ما لوم عيني يوم هلت ما لومها

[عبداللطيف بن حمد]

[align=center]
السلام عليكم و رحمة الله و بركاته

مبــروك عليكم الشهر جميعا

قادمين و من بعد الغياب الطويل سنشرق بإذنه..[/align]


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ما لوم عيني يوم هلت ما لومها =و ما لوم نفس ٍ زايدت ٍ همومها
أشعل يدي قنديل و أحارب الجهل=و أطلب معاليها و أخاوي نجومها
لا شفت دمعات الثكالى تطايحت=أطيح معها و أنقهر من ثلومها
يا أمة المليار يا حيف ما بقى= الا حرايرنا تبيــّع لحومها
نسفه رسالتنا و نتبع كلامهم=من يترك الملة تذله خصومها
وين الرجال اللي تنومس فعولهم؟=وين الشهامة؟روّحت مع رسومها!!
وين الهمم؟صارت هممنا سخافة ٍ!=كلن ورا الدنيا يبيع و يسومها
عمي البصر شاه الفكر زاد جهلنا=ضاعت حضارتنا سبايب رخومها
نشوف نسمع لكن القلب منتحر=ما تهزنا صيحاتهم في رجومها
اللي حصل لخواننا جنب دارنا=و شلون ما نصحى و الأعداء تسومها
أقسى العذاب و لا حدن قام فازع ٍ=ستين عام ٍ مجدبات ٍ حزومها
صرنا دول متناحره و متفرقه=يا رب تجمعنا برجل ٍ يرومها
يا مسجد الأقصى ترقب هطولنا=جيش ٍ عرمرم قادمين ٍ لرومها
الكبوه اللي طوّلت صعب تستمر=جوادنا ما تنثني من سهومها
قبل النصارى جت جيوش ٍمهوله=من المغـول اللي عجيبة سلومها
ولا استطاعت تنهي الدين حافظه=رب الملا,و بادت و ذاقت سمومها
حضارة ٍ شمسه بتشرق مجددٍ =و تقود عالمها و تكبح ظلومها
و تنشرعدل و أحسان وعلوم كالدرر=ما أعظم حضارتها وما أجمل علومها
و ما قلتها الا واثق ٍ من ألهنا=تمسكوا بالدين و ننظر قدومها[/poem]



[align=center]عبداللطيف بن حمد السنيدي آل أبو عليان

,
,
,
,
[/align]