عذرا يامجتـــــمعـــــي ..سأرجع للعربجه من جديد!!!!!!

[الفتى العصري]

عذرا يامجتمعي ..لم أكن يوما في حياتي مؤذيا لأحد ولم أكن مجرما ولاسارقا ولاقاطع طريق ..كنت منذ نعومة أظفاري إنسان حالم في هذه الحياة ومسالم ومحب للجميع وتلقيت تعليمي من المرحلة الإبتدائية حتى حصلت على شهادة البكالوريوس وبعدها طرت فرحا بحصولي عليها معتقدا أن جميع أحلامي سأحققها جميعا بداية من (سيارتي الفارهه وعروستي الجميلة وبعدها التفكير جديا ببيت العمر والأولاد ووووو من الأحلام).........
ولكن بعد كل هذا تفاجأت عندما قالو لي ( أذهب إلى منزلكم وأعطنا رقم تلفونك وبعدين نتصل عليك عندما تتوفر وظيفة لك !!!!!!!!!).

صدقوني جلست سنتين حتى الآن ولم يتصلوا وكل يوم وأنا مراجع ديوان الخدمة المدنية ومن كثر ما أنا أجي لهم قلت لهم : وش رأيكم توظفوني لو قهوجي عندكم منها أستفيد ومنها أشوف تعييني عندما يصدر ...
كم من شاب مثلي وشابه كانوا يحلمون بالمستقبل وبعدها إنكشفت الحقيقة المرة ........... عفوا يامجتمعي عندما تجد شابا سعوديا يسرق فهو خريج جامعة ....عفوا يامجتمعي عندما تجد الشاب السعودي يصطاد الفتيات ويقوم بتصويرهن ونشر فضائحهن أو يخطف غلمان لفعل فاحشة اللواط فيهم فهو شابا عاطلا عن العمل .
عفوا يامجتمعي عندما تجد شابا سعوديا مجنونا فجأة فأعرف أنه ضاقت به السبل وأعياه البحث عن عمل ولم يجد إلا الجنون مؤنسا له .
عفوا عفوا عفوا يامجتمعي فقد ضاقت بي السبل ولكني لن أسرق ولن أصطاد الفتيات ولا الغلمان ولن يجد الجنون طريقه إلي ولكنني سأكافح ولن أيأس فالأرزاق بيد الله جل وعلا ......شكرا لكم

[صب شاهي]

انتسان انك تبي تدشر انا معك هيا قدام

[صاحي و رايـق]

توك تفطن
أنا سابقك من كم سنه
تعالي يا حبيب القلب لي
عشان أعطيك دروس خصوصيه بالدشاره ومجانيه كمان
تصدق يوم دشرت زانت حالتي وربي
ما صرت أشيل عم الشي
حتى الناس بدت ما تنتقدني أو تناظر لي
ورصيدي ما ينقص بس يزود
اللهم أدمها من حال يارب !

[عجوز سمنسي]

[align=center]

اقتباس:  المشاركة الأصلية كتبت بواسطة الفتى العصري     عذرا يامجتمعي ..لم أكن يوما في حياتي مؤذيا لأحد ولم أكن مجرما ولاسارقا ولاقاطع طريق ..كنت منذ نعومة أظفاري إنسان حالم في هذه الحياة ومسالم ومحب للجميع وتلقيت تعليمي من المرحلة الإبتدائية حتى حصلت على شهادة البكالوريوس وبعدها طرت فرحا بحصولي عليها معتقدا أن جميع أحلامي سأحققها جميعا بداية من (سيارتي الفارهه وعروستي الجميلة وبعدها التفكير جديا ببيت العمر والأولاد ووووو من الأحلام)......... ولكن بعد كل هذا تفاجأت عندما قالو لي ( أذهب إلى منزلكم وأعطنا رقم تلفونك وبعدين نتصل عليك عندما تتوفر وظيفة لك !!!!!!!!!). صدقوني جلست سنتين حتى الآن ولم يتصلوا وكل يوم وأنا مراجع ديوان الخدمة المدنية ومن كثر ما أنا أجي لهم قلت لهم : وش رأيكم توظفوني لو قهوجي عندكم منها أستفيد ومنها أشوف تعييني عندما يصدر ... كم من شاب مثلي وشابه كانوا يحلمون بالمستقبل وبعدها إنكشفت الحقيقة المرة ........... عفوا يامجتمعي عندما تجد شابا سعوديا يسرق فهو خريج جامعة ....عفوا يامجتمعي عندما تجد الشاب السعودي يصطاد الفتيات ويقوم بتصويرهن ونشر فضائحهن أو يخطف غلمان لفعل فاحشة اللواط فيهم فهو شابا عاطلا عن العمل . عفوا يامجتمعي عندما تجد شابا سعوديا مجنونا فجأة فأعرف أنه ضاقت به السبل وأعياه البحث عن عمل ولم يجد إلا الجنون مؤنسا له . عفوا عفوا عفوا يامجتمعي فقد ضاقت بي السبل ولكني لن أسرق ولن أصطاد الفتيات ولا الغلمان ولن يجد الجنون طريقه إلي ولكنني سأكافح ولن أيأس فالأرزاق بيد الله جل وعلا ......شكرا لكم

