فتاة عشرينيه تصرخ اريد حل (الفزعه يا اهل منتدي بريده)

[المبصر]

باختصار يا اخون كتبت موضوعي (شخصية الفتاه التافهه ) في احد المواقع فجاء هذا التعليق

احببت ان اخذ (رأيكم ) في هذه المشكله

تقول صاحبة المشكله


اسفة على ازعاجك في هذه الرد ماقدرت ارسل رسالة خاصة ويعلم الله اني ماسجلت في هالمنتدى الا بعد ان قرأت موضوعك الشخصية الفتاة المظهرها لنفسها



انا اعاني من هذه المشكله والله اني استحقر نفسي احيان بعد مااغلط باامور اقول وين عقلي وقتها وربي مابي اكون كذا ابي اصير انسانة
ارقى مابي اغري الرجال صدقني لا اراديا احيان بس اشوف رجل جالس اتعمد امشي بدلع امامه فقط لمجرد اغراءه وليس لتعارف او امر اخر استمتع في هالامر والله اني تعبت ارجوك ابي افهم نفسي وش فيني .....علما اني عمري 29 وماتزوجت للان واعاني من هذا الامر بعد ان تورطت بعلاقة حب ست سنوات وورحل عني وخلاني من بعدها بدات اسوي هاالامور ....

أخيرا ارجوك لا تهمل ماكتبت اريد المساعدة والله يكتبها في ميزان حسناتك

اختك انسانة لا اكثر

وانا اطرح المشكله بين ايديكم فاعطونا رأيكم في هذه المشكله

[شهــــــــــــــــــد]

هذي مقصره مع ربه ويآطعم الوحده لاعآنقت سجآدته
الله يهديه ويفتح على قلبببه ماله منـَآ غير الدعوآت :!@

[ذبحكـ الحزنـ]

تتزوج والله يوفقها وتنسى اللي تسويه.

[طقاقة بدون مايك]

الله يسلمه و يسلمن آتحآول تشغل وقت فراغه ...

تشغل فكره ب اشياء مباحة

مو ب الضرورة تكون مفيدة

بس ع الاقل مباحة

عشان تبعدة فكرة انه

انا الانثى
آنا المغرية
آنآ الفاتنة


عقب عاد تبدا تقول

انا الغبية
انا الساذجة
آنا التافهة



:كآنهآ تقول انه اي فتآة لم تترتبط إذن هي فيها هاذي الهلاوس او الافكآر..آو انه هذا السبب الرئيس؟


مآ رئيك آنت ؟

[هلاوين]

اعتقد سبب هذا حرمانها

من حنان الام ، وعطف الاب

فهي تريد اثبات ذاتها بحركاااااتها.

[هلاوين]

اقتباس:  المشاركة الأصلية كتبت بواسطة ذبحكـ الحزنـ     تتزوج والله يوفقها وتنسى اللي تسويه.

ومن بغت الزواج حصل له >> انا رجااال ماحصل للي ههههه

الله يرزقها ويرزق بنااااات المسلمين.

[أنا لها]

اقتباس:  المشاركة الأصلية كتبت بواسطة هلاوين     الله يرزقها ويرزق بنااااات المسلمين.

آآمــيـن ,,


تـشـكــــــــرآآتـ....

[التحليل الحقيقي]

وليش تخرج من البيت أصلا
عليها ان تقلل من خروجها
أيضا
يبدو أنها لا تقرأ .. القراءة متعة كبيييرة
عليها أن تشغل وقتها بالقراءة وبأعمال الخير
عندما تتذوق عمل الخير ستجد متعة تفوق متعة الإغراء
وعليها الالتحاق بحلقة تحفيظ
والله يسترها ويتوب عليها

[زهرة حزينة]

طبيعي عند بعض البنات تبي تسمع كلمة تعجبه لو من بعيد

[مستقل]

اقتباس:  المشاركة الأصلية كتبت بواسطة المبصر     ا واعاني من هذا الامر بعد ان تورطت بعلاقة حب ست سنوات وورحل عني وخلاني من بعدها بدات اسوي هاالامور .... أ

اعتقد في رائيي ان هذا هو السبب في تصرفاتها ^^

فتجدها تحاول ان تثبت لذاتها وكينونتها انها لازلت فاتنه مغرية للرجال

بحيث تثبت ان البلاء باللي حبته مهب البلاء منها ...

هذا رائيي واشكر لك عزيزي المتألق دائما المبصر طرحك الرائع

للمواضيع الهامة المستفاد منها حفضك الباري وزادك من علمة

[قـتـالـه]

ياعزيلي عنها الانثى . .
حتى لو ماانتقمت هي .. عقلها الباطن ينتقم لجرحها
حبيبها غادرها لأخرى
وهي تسلب آخر من انثاه لو بعض لحظات . . !

ليتها تتجاوز الجرح
بأي طريقه تناسبها
وتمضي فالايام لاتتوقف عند مكربة احد

ولو كنت محلها سأبكي قرابة الشهرين ولاتكفي حدادآ
على سنوات مضت معه ..
بعدها سأتخلص من ذكرياته معي
وأوقاته . .
الموت بالاوقات اللي انا متعوده اكون فيها معه

ويمكن ابتعمد كره الرجال كره مؤقت < بس شوي مااقدر اتحمل :|

ليتها حولي بس !

ابقولها شي ولاودي احد يسمعوه :|

[عاشق ديرتي بريده]

مجرد الاعتراف بالخطاء شي جميل وبداية التوبه

قلها تكثر من قراءة القران وتترك الاغاني وسوف تجد نفسها في حياة جديده

ودك تقول انا ماسمع اغاني والله يانا ببلش خخخخخخخخخخخ

[يركدون]

جزاك الله المبصر على مواضيعك الهادفة

هذي سلمك الله تعاني من حالة نفسية يعني مرض نفسي وكثير امثاله ويمكن
تحصل الي يردون ويعطون راي يعانون من نفس المرض بس من غير مايحسون

المرض النفسي مهوب لازم يصير واضح مثل الاكتئاب او الانفصام او القلق والي

يحتاج علاج ويكون واضح وكل شخص يلاحظه

لا ممكن يصير مرض نفسي ماحد يحس فيه ويصير غصب عن الشخص لاشعوريا يسويه

مثل اذا انحرج قام يتثاوب او يطقق اصابعة او يتلعثم كل هذا امراض نفسيه

غصب عن الواحد وصعب انه يتخلص مها بسهوله الا بجلسات مطوله وشغل

متقن مهوب بكلمتين تنحل مثل هالمشاكل مثل الي يقول تقراء قران او تقراء

كتب او غيره هذي سواليف مهيب حلول

وانا برايي تحوله على السيدة قتالة

اقتباس: ليتها حولي بس ! ابقولها شي ولاودي احد يسمعوه :|

على انك بعض المرات تشوف انه مدحدرة وقلبه ممخور من كل العشق

بس وقت الجد جد حولها عليها

واذا فيه صعوبه ماله الا تشوف مستشارة نفسية على مستوى

مهوب هالنصابين الي يقالهم مستشارين والخوف من بعضهم


اما بالمنتدى منتب لاقي غير الضعوي

[اخت الفهد]

من رجع الى ربه ماندم

[أحتآجه وأجهل مكآنه]

.



هالاناثي مشكله !
ياكثرهن اللي زي هالجنس
اذا شافت ذكر بدات تفشفش
نساله الله السلامه والعافيه لنا ولها