زعلان مع زوجته وتارك لها البيت ينام وحداني

[القلم الصريح]

دنيا مشاكل عويصة ماتنتهيش !!

صديقي الطيب ساكن في بيت بانيته زوجته وبسمها وله منها خمس اعيال بالابتدائي
خلا مراح البيت لزوجته !! وطلع وسكن بغرفة لحاله !!

السبب ياجماعة الخير يقول انها عيرته بانها تساعده وتشري لعياله وماسوت له قاصر
وكلمه منه وكلمه منها ويخلي لها البيت !!!!

يوم سالته قلت ليش تطلع وتنام بغرفة !! رد علي وقال تبيني اصبر الين تقولي اطلع من بيتي !!

قلت له يابن الحلال صل على النبي وشيء عادي ولا تكبر السالفه
كبرت شدوخك من العافيه وشرب لبن النوق .


قال أبد أبد والله لا اعرفها قيمتي وماارجع لين تعتذر لي بالجوال ولا برساله !!
يابن الحلال كذا مايصلح ولا تصير غثيث نكد تسوي من الحبة قبه !! كل الحريم احيانا مطفيات النور
واللي يحسب كل كلمه من الحريم هذولي ماعندك احد !!!
لاكن مافيش فايده ولا واردة !!


الرجال هالحين له خمسة ايام هاجر بيته وعياله وينام بغرفة مفروشة طبعا ببلاش أصل الغرفة مني أنا مقدمها له .


الرجال مااحد يعرف عنه شي من اهله سكتم بكتم !!


وش اسوي ياناس والله كسر خاطري حاله !! وحيد ينام !! وعياله كسروا خاطري وحيدين ينامون !!!

يعلمني يقول يروح أمر عيالي واعطيهم طلباتهم ويقولون لي وينك بابا ليش ماتنام عندنا ولا تقعد عندنا !!!


طيب واذا ماتصلت أم جديلة واعتذرت الامور تبي تبتل !!


اروح لمين على شان أساعده في حل المشكلة !!
قولوا لي وش اسوي ياهل الخبرة والراي من الرجال والحريم .
هل تصرفه سليم !!! ولا غلط ويحتاج تدخل جراحي من اهل السنع .

ملاحظه

اللي ماعنده خبره وراي في هذي الامور ياليت ينقطنا بسكاته ترى مشكلتي
مو مختبر تجارب لكل من هب ودب.

[الأرجوانه]

يعني نسكت لين نعرس .. ؟
هههه

[القلم الصريح]

اقتباس:  المشاركة الأصلية كتبت بواسطة الأرجوانه     يعني نسكت لين نعرس .. ؟ هههه

اليوم مرسله له رساله تقول ان كنت تبي تطلقني علمني على شان نتحاسب !!!

بس مارد عليها

الارجوانه صدق اللي رجله بالجمر مو زي اللي رجله بالماء اشوفك تكركرين .

[القلم الصريح]

الذين يشاهدون محتوى الموضوع الآن : 5 ( الأعضاء 5 والزوار 0)
‏القلم الصريح , ‏•» سُلِّطـآَن الْغَرَآم «• , ‏قـتـالـه , ‏ااااه


اللهم زد وبارك وعسى الله مايخليني منكم ياربعي وسندي بالشدة

[قـتـالـه]

اقضب العلم تراها مب متصله ..
الحين الحريم يدورن الساعه اللي يفتكن فيها من الشهبان ,,
ولايحتاجنهم الا علشان المأوى < ياقدم المأوى من زمان ماكتبتها!
وهذي امورها مرحره مادياً وجابت كحشة عيال
وانتهى دور الاشهب الله لايهينوه وكثر الله خيروه !
لو هو ماينجاز بلياه كان لحقتوه برجولها مو بس رسالة جوال !
تسني عندهم انه طبله ومايعرف يحتسي كلمتين زينات
بعدين راعيات البيوت يبن معامله خاصه مو حيالله
خله عندك ياكل ويشرب لين ينسنس عليها الحنين ولكل حادث حديث ..!

[القلم الصريح]

اقتباس:  المشاركة الأصلية كتبت بواسطة قـتـالـه     اقضب العلم تراها مب متصله .. الحين الحريم يدورن الساعه اللي يفتكن فيها من الشهبان ,, ولايحتاجنهم الا علشان المأوى < ياقدم المأوى من زمان ماكتبتها! وهذي امورها مرحره مادياً وجابت كحشة عيال وانتهى دور الاشهب الله لايهينوه وكثر الله خيروه ! لو هو ماينجاز بلياه كان لحقتوه برجولها مو بس رسالة جوال ! تسني عندهم انه طبله ومايعرف يحتسي كلمتين زينات بعدين راعيات البيوت يبن معامله خاصه مو حيالله خله عندك ياكل ويشرب لين ينسنس عليها الحنين ولكل حادث حديث ..!

قتاله طينت والدين السالفة وسدت بصيص الامل !!

ياقتالة صلي على النبي . فال الله ولا فالك ؟

[القلم الصريح]

والله العظيم هو الحين نايم الحاله وحيد في ظلام الليل !!
وعياله في هذا البرد نايمين الحالهم وحيدين في ظلام الليل !!

[انتظرتك]

والله الواحد مايدري لمين يسمع
ناس يقولون لاتتزوج الا موظفه علشان تساعدك
وناس يقولون لا تقرب للموظفه علشان ماتذلك !!