ايها الفتي العصري

عد الى عربجتك فهي اتقى لك وانقى في هذا الوطن الذي لايقدر شعبه ولا يقدر قيمه ولا يقدر فضائله ولاتقدر اعرافه وقوانينه واحكامه وشريعته

دمت بحب[/align]

[أمــ الحب ــير]

مرآحب اخوي الفتى ,,

يآعين ابوي آنت تبغى وظيفة يآقلبي عندك وآسطة رآح تحصل عندك مصلحة لمسئول رآح يخلق لك وظيفة غير كذآ مافيه

وبعدين من صدقك للحين مآدشرت !!!!!!!!!!!!!

آدشر لآيفوتك قطآر الدشآرة بعدين تقول يآليت آللي جرى مآكان

آلله يوفقك ويوفقنآ ويآك وجميع آلمسلمين آلعآطلين عن آلعمل في آغنى دولة في آلعآلم

آللهم آهلك من كآن سبب في قطع ألأرزاق عن آلمسلمين

<--- مآسكة معآي دعآوي آليوم آللي يبغاني آدعي عليه يقولي

آورفوآر يآعآطل

[البرحيه]

اتمنى انك كنت في بكين هاليومين... تحتك بالشباب الصيني تتعلم كيف تجبر الوظيفه تدور عليك بدل ماتدور عليها ... ميكروسوف وقوقل وقعت عقود عمل بالعشرات مع شباب وشابات من الصين منهم اللي خلص جامعه واللي ماخلصها...كانو ا مجرد متطوعين للعمل ..يعملون ليل نهار لعيون الصين العظيمه ....وهالعظيمه اللي طول عمرها توكلهم رز مسلوق بمويه غير نقيه وملح ... قالتلهم يوم كانوا صغار ان تنام جائع افضل من سرقة دجاجة جارك....ولاتتوقع ان تشبع وانت نائم.............



والحين من يقدر يقول للصيني ماعندنا لك وظيفه....!!!!!!!!!!!!!





شكرا لك........

[مياسة]

[align=center]

اقتباس:  المشاركة الأصلية كتبت بواسطة صاحي و رايـق     توك تفطن أنا سابقك من كم سنه تعالي يا حبيب القلب لي عشان أعطيك دروس خصوصيه بالدشاره ومجانيه كمان تصدق يوم دشرت زانت حالتي وربي ما صرت أشيل عم الشي حتى الناس بدت ما تنتقدني أو تناظر لي ورصيدي ما ينقص بس يزود اللهم أدمها من حال يارب !

[/align]

[الصوص]

لا لا تتسرع و تدشر المستقبل قدامك
اصبر لك خمس سنوات زياده

و يتصلون عليك البلديه و الا المصلحه

و يوظفونك على البند براتب 1500 ريال

و تحقق طموحك و تعرس و تبني بيت

بس انتبه لا تفسق و تجدع دراهمك يمين و يسار

[مجدولين]

مشكلة الشاب السعودي يبي كرسي دوار ومكتب ومكيف سيلت وزاكر يصب القهوه وجرايد وراتب 6000 << بالعربي يبي شغل مكتبي
لو يتنازل عن غروره ويفهم ان العمل شرف مهما كان ويشمر عن ذراعيه ويتجه للاعمال الحره .. فجلب الرزق بالحلال ليس عيباً
لكن وين الي يحس بقيمة وقته ويحس انه يبي يسوي شئ
فمتى ما وجدت الاراده سهل الوصول للهدف

[DisCuss]

حقيقة أستغرب من الشباب وشكاويهم ... !
بعضهم يعتقد فقط مجرد الشهادة الجامعية تهيئه لأن يكون موظف وتتخاطفه الأيدي .. يا ناس .. يا شباب .. أنا شاب مثلهم وأعرف تفكيركم .. مستحيل وأقولها لك بالفم المليان
مستحيل .. تلاقي شخص يبي يداريك ويحب على خشمك .. ويقولك : يا رب تجوز لك الوظفية

يا شباب ..
أنت بالحياة .. يعني بصراع كبير .. لازم تخش فيه ... أما أن تتكل على أبوك وأمك
من يوم أنت بالابتدائي لييييين تدخل الجامعة !

