طلبات .منى وتهاني .وحصه ويااابوووي لاتحزن...متطلباات واحلام بنات هاليومين

[مدلل]

طلبات .منى وتهاني .وحصه ويااابوووي لاتحزن...متطلباات واحلام بنات هاليومين
سلامو عليكم ..
عليكم سلام =====> حشا هنوووود

موضوووعي هذاا كتبته لمن شفت حاله جارناااا ابو حمووووود اللي جعلك منت بمكااااانه صاير تقوووول صرافه......بسبب بناااته الله يصلحهن .اللي كل يوووم بالسووووق والا بجفله والا بحديقه ...

وخذ من هالللللطلباااااااات .....عاد جاااببالي ابين لكم اخر متطلبات بنياتناااا حسب ماشافت وانا متاكد ان الكثير كذااااا ..
لذااا من لديهااااا اعتراض يحق لهاااا التقدم بطلب احتجاج لاقرب فرع لوزارة الاعلام مع دفع خمسميه ريال تحط بحساااابي وبعدين نتفاهم ...وتاكدوا ان الخمسميه ريال هذي بحطهاااا بحساب العوانس اللي بالمنتدى عسى الله يفك ازمتهن .......كله من العولمه الله يكاافي شرهاا

........سموووا بسم الله وابدوا من يمين ولاتدققوووووووووون ...


...1/.. اول حـــــلم .انة يكون معاها فلوس بالكوووم وياليت لو ببيتهم صرافه الراجحي يكوون اريح ..والا فيزاا ماستر كارد والا ماستر مهنا وكل يوم رايحة لسوق..وماتخلي شيء ماتشرية.ولوكان تافة. اهم شي تجميع اغلفه احذيه او نفانيف او بلايز ====> ابد ماااسالت احد ......وخذ تجميع من هالاكياس والقراااطيس تقوووول مسابقه بيبسي اجمع وخذ جائزه فووريه ..امحق فوريه ===> فوريه والا تحميض هههه انثبر بس واخلص علينا

وكا هذااا .بس عشان تقول لصاحباتها..هذا الموديل...بالسعر الفلاني بعد ماتضيف اضعافة طبعا..واخر صرعة.. واخر دوخه واخر سطحه ..ومن تصميم المصمم العالمي..كونو مونو. والمصمم طويحس باجيو .....والا هذا شاريتة ..من .باريس ..وهذا من لندن.وهذاا من مدريد ..وهذا من دبي ..وهذااا من بقعاء ..وهذاا السويدا..وهي اصلا
شاريتة..من البطحاء.. والا من شارع الخبيب ...كبره الحريم .<سوق كلة هنود وماركات مقلدة>

2/...تحلم الوحدة منهن..انة يكون لها محل تجميل واكسسورات.. وياليت لو يكووون فيه اجهزه ليزر ..لزووم اللقط والشخط ..مرتن تمصع لهاا حبة خال ..ومرة حبة راس ..ومرة اسبرين ....والا مرتن ترسم الحاجب بالطريقه الكوفيه ومره بالنسخ تقووول اختبار املا ء...
.واكيد المكياج وشغلاته ...عشان تبدا كل يوم تغير صبغة الشعر من كستنائي الى تركواز. ..ومن تركواز الا اشهب ..ومن اشهب ..الا ادهم ومن ادهم الى احمد مظهر ومن مظهر الى جاسم الهويدي ===> كيف الحال بسسس.
..ومن اشقر..الى برتقالي....ومن اصفر الى اخضر
...واهم شيء في التجميل.المساحيق حقة الوجة..وكل يوم تلطيخ
..بالوجة... مرة كريم اساس ومرة تلييس ومرة تبليط واهم شي السطح لازم يكوون فيه نقوووش لزوك الرزه .والمشكلة مايفيد..هي..هي..لاتزين ولاتشين
...ومرة ينتفون الحاجب ..ومرة الرموش..وخذ من هالتركيب..ورسم الحواجب.. تقوووول كراسه رسم .

3/.ومن متطلباتهم الضرورية .الجوال..لو بدون حاجة...وخذ من تغيير اللون والنوع...والنغمات مرة نغمة عربي انا ومرتن ماعندك احد انا ومرة..برافوا عليكي والا اغنيه سيدي منصور ..وسيدي منسم ..والا على الكورنيش ....والفواتير على الكبار المساكين. اللي مالهم الا الله ومابيدهم الاقوووله سم وتحت امرك ...وياااااابوي لاتحزن والمشكله ماعندهم مكالمات ضروريه كلهااا...سوالف وطق حنك وحش بخلق الله ..مايخلون احد بحاله ..لا وبعد هاليومين طلع جوال البطاقه المؤقته يعني الا من اووول ماعنده الحين بيلحق الهنوووود اللي ماخلووو لنا شي ...لي اسبوووع انتظرهم يعطووني شريحه وكل يووم يقولووون بكره .......وسلملي على شركه الهبش والنهش شركه الاتصالات.

