حــــــــــــريـــــــــم الـــــــمـــــــطــــــاوعـــــــه !!!

[رايق]

السلام عليكم ورحمة الله وبركاته ......

حينما أكون في أحد الأسواق أو الحدائق أو في أحد الأماكن العامة , أرى بعض الرجال الملتزمين ( المطاوعه ) ومعهم زوجاتهم !!!

ولكني أرى تلك الزوجات بكامل زينتهن من لبس البنطال والعباية المخصرة وتكحيل العيون !!!!

وإني لأستغرب أشد الإستغراب من حالهم مع زوجاتهم !!
فإذا كان هؤلاء الملتزمون قدوة لغيرهم فكيف يرضون لزوجاتهم أن يكن فتنة للرجال ؟؟!!

والسبب في إعتقادي يرجع لأمرين :

إما أن الزوجة راكبه زوجها فلايستطيع منعها !!!!

أو بما أن الزوج ملتزم فهو لايتأثر بالنظر إلى النساء فهو لايبالي بحال زوجته ولا إلى لبسها !!!

فأقول للأول : لاعليك ملامه فأنت لا تستطيع منع زوجتك أو على الأقل نصحها لضعف شخصيتك أمامها !!!
ولايصلح العطار ماأفسده الدهر ......

أما الثاني : فأقول له إذا كنت لاتنفتن برؤية النساء بهذا الحال فاعلم أن غيرك تفتنه هذه المناظر !! فاحفظ زوجتك من عيون المتطفلين !!!
أو بالأصح خل عندك شوية غيره على زوجتك من هذه العيون المتربصة !!!

ومن العجب أيضا أنك ترى رجل غير ملتزم ( يعني في الظاهر ) ومعه زوجته ولاترى مجرد إصبعها من زود الستر !!!

والله يستر على بناتنا وبنات المسلمين !!

تحياتي للجميع

[عجوز سمنسي]

والشي مشاهد وكثير

حتى انك تشوف بنات بعض المطاوعة لباسهن فاضح في المناسبات وغيرها
بعض المطاوعة يحسب الناس كلهم مثل حبيبين وحليلين ومايناظرون شي

الله يستر عليهم

ما ابي اقول مواقف او اخليهم مضحاكة

ابتوقف

شكرا لك

[رايق]

اقتباس:  المشاركة الأصلية كتبت بواسطة عجوز سمنسي     والشي مشاهد وكثير حتى انك تشوف بنات بعض المطاوعة لباسهن فاضح في المناسبات وغيرها بعض المطاوعة يحسب الناس كلهم مثل حبيبين وحليلين ومايناظرون شي الله يستر عليهم ما ابي اقول مواقف او اخليهم مضحاكة ابتوقف شكرا لك

أهلا عجوز

فعلا أخي والمشكلة إذا قعد واحد منهم بمجلس قعد ينتقد اللي حريمهم يلبسن كذا !!!

وإذا رجعت لزوجته وبناته لقيتهم أردى من غيرهم من ناحية اللبس !

تحياتي لك

وشكرا على مرورك

[بحر العطاء]

اقتباس: ولكني أرى تلك الزوجات بكامل زينتهن من لبس البنطال والعباية المخصرة وتكحيل العيون !!!!

معقوووووولة....؟؟

احس الكلام فيه زود ...

[رايق]

اقتباس:  المشاركة الأصلية كتبت بواسطة بحر العطاء     معقوووووولة....؟؟ احس الكلام فيه زود ...

أهلا بحر

لا أخوي مافيه زود ولاشي !! هذا الشي مشاهد وبكثرة !!!

تحياتي لك

شاكرا مرورك

[عاشق ديرتي بريده]

اخوي رايق فعلا موضوع كان مشغل بالي
ورحت مره وسالت ملتزم قلت له نفس سالفتك قلت الحين امام الجامع يخطب بالناس وينصحهم ويطلب انهم يحافضون على نسائهم بس الامام زوجته لابسه كعب ونقاب وشكله فتنه

تدري وش قال لي قال لاتحسب كل من حط لحيه صار مطوع ولاتحسب من خطب بالناس صار مطوع
قال الله المستعان الحين اكثر اللي كانو يسمون مطاوعه صارو اشكال مطاوعه فقط

ماودي اكثر بالهرج اخاف استئثم !!

[رايق]

اقتباس:  المشاركة الأصلية كتبت بواسطة عاشق ديرتي بريده     اخوي رايق فعلا موضوع كان مشغل بالي ورحت مره وسالت ملتزم قلت له نفس سالفتك قلت الحين امام الجامع يخطب بالناس وينصحهم ويطلب انهم يحافضون على نسائهم بس الامام زوجته لابسه كعب ونقاب وشكله فتنه تدري وش قال لي قال لاتحسب كل من حط لحيه صار مطوع ولاتحسب من خطب بالناس صار مطوع قال الله المستعان الحين اكثر اللي كانو يسمون مطاوعه صارو اشكال مطاوعه فقط ماودي اكثر بالهرج اخاف استئثم !!

