سرق البطاريه ! وانكر وحلف بالله ... فعل مشين من شاب مسلم !

[طمووح انثى]

السلام عليكم ورحمة الله وبركاته


مافتحت المنتديات الى للنقاش والحوار والرأي الهادف ..
وهنا أجد متنفس لكي اسرد لكم ماأحصل (لأـبنة أختي) مع أحدى محلات الحاسب(مشهور) وله فروع عده ..

القصه بأختصار ....

أشترت محمول من محل حاسب (مشهور ومعروف ) قبل 8 أشهر ..ولقد نصحها احد اخواني بأن تشيل البطاريه علشان ماتخرب ! صارت تشيلها و تشتغل على الكهرب ! فا كانت مهتمه فيها مره ! يعني كانت البطاريه جديده!كانت تشتغل عليها لمدة ساعات وماتطفى!

قبل اسبوع ..

حبت تركب للجهاز برنامج حمايه وتضيف له بعض البرامج ..راحت مع اخوي لنفس المحل الي اشترت الجهاز منه وعطوه الشاب حق الصيانه الجهاز وكان فيه البطاريه ومشحونه ..عطاهم فاتوره وقال راجعونا بكرا ..

المهم ..

راحو أخذو الجهاز ..
لاحظت انها تشحن الجهاز لساعات طويله واول ماتفصل الكهرب يطفى ! استغربت ! !

تأكدت ..

ان البطاريه مبدله ! ومافيه غير المحل ..!
رجعو للمحل ..وقالو لهم المشكله ! واستدعو الشاب حق الصيانه !
انكر وجلس (يحلف بالله ) !!

المهم ..

جاء واحد خبره الظاهر انه المدير ولما شال البطاريه ..وقراء الرقم الي عليها لقاه يختلف عن الرقم الي في الجهاز !
وقال لهم أسفين ومعليش وان شاءالله تجيكم بطاريه من الرياض !!

تقول لي اكتفينا بنظره له وقول (الحمدلله الذي اظهر الحق ..حسبنا الله ونعم الوكيل)
ثم خرجنا ..

الغريب ..الشاب ..لم يعاقب !!!! وموجود الى الأن بالمحل ؟

والحين ..كيف نعرف البطاريه الي منهم جديده ؟ اصليه ؟ لان ثقتنا في المحل صارت معودمه ! وخصوصا انهم ماعقبو الشاب ! والمشكله أنه يكلم أخوي امس وكنه ماسوى شي !!!!


سؤالي ......,
لو أنتم مكاننا ايش تسوون ؟؟؟ وكيف تتأكد من سلامة البطاريه الي منهم ؟

[To Be]

[align=justify]
حياك طكووح انثى

اقتباس: سؤالي ......, لو أنتم مكاننا ايش تسوون ؟؟؟ وكيف تتأكد من سلامة البطاريه الي منهم ؟

لو كنت مكانك

لانتظرت البطارية الجديدة تحضر من الرياض !

باختصار لا تستطيعين إثبات السرقة

تحياتي[/align]

[طمووح انثى]

اقتباس:  المشاركة الأصلية كتبت بواسطة to be     [align=justify] حياك طكووح انثى لو كنت مكانك لانتظرت البطارية الجديدة تحضر من الرياض ! باختصار لا تستطيعين إثبات السرقة تحياتي[/align]

الا ثبتت السرقه !

ماطلبو لها وحده جديده الا بعد ماتأكدو ! الرقم يختلف بين البطاريه والجهاز!

شكرا لك

[هلاوين]

كلام واضح وقصة ممتعه ومسليه ومفيده >>هع هع

اختي طيب لماذا لانحسن الظن بالشاب انه لايعرف او اخطأ من غير قصد .


ملاحظة

يمنك رحت لراعي تصليح امصع البطاريه مصع وخله تنام عندك بالبيت


ان ماغيروها بقصد غلطوووووووا بها >>هع هع

[طمووح انثى]

اقتباس:  المشاركة الأصلية كتبت بواسطة رمانسي     كلام واضح وقصة ممتعه ومسليه ومفيده >>هع هع اختي طيب لماذا لانحسن الظن بالشاب انه لايعرف او اخطأ من غير قصد . ملاحظة يمنك رحت لراعي تصليح امصع البطاريه مصع وخله تنام عندك بالبيت ان ماغيروها بقصد غلطوووووووا بها >>هع هع

والله ياهي قصه مسليه ....هههههه
والله ياصاحب الصيانه بريء وماكان قصده !
رمانسي ..كيف الحال ؟ ههههههه

[طمووح انثى]

المشاهده 60 والردود 4 ...

