ايهم اهم المرأة او السيارة ؟

[يركدون]

معليش سؤال يمكن البعض يشوفه غبي

بس تراه حقيقي وواقعي في هذا الزمن


اللي صار فيه كل شي صعب حتى

الزواج يبي مصاريف طويلة عريضة

واخر شي به ينجح وبه يرسب

السؤال

لو جمعت مبلغ من كدح وكديح

وشغل تعب ومشاوير وبيع وشراء

وصار يجيب سيارة في بالي

هل اشري السيارة واجمع للزواج

او مثل ماقترح

علي شخص عزيز يقول تزوج بهن

وخل السيارة اجمع له مره ثانية ؟

انا

اخاف اتزوج ويطير شقاء عمري
ببلاش لو ماتوفقت وهذا كثيرصاير بذالزمن

وساعتها لا طلت بلح الشام ولا عنب اليمن

وابقضي العمر حسرة وندم

مع ان السيارة مهمه لانه تساعدك

بتقضيه الحوايج وتساعدك بمواصلة

السعي ورى الرزق

ترى السيارة مهوب الي بالتوقيع هه

[طقاقة بدون مايك]

لا وش لك ب العرس و همهـ

همآ هم الضرس ولا هم العرس


مصآريف و مسؤليآت ووغدآن وجب وود وهآت وتعآل و خذ وليش م جبت هذآ وليش م وديت ذآك وحرآتيت وهكآكآ و هكيكآ وهكوكآ وكوكوكآ...إلخ


تسآنك ب شوري بس

آشر لك بنتلي تحبه تسبدي وآنطلدز به رح جخ به بس


/

يركدون مدري والله شئ رآجعلك

آنت وش ودك

سو الي ودك

محد غآصبك ع حاقة

[يركدون]

اقتباس: لا وش لك ب العرس و همهـ همآ هم الضرس ولا هم العرس مصآريف و مسؤليآت ووغدآن وجب وود وهآت وتعآل و خذ وليش م جبت هذآ وليش م وديت ذآك وحرآتيت وهكآكآ و هكيكآ وهكوكآ وكوكوكآ...إلخ

اوووف كل هذا يصير بالعرس اجل قضينا ناخذه من قاصرة

شكرا والله يزيدك علم وينفع بك العباد والبلاد

[عاشق ديرتي بريده]

قال رسول الله صلى الله عليه وسلم يا معشر الشباب من استطاع منكم الباءة فليتزوج؛ فإنه أغض للبصر وأحصن للفرج ومن لم يستطع فعليه بالصوم فإنه له وجاء ) متفق عليه.

لا قول بعد قول الرسول صلى الله عليه وسلم

[يركدون]

اقتباس:  المشاركة الأصلية كتبت بواسطة عاشق ديرتي بريده     قال رسول الله صلى الله عليه وسلم يا معشر الشباب من استطاع منكم الباءة فليتزوج؛ فإنه أغض للبصر وأحصن للفرج ومن لم يستطع فعليه بالصوم فإنه له وجاء ) متفق عليه. لا قول بعد قول الرسول صلى الله عليه وسلم

اللهم صلي على نبينا محمد وعلى اله وصحبه وسلم

اتعبتن ياعاشق مابعد هالكلام كلام

شكر الله سعيك

[فسقــان]

السيـآره تسـآفر به توصلك للمشوار الي تبي
السياره به مسجل تصكه وتشغله متى ما بغيت مه مثل المره على طول شغال مسجله
السياره تكشت به ... تشيل عليه ...
والاهم لصرت داج : تكس على السياره بالخبيب
بالسيـآره به بوري تسلام به وترد السلام وبدال الجوال تشربك عند باب البيت
{ طوط بيب طوط ... طخ <- هالاخيره مهب صوت بوري هذا واحد صدم الي قدآمه بالزحمه

المراه ...
تصونك .. تفرخ لك
ترعاك قبل عيالك ... وتحفظ بيتك وتطبخ لك
لجت المره تشري بدال السرير ابو نفر .. تشري نفرين .. < نفرين وراه كبسبة بخاري
ويطالب السعاده والهنـآء .. بالزوآج والله تهتني .
دلاله على كره الطلاق وعظمة الزوآج .. قال الله تعالى { ان ابغض الحلال عن الله الطلاق }
كما قال الرسوال صلى الله عليه وسلم { الزوآج مفتحه لرزق

من شراء سياره وفضلها على المراه
كا الذي يفضل الدجاج على اللحم


من هنا وهنـآك
صوت البوري يعكر المزآج ... صوت المراه تضبط المزآج
لشفت المار دقيت بوري ... لشفت المراه قلبيك يدق بوري
السياره تطب فيها مطبـآت صناعيه .. المراه العكس

[قـتـالـه]

اسعار السيارات كل مالهن بارتفاع
اكره سياره بالوجود
GL غماره سعوديه 2011 ب67
اجل وش نقول عن الباقيات !

