للمقبلين على الزواج : هذه الفتاة حاول اجتنابها قدر الامكان

[صب شاهي]

باختصار هي الفتاة التي تحب اهلها وطبعا لايجي واحد سطحي ويقول : اجل تبي البنت تكره اهلها ؟
طبعا انا لا اقصد ذلك وانما اقصد من حذر منها الرسول صلى الله عليه وسلم ( الحنانة ) بتشديد النون الاولى وفتح الثانية
فهي تظن انه من البر زيارة اهلها يوميا واخذ ما تستطيع اخذه لهم
وارضائهم على حساب زوجها والتحدث لهم بكل ما يدور ببيتها

أمثلة :

1- لو قلت لها اليوم خلك بالبيت مادام عيالك عليهم قل صحة قالت بس اليوم جمعة اهلي مااقدر اخليهم

2- تحاول تشاركها في السوق بقولك خذي هذا الفستان حلو
تقوم تدق على اختها بالجوال وتوصف لها الفستان وبعد المكالمة تقول لك ( موب ماخذته اختي تقول وع )

3- اينما تكون معزومة مع اهلها تخليك انت الي تودي وتجيب ولو كان عندك شغل مع ان اخوانها شباب بس تبي توفرهم
ولا واحيانا تصر على امها ان تركب بجنبك وهي ورى مع خواتها

مودتي,,,

[نبض الوريد]

على كذا لو تجنبت هذه الفتاه ، ماراح تتزوج ابد؟؟؟لأن ماعندك أختيار ثاني،،

سلامي

[سحايب نجد]

يحصل كثير بس مرتاحين وقله المنزعجين ..

[فتاة المستقبل]

ما بوه بنت كذا ..

اقتباس: ولا واحيانا تصر على امها ان تركب بجنبك وهي ورى مع خواتها

طيب ..
ما فيها شئ تخلي امها تركب قدام .. بالعكس هذا من البر

[ام ادويس]

بل بل اسميكم معقدينها بعدها فيها الخير توصل أهلها وأنت ما ملكتها

وشدراكم انها تحب أهلها أكثر قبل الزواج مكتوب عليها !

يمكن نشوف العكس بعد الزواج أنت تبدي أهلك عليها

نصيحة لاخواتي المتزوجات ولأخواني المتزوجين

عدم المبالغه في أي عمل أو قول أي شيء يزيد عن حده ينقلب ضده

((و إن زاد ضر ))

بارك الله فيك على الطرح الطيب ،،

[الــمــقــلــع]

ما احس فيه شي جديد او مفيد

[لبيه]

كثر التحنحن للاهل مؤشر على قوة ارتباطها برجلها
اذا هو له مكانه عندها وتبيه وهو راع الفضل تنسى اهلها لعيونه
واذا هو اي كلام وما طلع مثل مارسمته براسها راحتها مع اهلها وش يجبرها تقابل خشته هذا ولد الناس وهذولاك اهلي
اي واحد زوجته تفضل اهلها عليه يراجع علاقته معها تراه قاعدة معه تبي الستر ولا هو مايعني لها شي

[صب شاهي]

اقتباس:  المشاركة الأصلية كتبت بواسطة مُجَـّردْ إنْسَان     على كذا لو تجنبت هذه الفتاه ، ماراح تتزوج ابد؟؟؟لأن ماعندك أختيار ثاني،، سلامي

عشان كذا كتبت بعنوان الموضوع ( قدر الامكان ) وان ماقدرت يعين الله

[صب شاهي]

اقتباس:  المشاركة الأصلية كتبت بواسطة سحايب نجد     يحصل كثير بس مرتاحين وقله المنزعجين ..

ربما

تحياتي ,,,

[شذرة السيف]

والأن انت ناصح؟
’,

[صب شاهي]

اقتباس:  المشاركة الأصلية كتبت بواسطة فتاة المستقبل     ما بوه بنت كذا .. طيب .. ما فيها شئ تخلي امها تركب قدام .. بالعكس هذا من البر

والله اني ما ادري انتي جادة بكلامك او تستهبلين

[صب شاهي]

اقتباس:  المشاركة الأصلية كتبت بواسطة ام ادويس     بل بل اسميكم معقدينها بعدها فيها الخير توصل أهلها وأنت ما ملكتها وشدراكم انها تحب أهلها أكثر قبل الزواج مكتوب عليها ! يمكن نشوف العكس بعد الزواج أنت تبدي أهلك عليها نصيحة لاخواتي المتزوجات ولأخواني المتزوجين عدم المبالغه في أي عمل أو قول أي شيء يزيد عن حده ينقلب ضده ((و إن زاد ضر )) بارك الله فيك على الطرح الطيب ،،

وفيك بارك
الاعتدال هو المطلوب

[صب شاهي]

اقتباس:  المشاركة الأصلية كتبت بواسطة الــمــقــلــع     ما احس فيه شي جديد او مفيد

هكذا بدا لك

[صب شاهي]

اقتباس:  المشاركة الأصلية كتبت بواسطة لبيه     كثر التحنحن للاهل مؤشر على قوة ارتباطها برجلها اذا هو له مكانه عندها وتبيه وهو راع الفضل تنسى اهلها لعيونه واذا هو اي كلام وما طلع مثل مارسمته براسها راحتها مع اهلها وش يجبرها تقابل خشته هذا ولد الناس وهذولاك اهلي اي واحد زوجته تفضل اهلها عليه يراجع علاقته معها تراه قاعدة معه تبي الستر ولا هو مايعني لها شي

انصحك بقراءة حقوق الزوج

دمت سالما

[وضوح]

أهم شيء تصب لكـ شاهي ..!