الاهم لاتثقون في اي محل ولازم يابنات تشيلون البطاريه قبل تودون الجهاز

[ابو ريما الخالدي]

الله يكون بالعون الصراحة شي يقهر
وعملي هو راح أتحسب عليه وربي يمهل ولايهمل
ولو المسألة مسألة مدأ يد وأخذ الحق بالايادي كان أزهليها

[نجــــديه]

عزيزتي إذا كان نوع جهازك
Dell
فلا تتعبي نفسك
كل اللي محمولهم من النوع هذا عندهم نفس المشكله
حتى لو البطاريه أصليه والجهاز جديد
عن نفسي اجهزتي الجديده كلها من
أكسترا ادفع قيمة الضمان
لكن صيانتهم روعه

[كوكتيل]

لو انا مكانك كان ارقام البطاريه طبعتهن بجبهته >>> شديد

تصير بأكبر العوايل .. وبالتوفيق لإبنة اختك

[عاشق الكلمة]

يمكن
البطارية أصلا تالفة وماتبين لك هذا
وبعدما جبتيها من المحل وجربتي صار اللي صار

ويمكن
صحيح البطارية تم استبدالها
وبدون مايدري الشاب اللي حلف بالله
وهذا سبب حلفه

وإذا
على تحمل صاحب المحل بطارية جديدة
فهو محاولة منه لعدم جلب المشاكل لمحله
وهذا لايجعله مسؤولا كما ذكرت ..

ويمكن ..
ويمكن ..

ويمكن
صحيح سارقينها ولما قفشتوهم
خافوا
وتحملوا بطارية جديدة ..

ولو أنا بمكانك
كان استغليت الموقف
وطالبت بجهاز جديد بقراطيسه ـ استغلال ـ

وبالنسبة للبطارية الجديد
فإذا كانت مغلفة وشحنها زي الأولى
فهي جديدة ..

أنواع الروقان ..

[طمووح انثى]

اقتباس:  المشاركة الأصلية كتبت بواسطة ابو ريما الخالدي     الله يكون بالعون الصراحة شي يقهر وعملي هو راح أتحسب عليه وربي يمهل ولايهمل ولو المسألة مسألة مدأ يد وأخذ الحق بالايادي كان أزهليها

الله يعطيك العافيه .. والله شي يقهر فعلا ..حسبي الله ونعم الوكيل

[طمووح انثى]

اقتباس:  المشاركة الأصلية كتبت بواسطة نجــــديه     عزيزتي إذا كان نوع جهازك dell فلا تتعبي نفسك كل اللي محمولهم من النوع هذا عندهم نفس المشكله حتى لو البطاريه أصليه والجهاز جديد عن نفسي اجهزتي الجديده كلها من أكسترا ادفع قيمة الضمان لكن صيانتهم روعه

حتى بهالمحل الصيانه علينا ! وسرقو البطاريه زياده يالله حسبي الله ونعم الوكيل

[طمووح انثى]

اقتباس:  المشاركة الأصلية كتبت بواسطة كوكتيل     لو انا مكانك كان ارقام البطاريه طبعتهن بجبهته >>> شديد تصير بأكبر العوايل .. وبالتوفيق لإبنة اختك

هههه والله ياليت من طبعهن بجبهته وفصله من المحل ..والله يستاهل العقاب!

[طمووح انثى]

اقتباس:  المشاركة الأصلية كتبت بواسطة عاشق الكلمة     يمكن البطارية أصلا تالفة وماتبين لك هذا وبعدما جبتيها من المحل وجربتي صار اللي صار ويمكن صحيح البطارية تم استبدالها وبدون مايدري الشاب اللي حلف بالله وهذا سبب حلفه وإذا على تحمل صاحب المحل بطارية جديدة فهو محاولة منه لعدم جلب المشاكل لمحله وهذا لايجعله مسؤولا كما ذكرت .. ويمكن .. ويمكن .. ويمكن صحيح سارقينها ولما قفشتوهم خافوا وتحملوا بطارية جديدة .. ولو أنا بمكانك كان استغليت الموقف وطالبت بجهاز جديد بقراطيسه ـ استغلال ـ وبالنسبة للبطارية الجديد فإذا كانت مغلفة وشحنها زي الأولى فهي جديدة .. أنواع الروقان ..

والله رهيب روقانك !

لكن ..

هو يحلف يقول انا مااخذتهاو وماسك الجهاز احد غيري ! يعني ماحطها في اي شخص من المحل !!

والبطاريه جديده وقت ماودتها بنت اختي للمحل كانت تشتغل عليها بالساعات بدون شحن ! ولما رجعت الجهاز صارت ماتشحن ولا دقيقه ! ......واضح انها مبدله وضوح الشمس !

هذا غير الدليل الي كشفه صاحب المحل ..ان رقم (البطاريه) يختلف عن رقم (الجهاز).........

>> فكره حلوه نطلب جهاز جديد ! يمدينا

[انتظرتك]

ذكرتيني الله يذكرك بالشهادة

جهاز اختي عند محل للصيانة

كود اتأكد من قراشيعه قبل ما آخذه منهم ,,

الدنيا اليوم مابها أمان

الذمة صارت مواطي بقر على قولتهم ,,,