4/..السيارة الكشخة ..واخر موديل ..ولازم يكون اللون ..مووووف..والاتركواز..او يكون عندهم.سواق..عشان يتمشون على كيفهم...ويروحون متى مايبغوا...من مطعم..الى كوافير..العقارية. الا العثيم مووول والعثيم فووووول ...ولايهووون جمجووووم جده..

5/..تحلم الوحدة منهن ..بفارس احلام وزوج..يكون شكلة .اسباني او فنزويلي.وياليت لويكون يشبة.جونزاليس يكون .كامل المواصفات على .مرسيدس. اخر موديل و.يكون طويل واشقر..وعيونة زغر..وشعرة طويل..ويتحدث..خمس لغات...طيب شبابنا وش يسوون ..لاصار الواحد منهم ..لازين ولا فلوس ولاسيارة ولاطول ولا عرض ومشهب من كثر الشغل .. ومن الشين اذاا وافقووا عليه حطووا عليه مهر ..قصوا فيه ظهره تقووول مشتري له محطه بنزين .....

6/...يشترط فى زوج المستقبل..ان يوفر فيلا..بااحسن حي ..ويجيب خادمة..وسواق..ومحل مكسرات..ومايهم لو يكون راتب المسيكين الفين ريال اهم شيء الطلبات.تتنفذ...وتحط الوحدة منهم جدول اليوم عند فلانة واليوم عند خالتي وبكرة عند ..عمتي ..وعلى هالمنوال..

7/....وامنية البنات..ان كل السنة تكون زواجات ..وحفلات..عشان تروح وتسهر ..وكل وحدة تستعرض ثوبها الجديد اللي لازم يشرية الزوج ..ان شاءاللة يتسلف اهم شيء يجيب الثوب...
واللي زاد الطين بله حفلالات الديجي حقت هاليووومين حتى البزارين صاروا يسوووونهااا ......وياوووووبوهااااا لاتحزن الله كريم
.....ماتزال هذة المتطلبات نبذة بسيطة..واللة يعين المتزوجين ..

عااااااد في ذمتك اللحيييين حصه ومنى وتهاااني من ووين بيلقوون معاريس .....

ويامعيرررررررررررررررررريس عين الله ترعااااااااااااااك

خذ وخل والوجه من الوووووووووووووووجه ابيض ..مانبي الا الستر ......

[قم بس قم]

أقول يامدلّل تراك جايزن لي

قصدي موضوعين اهبل شي ومثل ما قلت لك بالرد الأول

وإن تسانهن من دميجك فابشر بسعدك
والصراحة أنت رزق من السّماء



الله يعينك ياويلك من مقنصعات المنتدى ولا يهمّك أي وحدة تقول شي تراك عندي واللي يرشّك بالماء أعطيك فوطة تمسح وجهك



مشكوووور على هالألفية اللي غطّت على ألفية بن عمّار:2:

[الذهبي]

هههههههههههههههههههههههه

وش هالمواضيع يامدلل الصراحة إقلالاع


ولك شرف ان ابوعبدالله شحطك شوي

الله لنا ياقم بس قم

[مدلل]

هلا وغلالالالالالالا صديزي قم قم (اسم الدلع) ====> ماينعطى وجه من اولها بدى يمووون

ههههههههههههههههه تصدق اني من اووول خايف من عجز المنتدى ههههه قصدي بنات المنتدى احم احم بس الله جابك يابعدي ..يعني ضمنا الحمايه ..

وابشر بالمواضيع الزينه بس اهم شي نشوف التفاعل من الاعضاء .وعندي مواضيع كثيره انشالله تعجبكم ...

تحياتي اخوووووي قم بس قم

[مدلل]

هلالالالالا الذهبي ..

ونعم والله بك وبابو عبدالله

بس بدينااا غيره من الحين هههههههه
خلاص ابشر في من يشحط مووواضيعك كلهن بس وينهن ..

تحياتي

[المرجوجه]

اقووووووول ها ها بسسسس يادلالة امك وجععععععع
وش هالهرررج :4: :4:



مابقى الا هي ايه وانت مستهين بهالطلبات ؟؟؟؟
اشوووفكم طايرتن عقولكم على هالبنانيات والسوريات تحسبونهن طالعاتن من الله مابهن لاحبوب ولا شيء الا متحلسات ومتملحات وحنا بنسوووي مثلهن حفاظا عليكم (يادلالة امك)



وبعدين وش عليك اخذين من مخباتك شيء لا عاد انتم الي كل يومين تبي تغيرون سياره وتصدمون بهالسيارات وبعدين تجون هذا السياره تبي فحمات وتبي جلنط وجنوط وطبايق كفرات ومدري وشو وهالوالد المسكين يدفع لعلى وعسى يطلع هالولد شيء وبعد ترى موب بس السياره كل شين بس ابسكت منب قايله



يالله بس ماعليه يادلالة امك تشكر على هالموضوع

واستروااااا ماواجهتواااا من المرجوووجه

[مسافره بلا زاد]

نو نو نو مش معقوله ....كل ها الكلام ينقال ....


