هذه
الأبيات منقولة من قصيدة تحكي عن فراق صديق أن لم يكن خليل بسب غلطة بسيطة
فالقصيدة تقول لماذا لا تكون غلطة الصاحب ميانة وليست غلطة
والله اني كنت ألوم اللي يضيق إن غاب خله
لين جربت المحبه والفراق وقلت توبة
لعنبو جد المفارق فيه هم وفي ذله
واثر كل الحب لذة والفراق أكبر عيوبه
واهني اللي وسيع الصدر صدره وسع فله
غلطة الصاحب تجي واتروح ماهيب محسوبه
ليش تحسب غلطة الصاحب على الصاحب مذلة
ليش ماتحسب ميانة لوتجي عشرين نوبه
لاوربي كنت أحبه حيل مادورت زله
لاتشكك في غلاه ولاتساعد في هروبه
كان جابتك الحمية روح له تكفى وقله
لايخليني وأذا وده يخفف من ذنوبه
يستخير وله غلا قلب صدوق مايمله
فدوتن له كل قلبي من شماله لي جنوبه
ماسمعت إن الخوي له في الخوي تسعين زله
وانت طوف زلتي ياعل تفداك اللعوبه
صاحبي سيف الهجر لاصرت تقدر لاتسله
ماتظن العفو عند المقدرة أكبر عذوبه
ايه أنا اللي كنت ألوم اللي يضيق ان غاب خله
بس جربت المحبه والفراق وقلت توبه
أظن أنها للشاعر :: حمد السعيد
العرض الشجري