عريس المستقبل
إذا ما جلس جلسه معتبره مع ابوي واخواني وشافوا ثقافته م يدخل مخي
لأنه أكيد اهله بيقولون ما عليه خلاف وش حليله لأنه ولدهم

عشان كذا بلاش نسأل نتأكد حنا منه ومن طبايعه
لأن بالاخير الناس تغيرت ما عاد فيه ذمه وأمانه أو خوف !

[ع ـروووبة]

اقتباس:  المشاركة الأصلية كتبت بواسطة المنغره     - والعكس صحيح البنت لماتخطب دائما تذكر جميله وآخلاق وامه بنت فلان وسنعه وبعد الزواج تطلع عكس ماذكروا ..! للآسف الذمه مفقوده نوعاً ما في هذه الآمور .. الله يوفق شباب وفتيات المسلمين .. ~

صح كلآمك بس البنت تختلف تمااماً عن الرجل
اذا ع الجمال بيكون شايفه قبل ويقدر يرفض قبل الزواج
اما السناعه تقدر تتعلمه بعدين ما احسه عيب كبير

بلاك الرجل لاصار سكيَر ونكيَر وراعي ضرب
وش تسوين هنا ما فيه شي يعدله = ((

[الأميـــــرهـ]

اقتباس: ليه ماتكون عندكم الجرائه وتقولون الصدق اذا سئلتم عن احد ولا الدعوه امدحني وامدحك

هو فيه أحد بهالزمن يقول الصدق ........؟!


قليييل اللي يكون عنده ذمه وضمير ومايرضاه لنفسه يرضاه لناس



..

[bant tamim]

+
(الرجل اللي ماعنده شخصيه وتفرد وخصوصيه بحيآآته هذا اشد الامرض واتعس حياة)

شوفي كل النآس تمدح ماتسب سوآء بنت او ولد واللي يعتمد على كلام النآس بأمر مستقبلي المعذره اعتبره غبي..

ليه وش الهدف الناس والله انا مو ملزوم يدعون علي
طيب ماخفت البنت تفشل بحيآآتها مع هالمريض
ويدعون عليكم اقل شي اقل شي تقدر تتصرف
تقول والله ماعرف عنهم والله مااحط بذنتي شي
كذا تبري ذمتك لامدحت ولا سبيت..

2انا عن نفسي اهلي مايوآفقون على الرجل
لين يجلسون معآآه اكثر من مره
وووبعدين يسألون عنه النآآس
اما الاشياء الخفيه مارآح يطلع الابعد الزوآج وبعد العشره
بمقدور الزوجه تتغاضى عنها او تغيرها...

وللمعلومه اغلب الرجال برأ البيت شي ملآك ودآخل البيت شخص ثآني!!!

واولا واخرا الوآحد مارآح يآخذ الا المكتوب له
سوء هذا اوهذآك سوآء مدحو او سبو.....

شكرا شهوده

[عزف الحقيقة]

حياك شهد


كثرة السوأل عن الرجل تأتي كثيرا


بنتيجة ايجابية والدليل أن البعض يستمر


في البحث عن زوجه ولا يجد من


يعطيه لسوء سلوكه ... لكن في الغالب


الناس يحسنون الظن فيرون في


في الشخص بعض العيوب فيتوقعون


انه سوف يتركها بعد الزواج لكن للاسف


البعض لايغيره الزواج ولا يشعر بعظم


المسوؤلية فيظل على ماهو عليه أو يزيد


المشكلة الحقيقية أننا في مجتمع غريب


ان قلت طيب هو طيب وان قلت أقشر


هو أقشر مرة يثنون على الشين


والزين ومرة يسبون الشين والزين


وكل ذلك حسب رؤيتهم ومصالحهم


وربما أيضا رجاويهم للمستقبل !


لذلك أرى أفضل حل هو الاعتماد على


الله وعلى ماتستطيع أن تقف عليه


بنفسك هنا يجب على الاب


الحرص والقرب ومعرفة الخاطب


معرفة حقيقية والافضل هو زواج


الاقارب على الاقل تكون المعرفة اكثر


وضوحا لو حصل خلاف وعدم توافق .


أيضا هنا نقطة مهمة الاحظها كثيرا


وهي بعد الاب والاخوة عن اختهم


وزوجها بعد الزواج فبعض الناس


لايتقربون منهم وتكون العلاقة بينهم


شبه معدومة وهذا خلل كبير.

[Ṥ Қ ў]

قضيه لآتعليق عليييييه

ي كثر هالاشخـآص وهالنوعيـآت بالححياةة

اهم شي ولدهم يتزوج ايش هو وكيف حياته وشلون عايش

م يهم والناس الله الله بالمدح حدث ولآحححرج م كــآنه اللي

بيصير زوآج وعشرة عممر

ومع هذـآ كله البنت هي اللي تنلاـآم


برآيفت\ يممكن بعد الشبـآب يعانون من نفس الشي مافي

مصدآقيه ابدـآ من حيث الاجابه عن كلاـآ الطرفييين مع ان

الآمر مهم كثيييييير بس النـآس م عطته أهمميه ابدـآ

تحت ششعار (بمدح فلاـآن عشـآن م يزعل )

يزعل ولآتتدمر حياة اثنين بعـد أششهر ْ


الله المسستعــآن بس ْْيستر علىآ الجميع


يمـآل العـآفييه ْشششهد

[ابو عراده]

قال تعالى : ( الخبيثات للخبيثين والخبيثون للخبيثات والطيبات للطيبين والطيبون للطيبات ) .
هكذا هي المعادله الربانيه .
يجب على كل فتاة أن تكون فتاة صالحة مطيعة لربها محافظة لفروضها قريبة من ربها حافظة للسانها وفرجها متسترة وحينها سيوزوجها ربها برجل طيب .
كذلك الشاب يجب أن يكون محافظا على فروضه قريبا من ربه مطيعا لأوامره مجتنبا نواهيه حافظا للسانه وعورته حينها سيوزوجه الله بفتاة طيبه والعكس صحيح .
مشكلتكم غافلين عن هالنقطه وماغير متعنقطين سب وقذف لأبو سروال وفنيله علاقيه .

[shahd2007]

اقتباس:  المشاركة الأصلية كتبت بواسطة البكيراوي     شهد موضوع في الصميم المجتمع أغلبه طبعاً يمشي بمبدأ زوجه ويهديه الله .. ويرى من الكذب فعل حسن لجمع "رأسين" بالحلال ينظر لها بالطريقة هذي // البنت تبي من يستر عليه .. والولد يبي من تعقله والضحية الاثنين والابناء اللي بينهم الحلول كثيرة .. لكن تحتاج لرجل عاقل وشجاع يواجهه المجتمع بأخطاءه وعلاته وناوي اطرح موضوع كامل شهد تحية كبيرة على الموضوع الجميل

اوكي زوجه ويهديه الله مايسهر ومايسافر
لكن تزوج شخص مريض نفسي او مايصلي او سكير
وتمدحه وتغش الناس ..!!
والضحيه البنت فقط هي المتضرره
اللي ماعدل سلوكه قبل الزواج ماراح تعدله زوجته

الحل ..
اشوفه الصدق اذا سئلت عنه حتى لو كان قريبك
اهم شي تبرئ ذمتك وتقول اللي تعرف عنه


باإنتظار موضوعك البكيراوي ..