أذكر ورب البيت واحد .. كان أبوه يوصله للجامعة !!!! هذا اكيد بيوم الدخله أبوه بيدخل معه !!!

يا شباب ... هذي حياة .. هذي معركة وأول شيء تتعارك معه هو ( نفسك )

أنك تثبت لنفسك بأنك خرجت من غطاء أبيك !!

البعض .. للاسف يتسمى بالرجولة وهو ما يعرف مقتضياتها !

الرجولة ليست شنب .. وليست طول وعرض .. وليست أبيات شعر نرددها , وليست دوران بالدائري ومغازل بالأسواق .. ثم تكتب النت : أبي وظيفة انا خريج جامعة ..

أسمعوا هالتجارب ... وربي ليست من نسج الخيال .. ولا تقولون واسطة والكلام السخيف .. لأنني أعرفه أصحابها وأعرف وضعهم

شباب ... تخرجوا من الجامعة , عرضت عليهم الوظائف العادية ( مدرس ) , ( عمل أداري بسيط بأحد الدوائر ) ولــم يفكروا فيها ثم واصلوا دراساتهم وبعدها بدأت الشركات تتسابق عليهم وتراسلهم على إيميلاتهم !!
وأنا أجزم بأنه لا ينقصكم شيء عنهم , وليسوا خارقين في الذكاء , صح أنهم .. متميزين في شخصياتهم .. ولهم حضور وأطلاع .. ولكن السبب الرئيسي في نجاحهم أنما ( صبروا ) و ( أجتهدوا ) فلم يتبطحوا بالاستراحات ويناموا بالنهار ثم يشتكوا في المنتديات بالليل ..

يا شباب .. أنتم لستم بحدائق أبيكم ولستم بين أحضان أمهاتكم ..
أنتم بالحياة !
بالمعركة ..
بالتي اشتكى منها أعاتي الرجال ..

طيب الله ثرى الجواهري عندما قال :

العلمُ نورٌ والحياةُ مدارسٌ *** والناس شتى ... غافلٌ ومغفلُ

[عاشق تراب بريده]

بالخير ياعرب ...

ادشر يابعدي وفله واستانس وانبسط واذا شي مكتوب لك بتتوظف لاتخاف شف انا خريج صيدله والله اني متوظف بثلاث الاف ريال بوظيفه ماله دخل بالصيدله وحايمتن تسبدي توظفت لسبب واحد فقط عشان مااحس بالفراغ مع اني راتبي مايقارن بشهادتي لكن الشكوى لله مير تعال خابرنلك معسل شيشه موت عشان تمخمخ وتحل قضيه فلسطين وتنسى همك تبي تجربه ياباشا هع هع امزح عاد انت جاهز للانحراف بس تبي اللي يوجهك هع هع <<< لاتمشي مع هذا المستخدم تراه يدشرك <<<

تحياتي ياعجم ...

[الفتى العصري]

اقتباس:  المشاركة الأصلية كتبت بواسطة صب شاهي     انتسان انك تبي تدشر انا معك هيا قدام

إرحبوا ومرحبا الف ياصب الشاهي ...شكلك مثلي حالم وفي دنيا الخيال عايش ....يارجال هذه الدنيا مافيها أحد مستريح ..شكرا لك

[الصافي]

أنا أجزم 100% أن اللي سبب البطاله هي الواسطات اللي توظف دبش وتطرد المؤهلين للوظائف

نصيحه لك أخي الفتى العصري ولكل من يعيش بظروفك ( من توكل على الله كفاه )

ومن يتق الله يجعل له مخرجاً

لا تيأس أبداً مهما ادلهمت عليك الخطوب والمحن

ربما هو امتحان من الله ليرى صبرك

بعدين اذا ما طاعك الزمن طعه يعني مالقيت وظيفه زينه خلاص تجلس اشتغل ولو بأقل وظيفه الشكوى لله يفرجها الله ان شاء الله

[فاتن بنت ابوها]

اقتباس: وش رأيكم توظفوني لو قهوجي عندكم منها أستفيد ومنها أشوف تعييني عندما يصدر ...

اضحكتني بهالجمله ههههههههههههه

اغنى دوله بالبترول نصف شعبها عااااااااااااطل !

[الــمــقــلــع]

اقتباس:  المشاركة الأصلية كتبت بواسطة الصوص     لا لا تتسرع و تدشر المستقبل قدامك اصبر لك خمس سنوات زياده و يتصلون عليك البلديه و الا المصلحه و يوظفونك على البند براتب 1500 ريال و تحقق طموحك و تعرس و تبني بيت بس انتبه لا تفسق و تجدع دراهمك يمين و يسار

والله انك فسقان