اما النساوين
في هذه البقعه المشرفه وتبعآ لأيسرهن صداقآ
تلقى اطلق بنت ومن اطلق حموله بخمسين الف فقط

زبط امورك وشوف اولوياتك ونعين ونعاون :|

[يركدون]

اقتباس: من هنا وهنـآك صوت البوري يعكر المزآج ... صوت المراه تضبط المزآج لشفت المار دقيت بوري ... لشفت المراه قلبيك يدق بوري السياره تطب فيها مطبـآت صناعيه .. المراه العكس

ههههههههه احسن شي من هنا وهناك هو المضبوط

تسلم على هالسرد الجميل والشيق ليتك مطول اكثر

[يركدون]

اقتباس: اكره سياره بالوجود gl غماره

<< شرحك سرى يعني نفس الشعور

اقتباس: تلقى اطلق بنت ومن اطلق حموله بخمسين الف فقط

هذا اللي عند العتبة طيب والباقي وين راح يبي كثرهن مرتين

اقتباس: زبط امورك وشوف اولوياتك ونعين ونعاون :|

يالله ترزقه من واسع فضلك ياكريم اجل حولك عونه ايه هذا الكلام السنع

[امرؤ القيس]

دوّرلك مركب حلو على مزاجك وتوكل على الله

[عذبـــــة]

ياويلييييه لو تحط فليساتك بسيارة بميتين الف وبس ملبقها وتناظرها .. وتبدا تمسحها بكمومك وشماغك من الطفه ..
ويجيك ذاك الافغاني اللي راكب داتسن ومحمل حديد بصندوقه ويمشي مية وعشرين ويلحّم في هالسيارة اللي انت بس تناظرها ..
وقتها بتلعن الساعه اللي اشتريت فيها سيارة .. وتبي تقول ليتني على التيرسل حبيبة القلب .. مالنا ومال اللكازس ..
شوري عليك حط فليساتك بحرمه تطير فيك بالسماء وتجيب لك كم بزر طعيمين يطيرون عقلك ..

[مهندس الكلمات]

خذها نصيحه مني أشر سياره قبل ترتفع اسعار السيارات والا المره ملحوق عليها البيوت مليانه بنات

[عذبـــــة]

اقتباس:  المشاركة الأصلية كتبت بواسطة قـتـالـه     زبط امورك وشوف اولوياتك ونعين ونعاون :|

ياحيي انتي سددي اللي عليك بعدين عيني وعاوني ..

[يركدون]

اقتباس:  المشاركة الأصلية كتبت بواسطة امرؤ القيس     دوّرلك مركب حلو على مزاجك وتوكل على الله

جزاك الله خير على هالشور

[يركدون]

اقتباس:  المشاركة الأصلية كتبت بواسطة عذبـــــة     ياويلييييه لو تحط فليساتك بسيارة بميتين الف وبس ملبقها وتناظرها .. وتبدا تمسحها بكمومك وشماغك من الطفه .. ويجيك ذاك الافغاني اللي راكب داتسن ومحمل حديد بصندوقه ويمشي مية وعشرين ويلحّم في هالسيارة اللي انت بس تناظرها .. وقتها بتلعن الساعه اللي اشتريت فيها سيارة .. وتبي تقول ليتني على التيرسل حبيبة القلب .. مالنا ومال اللكازس .. شوري عليك حط فليساتك بحرمه تطير فيك بالسماء وتجيب لك كم بزر طعيمين يطيرون عقلك ..

ول على هالفال افغاني ومحمل كومة حديد يعني السيارة تبي تصير قصاصة هه

مهبول تصويرك قعدت اتخيل ميخالف كمومي وشماغي وقميصي وفنيلتي اهم شي احس بنشوة الانتصار هه

اقتباس: شوري عليك حط فليساتك بحرمه تطير فيك بالسماء

بسم الله سكنهم مساكنهم

لا يامعوده مابي تطير بي

وماظن تطيربي على مانسمع من الزوجات