[عاشق ديرتي بريده]

ياويلي كني اشوف دب وله شدوق هو وكشرته ومن زين الأمور نيم عندك لأنه ابلاش

رفيقك تعود على البلاش

قلم صريح اطرده من عندك وشرط يرجع لزوجته ورجله فوق رقبته

بعد بعد شين وقوي عين الدبي

قله ارجع علشان عيالك وقبل ترجع كل جرجير خخخخخخخخخخخخخخخخ

[القلم الصريح]

الذين يشاهدون محتوى الموضوع الآن : 6 ( الأعضاء 5 والزوار 1)
‏القلم الصريح , ‏أبو دجانة , ‏الأرجوانه , ‏عاشق ديرتي بريده , ‏ااااه

مادري عندي احساس ابو دجانة بيجيب لي الحل اسمه كذا مليان .

من غير قصور بااااااه وعاشق ديرتي اما الارجوانة قضينا منها

[الأرجوانه]

اقتباس:
المشاركة الأصلية كتبت بواسطة القلم الصريح




اليوم مرسله له رساله تقول ان كنت تبي تطلقني علمني على شان نتحاسب !!!

بس مارد عليها

الارجوانه صدق اللي رجله بالجمر مو زي اللي رجله بالماء اشوفك تكركرين .

يممه ذي ماعنده وقت .. !!!
,
ذي شكله اصلا مغسول وجهه بمرق المفترض تروح ترضيه تقوله هالكلام ..
والمشكله له عيال منه !!
,
اتوقع كرامته ماتسمح يروح يعتذر لو مهما اقنعته ..
لأنه لو هي ماارسلت له الرساله كان ممكن يروح يعتذر ..
لكن يوم ارسلت اكيد بتقول ايه يوم قلت نتحاسب رجع يتعذر..
وذي اصلا مووب وجهه وآحد يعيش معه اذا هي قالت هالكلام الـ زوجه !
احسن له ينسحب من هالمره !
بس البلشه العيال وين يروحون !! ..

[عازفة ألحان الليل]

اكيد هناك سبب حتى (تعيره )

لا أعتقد أنها عيرته هكذا بدون سبب

وإذا عرف السبب بطل العجب..

[الأسترليني]

مراحب صريح ..

دخلة سريعة لسواد عيونك ..

شف واضح رفيقك حبيب و رومانسي بزيادة و راعي زعل و راعي رضى ..

المهم خويك نموذج اندونيسي يحب ياكل من عرق المره ..

و النموذج الاندونيسي منتشر بكثرة من زمان ولا ودي اطول بالجزئية ذي كثير اخاف اغوص لايام الحريم اللي يجبن الماء من الغدير و الرجال ما غير متسلقي مع فيحان عند الشبة ..

الحل ..

خذ جوال خويك و ارسل لزوجته رسالة حلوة و فيها رضاوة بسيطة و راح ترسلة رسالة حلوة و قله قم زوجتك ارسلت لك رسالة و انتهينا ..

بس انتبة ..!!!

لا تنسى تمسح رسالتك من صندوق الصادر ...!!

و لا اقول خلها بالصادر خويك شكله حبيب

[القلم الصريح]

اقتباس:  المشاركة الأصلية كتبت بواسطة عاشق ديرتي بريده     ياويلي كني اشوف دب وله شدوق هو وكشرته ومن زين الأمور نيم عندك لأنه ابلاش رفيقك تعود على البلاش قلم صريح اطرده من عندك وشرط يرجع لزوجته ورجله فوق رقبته بعد بعد شين وقوي عين الدبي قله ارجع علشان عيالك وقبل ترجع كل جرجير خخخخخخخخخخخخخخخخ

لا مانام عندي بالبيت أنا مقدم له استراحة فاضية .
لا والله ماطرد رفيقي لو على موتي !!

عيني له فراش ولحاف المكان مكانه واتشرف يوم اخدم رفيقي .

[القلم الصريح]

اقتباس:  المشاركة الأصلية كتبت بواسطة الأسترليني     مراحب صريح .. دخلة سريعة لسواد عيونك .. شف واضح رفيقك حبيب و رومانسي بزيادة و راعي زعل و راعي رضى .. المهم خويك نموذج اندونيسي يحب ياكل من عرق المره .. و النموذج الاندونيسي منتشر بكثرة من زمان ولا ودي اطول بالجزئية ذي كثير اخاف اغوص لايام الحريم اللي يجبن الماء من الغدير و الرجال ما غير متسلقي مع فيحان عند الشبة .. الحل .. خذ جوال خويك و ارسل لزوجته رسالة حلوة و فيها رضاوة بسيطة و راح ترسلة رسالة حلوة و قله قم زوجتك ارسلت لك رسالة و انتهينا .. بس انتبة ..!!! لا تنسى تمسح رسالتك من صندوق الصادر ...!! و لا اقول خلها بالصادر خويك شكله حبيب

حل حلووووووو وقبل شوي دخل البقالة وجواله كان موجود بالسارة اصله ماينزله
دايم يخليه بالسيارة لما ينزل
ممكن بكرة يمرني واقوله ابي شيء من البقاله وارسل الرسالة

مارايح انفذ الفكرة ااذا صوت عليها اكثر من واحد لانها خطيرة جدا اذا مانجحت
الله يعافيك استرالي قدمت شيء