اعصابك حبيبتي الرجوجه لا تنفعلين خليهم علي ...اجل حنا معنسات انت ووجهك اسكت بس يالباير تلقاك طاقن الاربعين ولا بعد تزوجت لانه مافي وحده ترضى بها الخشيشه لا وبعد يا قل ملحك حاطن اسمه المدلل ...:2:



اقول اخوي علم يوصلك ويتعداك ....ولله الحمد والمنه هذولا البنات اللي تكلمت عنهم يمثلون شريحه قليله من بنات مجتمعنا ولله الحمد ....ويعتبرون شواذ من القاعده ....والشاذ لا يحكم به <===بدت تتفلسف من يسكتها


اقوووول يا بنات فيه منكن حصه والا تهاني والا منى ...تسني اسمعهن يقول لا وع من زينهن ....



على العموم مسألة التجميل وغيره بعذره على قولة اوخيتي المرجوجه تناظرون ها السوريات واللبنانيات تحسبونهن خلقة ربي ما تدرون انهن مزينات مليون الف عملية علشان يطلعن تسذات...ما لكم الا القناصيع وانا اخيتك


وعلى فكره ...ترى انا من النوع اللي اكره ان الولد يكون وسيم وانيق ...احب الاشهب الالهب العربجي <===انواع التقليعات .....



تحياتي لك .....


وترى هذا بداية الهجوم عليك ....نيههههههااااااااااااااااااااااااااااااااااي ولا تزعل مني تراي امزح معك ...

[الذهبي]

بكل مكان

ماتلقالك عاير إلا وبه موضوع لي

[مدلل]

هههههههه هلوووولا مسز مرقوقه

بشويش لايطقق فيكن عرق يابنات المذن ..

يعني انصدمتم بالحقيقه ...

اجل يادلالة امك ههههه دلال والا زمزميات خخخخخ

على العموووووم الحره اللي فيكن تسوي اكثر بس يالله مالي الا ادعيلكم بالزوووج اللي يقبل بهالاشكال ..

ويسلموا اختي عالرد

[مدلل]

هههههههههههههههههه

هلا بام عنبر =======> خاف منها الولد

ياربيييييييه والله لو تشوفيني كان قلتي لامك اشترولي مثل هذااا ======> يقالي يمدح نفسه ..ليش الاخ قوطي


للاسف مسافره هذا الواقع هالايام وان كان من نسبه قليله بس الشر يعم والخير يخص ...والمتضرر الوحيد من هالطلبات هو هالشباب اللي ماحيلتهم شي ومايبووون الا الستر ياويلي .


اجل مااتبين الا الاشهب ههههههههههه الله يرجك
خلاص عندي لكم واحدن تقووووول ضب والله ان شفتيه لتسوووين اضراب عن الاكل لمده شهر ...

احمدوا ربكم تلاقوووووون مثلنا ياعيال بريده صهبان شهبان بس قينا ملامح حلووووووه

[مدلل]

هههههههههههه الذهبي ياحبيلك ماعندك الا حلالك وياااحلو طلاتك ======> صدق الذهبي تلقاه فاج الكشره هالقوطي

[مسافره بلا زاد]

حرام عليك يا المدلل انت ناوي تجيب خبري ....يوم قلت سالفة ضبك هذا مير على طول يغمى علي ولا يهمك اخليه لك جنتيه خي جنتيه ...جنتل ضب على سن ورمح


بس على فكره لا تكون انت قوطي ملمع .......كان انك مصدي اشتريتك



بس ياااااي على العرابجه من جد تتصور عاد <===معليش ودها تسولف شوي

ايوه كنت اقول لك انه فارس احلامي اتمناهباذن الله واحد عربجي جاي لي على وانيت بغماره ...لا لا ....بغمارتين علشان ورعاننا ان شاء الله ....


والعرس ان شاء الله في مخيم بالثمامه ....اووووه يا الله حلم كل بنت مثلي ..


وان كان على عيالنا يعني عيال القصيم فهم من جد ماهنا اشهب منهم موهب زي عيال الرياض والا جده يا الله انك تخلف تلقاه يتبيلص حتى شعره كاب الجل فيه لين قال بس ....ايه يا الله الجنه انتم شعوركم يا الله تنكد اعوذ بالله .....الله يعافي الشماغ اللي ساتركم





وعلى فكره ترى البنات بعد يبون الستر والسعاده اكثر منكم يا العيال ...ان كان الولد يدعي ربه بالزوجه الصالحه فالبنت تدعي ربها الف مره بانه ربي يرزقها بالرجال الصالح اللي يستر عليها ويسعدها ....



معليش طولت عليك .....


تحياتي لك .....:1: :2: