ان ماجاء الحب من اول نظره فاغسلوا ايدكم للابد .

[القلم الصريح]

من كلام الاولين الخرطي قولتهم الحب يجي بعد العرس؟؟ وماعلى الزوجة والزوج ان مالقوه اول ليله الا يقعدون على عتبة الباب يتحرونه؟؟؟
سالت الحفيدة أم 20 سنه جدتها وقالت جده جده جده صحيح ان الحب مايجي الا بعد العرس قالت الجده وهي ماسكه عصاها ابو عروه وشعرها قالب ابيض.....
يابنيتي يوم اخذت جدك قالت لي امي ان الحب يجي مع الايام وهالحين يابنيتي
وصل عمري 80 سنه ولا شفت لا حب ولا زوله .

بلاش هك وتخديرولعب على الناس الحب نظره واعجاب من اول ماتحط عينك بعينه
وان كان ماجاء في اول نظره من اول شوفه اغسلوا ايديكم تشفونه حتى لو مددت اعماركم عشر سنواات اضافيه فوقــــــــــــ 100 عام .

صح رايح تمشي حياتكم على طريقة طقها والحقها رحمه واحترام وحلتيت ورشاد
وصبر على المره والحلوه لكن من غير عشق وحب اللي هو روح الروح لليالي
المقبلات .

[ليلـ]

سـلم سلـم ولاتتـكلم أغمـزلي بعينـك
خل النظره من جوى لجوى بيني وبينك
،’
’،
،’،’
’،
،’
الحب يأتي بعد العشره والأيام واللحظات الحلوه
فأن لم يأتي بعدها فـ أبغض الحلال ..أفضل الحلول.

[قـتـالـه]

ربعنا مايفرقون بين الحب اللي يخلي القلب يرقع رقع المكينه ,,
والتآلف الحاصل بعد ترليون سنة زواج ,,
بس وينك يالحب هذانا نتلفت ماحولنا الا العويرا والزويرا
وزمن السنوات العجاف .. وان جازلي واحد واثروه تسذوب نهوب!

[دِيم]

المجلس خضر الليلة .. هه

,



أنا موقنة تماماً أن الحب الحقيقي يحصل لك مرة واحدة في حياتك ..

[البـــBADERـــدر B.D.Q]

القلم الصريح

انا اوافق ديم .. ان الشخص اذا حب في حياته مره صعب ونادر جدا تتكرر هالمرحله

والي صاير بين الزوجين هي الفه ومعزه واحترام لكن ماوصلت الى الحب

[القلم الصريح]

اقتباس:  المشاركة الأصلية كتبت بواسطة ليل التجافي     سـلم سلـم ولاتتـكلم أغمـزلي بعينـك خل النظره من جوى لجوى بيني وبينك ،’ ’، ،’،’ ’، ،’ الحب يأتي بعد العشره والأيام واللحظات الحلوه فأن لم يأتي بعدها فـ أبغض الحلال ..أفضل الحلول.

مشكلتنا مثل ماقالت قتالة مانفرق بين الحب والعشق اللي يخلي القلب يرقع
رقع المكينه والعين تسابق كلمة اللسان ناشيه وطربانه وبين الالفه والمعزه
الله يسهل دربك اخوي ليل

[القلم الصريح]

اقتباس:  المشاركة الأصلية كتبت بواسطة قـتـالـه     ربعنا مايفرقون بين الحب اللي يخلي القلب يرقع رقع المكينه ,, والتآلف الحاصل بعد ترليون سنة زواج ,, !

اذا قالت حذام فصدقوها .. فان القول ماقلت حذام
الله يسهل دربك .

[القلم الصريح]

اقتباس:  المشاركة الأصلية كتبت بواسطة دِيم     المجلس خضر الليلة .. هه , أنا موقنة تماماً أن الحب الحقيقي يحصل لك مرة واحدة في حياتك ..

المجلس خضر بك ياديم وماهوب دليل مره وحده الحب مشاعر يعيش مع النفس
مانبض فيها شريانها دم .

[القلم الصريح]

اقتباس:  المشاركة الأصلية كتبت بواسطة البـــbaderـــدر b.d.q     الي صاير بين الزوجين هي الفه ومعزه واحترام لكن ماوصلت الى الحب

فكرتك وصلت البدر 14 في ليلة ربيع .

[عازفة ألحان الليل]

طيب لي نفرض ان الحب من اول نظرة

وبعدها ننصدم من أخلاق المحبوب الغير سويه

وبعدها اتعذب وياه لا انا قدرت ابتعد عنه ولا انا قدرت اعدله لأنه عنيد

بهذه الحالة هل النظرة الأولى كافية أو غير كافية ؟

[عاشق ديرتي بريده]

وش الحب اللي يتكلمون عنه واذا طنت برأس الواحد راح يتزوج ثانيه !!


وبعدين كلام الشيبان صحيح

كم واحد وواحد بالدوام والشارع شفتهم باول نظره وحامت سبدي ومع الوقت اكتشفت اني غلطان

وصار من الناس الغالين علي

[قـتـالـه]

اقتباس:  المشاركة الأصلية كتبت بواسطة شمس الصباح     طيب لي نفرض ان الحب من اول نظرة وبعدها ننصدم من أخلاق المحبوب الغير سويه وبعدها اتعذب وياه لا انا قدرت ابتعد عنه ولا انا قدرت اعدله لأنه عنيد بهذه الحالة هل النظرة الأولى كافية أو غير كافية ؟

ومن قالتس تحبين واحد منحرف
شوفي ياحيي لو تحبين كربه كان شفتيها شجرة فل وجوري بلدي ,,
الحب يخليتس تحبين صفاته الشينه قبل الزينه
بعدين وش نظرته .. احياناً تحبين فلان من كلام يقولونه عنوه
عندتس انا مثلاً حبيت القذافي من كتاب قريته فديت شوشتوه

[نهوله]

انا اشوف انه احيانا من اول نظره والغالب بزواجنا التقليدي انه يجي بعد الزواج
ولا تقول احترام ومدري ايش لا والله حب وعشق وكل شي بس ملاحظه الحب بيجي باول العرس يعني من اول شهر لكن ان ما جاء بالشهر الاول عليه السلام
كلامي من تجربه,,

[عازفة ألحان الليل]

اقتباس:  المشاركة الأصلية كتبت بواسطة قـتـالـه     ومن قالتس تحبين واحد منحرف شوفي ياحيي لو تحبين كربه كان شفتيها شجرة فل وجوري بلدي ,, الحب يخليتس تحبين صفاته الشينه قبل الزينه بعدين وش نظرته .. احياناً تحبين فلان من كلام يقولونه عنوه عندتس انا مثلاً حبيت القذافي من كتاب قريته فديت شوشتوه

اساسا هي النظرة الأولى الي تخليك

ماتشوفين صفاته الشينه مثل المسحورخخخ وبعدها تبين تكتشفين (حاجات متلتلة)<<

[قـتـالـه]

اقتباس:  المشاركة الأصلية كتبت بواسطة شمس الصباح     اساسا هي النظرة الأولى الي تخليك ماتشوفين صفاته الشينه مثل المسحورخخخ وبعدها تبين تكتشفين (حاجات متلتلة)<<

وه يافديت الحاقات المتلتله اللي ابلاقيها باللي احبه
بلاتس ماجربتي .. آعنبوا بليستس صرنا نتمالح الشوش والعراده عقب القذافي