يالله لو سمحت يالله لو سمحتي عطونا موقف محرج مر عليكم!!

[الحية الرقطى]

مساء الخيرات أو صباحه ..

يالله ياحلوين يالله ياحلوات كل واحد يعطينا موقف محرج مر عليه بحياته!

يالله أمانة ودنا نضحك ونستفيد لكي لا نقع بهذا المواقف مرة اخرى

أبدأ بنفسي على بركة الله:

قبل قرابة الـ 18 عاماً كان جدي رحمه الله أعمى البصر دخلت عليه محدثتكم الحية

الرقطى كاشخة بكامل أناقتها يوم العيد تبي تعايده

المهم

جت قالت له بالخير يبه ونزلت راسي أحب على راسه ولا مديت يدي وهو ماد يده حلو

أنا رحت يمين أبي أسلم على خالتي بجنبه قالت خالتي شوفي أبوك تعني جدي لأنه

مازال ماد يده يحسبني قريبة منه لأنه أعمى المهم رجعت أمد يدي له ابي أصافحه

يوم مديت يدي له رجّع جدي يده ما درى أني جيت !!!

وبقيت يدي ممدودة والكل يناظر وأنا بموقف لا أحسد عليه

رحم الله جدي رحمة واسعة.. بصراحة موقف ماراح أنسااااه

دمتم بود