عند الأشارة ورطني مع زوجتي وذهب

[اسم العضو]

[align=center]السلام عليكم ورحمة الله وبركاته

يقول صاحبي كنت واقف عند الأشارة ومن سوء حظي يقف
بجواري أحد أصحابي الهذرة وكثيري المزح في اي زمان و كل مكان وكانت بجواري معي زوجتي ولم يرها صاحبي لوجود تظليلة على القزاز الخلفي وكان هو على شمالي لم أراه ولكنه ناداني بكنيتي وبصوت عالي وسلم علي هاه ماجزمت ناخذ لنا على ثانية مامليت من عجوزك وهي تسمع وكانت كلماته كالصاقعة على مسعي فما بالك بها ..

أرتبكت وعرقت أنفتحت الأشارة وتقدم قليل وهو يتحدث ورأى زوجتي بجواري وتغير وجهه ووضع أصبعه في فمه وبدأ يحرك سبابيه بسرعة علامة الخوف وأنطلق بسرعة ,,,

وتركني أواجه مصيري لوحدي وأنا ليس لي ذنب فيما حصل من أحداث ,, ولكنها المصائب أذا اتت تأتيك من حيث لاتعلم ..

يقول أنتفخت وقالت أرجع الى البيت !!
وكنا ننوي الذهاب الى دورية اهلها في استراحتهم بالراشديات

وتغيرة نبرتها وسألت من هذا وما صلتك به ؟؟

ومن لخمتي قلت مأعرفه!!

أيه هذا صديق صديقي !!!

ماتعرفه وهو يناديك بكنيتك يا أبو ...

أعرفه لكن مالي علاقة به هو هذا طبعه كثير قرقه وثقيل مزحه ...

ويقول لها يومين ماتكلمه وضايق صدره ويعزها مره ولايقدر على زعلها

ويبي حل لمشكلته ويش رأيكم ؟؟؟..,,


سلام...[/align]

[طهر السماء]

هههههههههه

ساده قلعتك >> انت وصديقك ما لقى يكلمك الا بالشارع ..

تستاهل << حلووة خليها تعاقبك << بعذرها و بعدين شو داراها هي تخاف انكم تتامروون عليها ..

يا حبي لها << قلها تسلم عليك طهر و تقول كوني ع الدوام زعلانه هالرجاجييل ما تنفع معهم الا العين الحمرا << يا قلبي هي ..

//

<< عقلت << الصراحه صعبه شوي اكيد راح تزعل لها يومين او اكثر << لكن ما عليه الحرمه بسررعه ترضى يدلعها بكلمتين حلوات و يعزمها على عشا بالمطعم ..
ان شا الله بترضا ..

الله يسعده و يسعدها و يهنيهم ببعض و لا يدخل اصحاب السوء من بينهم << خخخخ

[الكبري]

ما أظن أننا أعرف منه بزوجته ..

إن لم يعرف يقنع زوجته فهذه مشكله ..

ولعل يذهب لدورة رحماء بينهم ..

لكم أطيب المنى

[بنت البدائع]

هذي نتيجة الحش والسب في الزوجات عند الشلة بالإستراحة
وكثرة الهرج بالعرس من الثانية والثالثة والعاشرة

بصراحة موقف قوي ...

ولاأعتقد هذي المرّة الأولى تزعل زوجتة <<< ساكنة معهم هه!

بمعنى إنه أعرف وأعلم بطرق إرضاء زوجتة في الأيام السابقة ...

الأغلب من الحريم رضاها بسيط :

لأن المرأه غالباً تقع فريسة للرومانسية.. وبسهولة ((يعني ماتعوق )) تزعل بكلمة وترضى بكلمة حلوة

وطبعاً ماأعمم هذة النظرية.. لأن النفسيات تختلف..