هلا بعشووووق ...... وش رايك بالتدليع

أدري إنك مبسوط بالموضوع !! لقيت مساند لك على الحريم

صدق خويك مصيبتنا إننا نؤمن بأشياء ولانستطيع تنفيذها !!!

وليس كل من حط لحية صارمنزه !

تحياتي لك

شاكرا مرورك

[مـــــاء]

..

اللحية ليست مقياس على كمال دين الرجل ..

كما أن الستر ليس حكراً على زوجات الملتزمين ..

لكن نحن تعودنا أن نضع " الملتزم أو الملتحي تحت المجهر "..

فلا نتقبل منهم الخطأ ..


شكراً لك ..

.....

[رايق]

اقتباس:  المشاركة الأصلية كتبت بواسطة مـــــاء     .. اللحية ليست مقياس على كمال دين الرجل .. كما أن الستر ليس حكراً على زوجات الملتزمين .. لكن نحن تعودنا أن نضع " الملتزم أو الملتحي تحت المجهر ".. فلا نتقبل منهم الخطأ .. شكراً لك .. .....

أهلا ماء

وهذا ماقصدته بموضوعي أخي !!


أحد الزملاء قبل أن يتزوج كان ينتقد النساء على لباسهن ويقول وين أهلهن وين ولي أمرهن !! والله لو لي سلطه عليهن كان سويت وسويت ....!!

والمفاجأة ... بعد ماتزوج صارت زوجته تلبس مثل اللاتي كان ينتقدهن !!!

لاتنه عن خلق وتأتي مثله ### عار عليك إذا فعلت عظيم

تحياتي لك

شاكرا مرورك

[ابوخالد382]

إصابعك مهب واحد,وماشاهدته لايعد قاعدة تقيس عليها المطاوعه....الدين لايقاس بشعر الوجه وإنما بما وقر في القلب.....دمت بخير

[سلطان الغرام]

[align=center]الف الف شكر لك اخوي رايق . على الموضوع


لكن بعض الاحيان الا حض عكس الشي هذا ( بالعربي ماتشوف اي شي من جسمها لا بسه عبايه اسلاميه ومداسيس وجوارب وووو... )

يعني بالعربي متشدد ....



تحياتي.. [/align]

[رايق]

اقتباس:  المشاركة الأصلية كتبت بواسطة عيني     [align=center]الف الف شكر لك اخوي رايق . على الموضوع لكن بعض الاحيان الا حض عكس الشي هذا ( بالعربي ماتشوف اي شي من جسمها لا بسه عبايه اسلاميه ومداسيس وجوارب وووو... ) يعني بالعربي متشدد .... تحياتي.. [/align]

أهلا عيني

وليش وش فيها إذا كانت متستره !!!!

هي رايحة لزواج ولا رايحه تستعرض يعني !!!

سلميلي على زوجها القبضاي !


تحياتي لك

شاكرا مرورك

[رحّــال]

صحيح الشيئ موجود لكن مو كثير ,,,
لكن انا اعتقد ان الأمر لا يرجع بالمقام الاول والاخير الي الدين احيانا يرجع إلي الأخلاق لانه في ناس واجد دينهم لك عليه ومع ذلك ماتشوف من حريمهم شي ,,,,,

[رايق]

اقتباس:  المشاركة الأصلية كتبت بواسطة رحّــال     صحيح الشيئ موجود لكن مو كثير ,,, لكن انا اعتقد ان الأمر لا يرجع بالمقام الاول والاخير الي الدين احيانا يرجع إلي الأخلاق لانه في ناس واجد دينهم لك عليه ومع ذلك ماتشوف من حريمهم شي ,,,,,

أهلا رحال

صدقت أخي ! وأيضا فيه ناس واجد ملتزمين ومع ذلك تشوف من حريمهم ماالله به عليم !

وهذا اللي يقهر !

تحياتي لك

شاكرا مرورك

[رايق]

اقتباس:  المشاركة الأصلية كتبت بواسطة ابوخالد382     إصابعك مهب واحد,وماشاهدته لايعد قاعدة تقيس عليها المطاوعه....الدين لايقاس بشعر الوجه وإنما بما وقر في القلب.....دمت بخير

أهلا ابو خالد

هاذا ماتوقعته !! إنكم تقولون ماهي قاعدة ولاتعمم ... الخ !!

عزيزي أنا قلت بكلامي ( بـــــــــــعـــــــض ) ! يعني ماعممت !

عموما قولك أن الدين لايقاس بشعر الوجه ...... كلام رائع !!

وماذبحنا في هاالمجتمع إلا إننا ناخذ الناس على ظاهرها !!!!

تحياتي لك

شاكرا مرورك