ياشين هوشة الحريم !!

[مقبل المقبل]

السلام عليكم

مع توالي الانحدار بسوووق الاسهم الاسبوع الماضي وحتى كتابة هذا المقال

قررت ان اوسع خاطري وفكرت اين اذهب !!!

ابقلبه عامي سامحونا المهم قلت البر والله شموس وان غرزت بتكره عمرك وخصوصا السياره

ماهي جيب (قطوله ياجماعه ) المهم قلت ابروح للرياض منها زيارة رحم ونغيير جو انا وام العيال

(مع ملاحظة ان العيال ماوصلوا الى الان عسى ربي يجيبهم ) المهم دخلت احد الاسواق وفي خلال التجول

شفت الناس تركض داخل السووووق وانا مادري وش السالفه (طرالي الارهابيين وقلت الله يستر !!! ولو معي

صوره لابن لادن كان طلعته من قووووو الخووف ) المهم حالة هلع والناس مجتمعين وتصريخ وتصفيق وكل

انواع الفوضى وبالاخير طلع الموضوع

بنات متهاوشااات مع بعض (هذا مافهته من احد المتابعين بدقه لما حصل وانا لحقت على اخر جوله بالهوشه والله

قهر ) المهم هوشة الحريم انا اعرف انه جر الشوشه مع تقبيص مع شوي تلعين واثر الدعوى اكبر !! سكاكين

واشياء حاده !!!

حقيقة استغربت مثل هذا العمل من نسائنا وبناتنا وقلت بنفسي الهذا الحد وصلن بنات المسلمين وموطن

الوحي !! والمشكلة الادهى والامر ان سبب الهوشه هو اختلافهن على احد !!!!!




بالاخير نقدر نقوول ان السبحه انفرطت !!!! وان الخيط الذي كان يجمع تلك السبحة اصبح ردئ الصنع!!!!!!!!