هذا رأيئ المتواضع


وقبل كل شي ..
زوجتة المفروض تفكر بعقل وتكون واثقة من نفسها .. ولايهمها كلام ذا المستهتر
بس بعذرها كلام يبط الكبد

وربنا يوفق

[اسم العضو]

اقتباس:  المشاركة الأصلية كتبت بواسطة طهر السماء     هههههههههه ساده قلعتك >> انت وصديقك ما لقى يكلمك الا بالشارع .. تستاهل << حلووة خليها تعاقبك << بعذرها و بعدين شو داراها هي تخاف انكم تتامروون عليها .. يا حبي لها << قلها تسلم عليك طهر و تقول كوني ع الدوام زعلانه هالرجاجييل ما تنفع معهم الا العين الحمرا << يا قلبي هي .. // << عقلت << الصراحه صعبه شوي اكيد راح تزعل لها يومين او اكثر << لكن ما عليه الحرمه بسررعه ترضى يدلعها بكلمتين حلوات و يعزمها على عشا بالمطعم .. ان شا الله بترضا .. الله يسعده و يسعدها و يهنيهم ببعض و لا يدخل اصحاب السوء من بينهم << خخخخ

[align=center]طهر السماء

ساده قلعتك !!! ياحبك للتشمت ,,الرجال غرقان ويبي أحد يساعده ويواسيه ,,

هقوتك يعزمها على العشاء وتنتهي المشكلة ؟؟

سلام...[/align]

[اسم العضو]

اقتباس:  المشاركة الأصلية كتبت بواسطة الكبري     ما أظن أننا أعرف منه بزوجته .. إن لم يعرف يقنع زوجته فهذه مشكله .. ولعل يذهب لدورة رحماء بينهم .. لكم أطيب المنى

[align=center]مشرفنا العزيز
الحريم كلهم يتشابهون وأكيد الحل واحد حاول يالكبري

سلام...[/align]

[شموووخ]

[align=center]اسم العضو مايستاهل هالموقف انها تزعل من زوجها كل هالزعل يومين

لازم تكون ثقتها بزوجها اكبر من كذا وتفهم الموضوع بدون سوء ظن

اجل لو ان حرمه هي اللي مسويه

هالحركه وش بتسوي بتطلب الطلاق..!!

والرجل الذكي يعرف الطريقه السهله للوصول الى قلب زوجته وبايسر الطرق

تلقاها بس تنتظر اي حركه بس عشان الجو يرجع مثل اول

شكله ناوي على الثانيه عشان كذا خايف وحاس بتأنيب الضمير [/align]

[اسم العضو]

اقتباس:  المشاركة الأصلية كتبت بواسطة بنت البدائع     هذي نتيجة الحش والسب في الزوجات عند الشلة بالإستراحة وكثرة الهرج بالعرس من الثانية والثالثة والعاشرة بصراحة موقف قوي ... ولاأعتقد هذي المرّة الأولى تزعل زوجتة <<< ساكنة معهم هه! بمعنى إنه أعرف وأعلم بطرق إرضاء زوجتة في الأيام السابقة ... الأغلب من الحريم رضاها بسيط : لأن المرأه غالباً تقع فريسة للرومانسية.. وبسهولة ((يعني ماتعوق )) تزعل بكلمة وترضى بكلمة حلوة وطبعاً ماأعمم هذة النظرية.. لأن النفسيات تختلف.. هذا رأيئ المتواضع وقبل كل شي .. زوجتة المفروض تفكر بعقل وتكون واثقة من نفسها .. ولايهمها كلام ذا المستهتر بس بعذرها كلام يبط الكبد وربنا يوفق

[align=center]يابنت البدائع
يامشرفة المنتديات

لاتخليهم يتماسكون الشوش خليك محضر خير,,,

مولعة مره بينهم وهو المسكين ماله ذنب مغير يدربي دميجته ..

لكن حضه الأغبر والمنحوس وقفه عند الأشاره وشافه صديقه ...


سلام...[/align]

[قلم بريدة الأبيض]

تشكرات على الروايات الرائعات00

أحيانا يبتليك الله بمن المزح و الإستهبال يجري فيهم مجرى الدَّم في الجسم00
و لا يوقفهم شيء حتَّى و أهلك معك (أنواع الإحراج)00
أعرف واحد (طنيبه) كان معنا في العمل ، حتى المدير ماسلم منه00
انتقل لجهة حكوميَّة أخرى00
الزبدة عندما يتحدث مع أم العيال00 تقول بسم الله ما شاء الله ،
يختلف و يكون أعقل الرِّجال و أثقلهم!
شكلها مربيته00 بالملي متر ياحبيبي بالمليمتر00 بصراحة و نعم التَّربية00 معاها ماشيء(صـح)

[khuzama2000]

الله يعينك في الوقحة

كثير من الناس يمزح بكل وقت

[اسم العضو]

اقتباس:  المشاركة الأصلية كتبت بواسطة شموووخ     [align=center]اسم العضو مايستاهل هالموقف انها تزعل من زوجها كل هالزعل يومين لازم تكون ثقتها بزوجها اكبر من كذا وتفهم الموضوع بدون سوء ظن اجل لو ان حرمه هي اللي مسويه هالحركه وش بتسوي بتطلب الطلاق..!! والرجل الذكي يعرف الطريقه السهله للوصول الى قلب زوجته وبايسر الطرق تلقاها بس تنتظر اي حركه بس عشان الجو يرجع مثل اول شكله ناوي على الثانيه عشان كذا خايف وحاس بتأنيب الضمير [/align]

[align=center]شموووخ

المفروض ماتزعل هو ماله ذنب ولا قال شي بس هي مقهوره من صديقه وحطت الحره به ...

وهو يحلف انه يحبها ويغليها ويعزها وحالته تقطع القلب ...

سلام...[/align]

[اسم العضو]

اقتباس:  المشاركة الأصلية كتبت بواسطة قلم بريدة الأبيض     تشكرات على الروايات الرائعات00 أحيانا يبتليك الله بمن المزح و الإستهبال يجري فيهم مجرى الدَّم في الجسم00 و لا يوقفهم شيء حتَّى و أهلك معك (أنواع الإحراج)00 أعرف واحد (طنيبه) كان معنا في العمل ، حتى المدير ماسلم منه00 انتقل لجهة حكوميَّة أخرى00 الزبدة عندما يتحدث مع أم العيال00 تقول بسم الله ما شاء الله ، يختلف و يكون أعقل الرِّجال و أثقلهم! شكلها مربيته00 بالملي متر ياحبيبي بالمليمتر00 بصراحة و نعم التَّربية00 معاها ماشيء(صـح)

[align=center]قلم بريدة الأبيض

ياكثر ها النوعية يمشي على العجين مايلخبطوش,,,

مره واحد بالأستراحه رن جواله وتغيرت لهجته وكثر من سمي .. سمي .. سمي .. ويم سأله أحد العيال تكلم مين على طول قال الوالده وهو يكذب الوالدة متوفية لها عشر سنوات ...

سلام...[/align]

[هادي الطبع]

هو ليس رجلاً خلها تنطق ثم ترجع بنفسها




بعدين فيها شي اذا عدد؟؟؟؟



لكن رفيقه اخطأ بكلامه العجوز ولايتكلم معاه في الشارع حقيقه تصرف قلة ادب احد يزعق بشارع ولى الاشاره واقفه هذا البلاء ياخذون راحتهم بالزعاق والهبال في الاستراحه مو في الشارع

[الماسة محتاسة]

ردة فعل طبيعية...
لكن الغريب انه...

اقتباس: يعزها مره ولايقدر على زعلها

اقتباس: وهو يحلف انه يحبها ويغليها ويعزها

هل هي مقتنعة ؟؟؟

اقتباس: يدلعها بكلمتين حلوات و يعزمها على عشا بالمطعم ..ان شا الله بترضا ..

اقتباس: لأن المرأه غالباً تقع فريسة للرومانسية.. وبسهولة ((يعني ماتعوق )) تزعل بكلمة وترضى بكلمة حلوة

لاتوهقونه..
كلامكن صحيح لو كان السبب بسيط..
لكن العرس او حتى طاريه..مايكفيه كلمة ولاكلمتين ولاعشا..

على العموم ...
اذاكانت مقتنعة انه يحبها ويعزها ويغليها..
فمن السهل جدا يرضيها...

[جبل عمر]

تختلف سرعة البديهة بين الناس
لو رد عليه عند الإشارة وقال العجوز في عينك هذي تسوى أهلك كلهم لما حصل ما حصل

عليه أن يسمح خاطرها ولا أحد يقولي هي مالها داعي والي بتزعل على شان حركة بايخة من إنسان تافه في مكان عام تطق براسه الجدار
لا يا أخي النساء ضعيفات وغيورات وأي شي يصدقنه بالذات في مثل تلك الأمور
عليه أن يطلق عليها وابل من الكلمات المعسولة الممزوجة بأنها ملكة الدنيا ويقول فرضا لو أفكر بالزواج هل أجد أفضل منك لالالا وألف لا
هنا لا محالة سترضى وسترجع لشريط الايام الماضية وتعرف حقيقة زوجها