هذا ما ألم بي البارحـــــــة ... ؟

[فتاة غير]

بسم الله الرحمن الرحيم

السلام عليكم ورحمة الله وبركاته

:::

ولله الحمد والمنة تووي اصحصح عقب أمس

المهم الله يسلمكم كان فيني أمس زكااام ومنهد حييييلي ومالي خلق أتحرك

قلت خلووني أقيس درجة الحراة

واجيب الجهاز واقيس أثرها مرتفعة الى 38

انهبـــلت قلت واضح انها مرتفعة لاني طاايحة ولا اتحرك ولا اشتهي الاكل

واقوم لكم أترشش بماااء < انصليت تحت البزبوز

وارجع أقيس أغديه خفت بعد المويه

أثرها مرتفعة الى 40

وزااادت الدوخة وانكتمت بالحيل وصرت ارجد ..قلت: ودوون للمستشفى دخت دخت ابطيح منكتمة

وارجع اقيس اثرها الحمدلله 38

وحفت الدوخة والكتمة مررة

واروح اترشش واكل فيفادول وخفت الحمدلله

وارجع أقيس اثرها واصلة الى 40 وجتني الدوخة والكتمـــة

واصيح يمه يمه دقي ع فهد < اللي هو اخوي .. يودين للاسعاااف قلبي يدددددددق وابطيييح وداايخة

وتنهبل امي وترششن وتعطيني فوار ع بال مايجي فهد

واقيس اثرها الحمدلله واصلة 38

وخفت الدوخة والكتمة وهديــــــت

قلت خلوا أجرب الجهاز باختي ـ واحطه فيها يوم انه طلعت درجة حرارتها 40

واجرب فيها ثانية طلع 37

وقلت لامي تجرب طلعت 38 وجربت ثانية طلع 40

صار الجهاز خربــــآن

ولا ارتفعت درجة حرارتي ولا شي

صارت الدوخة والكتمة اللي جتني وهــــــــــــــــــــم
كلها من الخوووف لاني يوم شفت الحرارة واصلة 40 انهبللللت وحسيت اني ادوخ وانكتم ولا اقوى أتنفس

وو إياكم والوهم ههههههههههه

...........


عاد هاا وش رايكم هل الوهم يلعب دوره بيننا نحن البشر؟

وهل تعتقدون أن هناك مرضى يعاااانون لكن في الحقيقة اللي فيهم وهم؟

[الفتى السمنسي]

الوهم مرض نفسي مثله مثل أي مرض نفسي آخر ..لكن في حالتك هذه ليس مرضا نفسيا بل عارضا .
تذكرت مقلب سويناه أنا وخمسه من الشباب بأحد اصدقائنا واتفقنا بمكالمات تليفونيه كل واحد يجي للإستراحه ويجلس ينظر لصديقنا (يوسف) ويقوله : عسى ماشر ..ورى وجهك كذا ومن هالكلام.
المهم اجتمعنا كلنا ويوسف بعد ماسمع كلامنا وملاحظاتنا صدق إنه فعلا مريض وخثرت عيونه .
وفي الأخير سوينا العشا وتعشينا وهو منسدح ومصدق إنه مريض .
الغريب في الأمر إننا ضحكنا وكشفنا له المخطط وقام فجأه زي الحصان وأخذ العقال يبي يضربنا وزعل علينا وراضيناه بعزيمه .
قال تعالى (إن الإنسان خلق هلوعا ..إذا مسه الشر جزوعا) .الآية

[فتاة غير]

اقتباس:  المشاركة الأصلية كتبت بواسطة الفتى السمنسي     الوهم مرض نفسي مثله مثل أي مرض نفسي آخر ..لكن في حالتك هذه ليس مرضا نفسيا بل عارضا . تذكرت مقلب سويناه أنا وخمسه من الشباب بأحد اصدقائنا واتفقنا بمكالمات تليفونيه كل واحد يجي للإستراحه ويجلس ينظر لصديقنا (يوسف) ويقوله : عسى ماشر ..ورى وجهك كذا ومن هالكلام. المهم اجتمعنا كلنا ويوسف بعد ماسمع كلامنا وملاحظاتنا صدق إنه فعلا مريض وخثرت عيونه . وفي الأخير سوينا العشا وتعشينا وهو منسدح ومصدق إنه مريض . الغريب في الأمر إننا ضحكنا وكشفنا له المخطط وقام فجأه زي الحصان وأخذ العقال يبي يضربنا وزعل علينا وراضيناه بعزيمه . قال تعالى (إن الإنسان خلق هلوعا ..إذا مسه الشر جزوعا) .الآية

حرام عليكم تسوون به كذا < مت من الضحك عليييه

أجل تميرض وصدق
خخخخخخخخخخخخخخخخخخخخ

لو اني مكانه ضاع وجهي

[رفيــع الشــان]

دايم المرض ما هو المرض العضوي
هو الوهم والخوف
واهم العلاج هو العلاج النفسي ومداء تقبله للمرض
الوالد فيه ضيق باحد الشرايين من اكثر من عشرين سنة
ما حاول يتعالج والحمد لله صحتة زينه
الى ما قبل اقل من شهر سائت حالته
كان دايما ينصحى اذا مرض احد انه يتقبل المرض بقلب مؤمن ويرضى بالقضاء والقدر
واحد من الزملاء فيه سرطان كنت خايف اني اقابله اول مرة
لكن بعد ما قابلته اعجبت بالشخص وبتقبله للمرض بإيمان

[الصيااد]

الحمد لله على سلامتك

صار المريض مقياس الحرارة

..............

[فتاة غير]

اقتباس:  المشاركة الأصلية كتبت بواسطة رفيــع الشــان     دايم المرض ما هو المرض العضوي هو الوهم والخوف واهم العلاج هو العلاج النفسي ومداء تقبله للمرض الوالد فيه ضيق باحد الشرايين من اكثر من عشرين سنة ما حاول يتعالج والحمد لله صحتة زينه الى ما قبل اقل من شهر سائت حالته كان دايما ينصحى اذا مرض احد انه يتقبل المرض بقلب مؤمن ويرضى بالقضاء والقدر واحد من الزملاء فيه سرطان كنت خايف اني اقابله اول مرة لكن بعد ما قابلته اعجبت بالشخص وبتقبله للمرض بإيمان

يازين الإيمـــــان والرضى بالقضاء والقدر

والله يشفي الوالد واللي فيه سرطان وجميع مرضى المسلمين

[bant tamim]

هههه ميته ضحكت عليك ياعمري ورحمتك...شوفي حبيبتي اذكر سمعت الدكتور طارق الحبيب يقول امراض هالوقت اكثره وهم وخوف ويقنع نفسه انه مريض وهو سليم معافى...اذكر جدي الله يرحمه يوم توفى زميله عقبها صار جدي يشكلى من امرآض لا حول لها ولاقوه واذا وده الوالد يقولون سليم مافيه الا العافيه ويقول لدكتور اسكت انت وش يعرفك وش احس فيه يمكن الموت قرب هههه وجلس ع هالوهم 3 سنوات...

[فتاة غير]

اقتباس:  المشاركة الأصلية كتبت بواسطة الصيااد     الحمد لله على سلامتك صار المريض مقياس الحرارة ..............

الله يسلمك

نعم هوو المريض ههه

[عزف الحقيقة]

الحمدالله على سلامتك يارعبوبه

والله شكلك تحبين نفسك قوه الله يخليك لروحك

..

بس الوهم قد يقتل بدون سلاح

فقد سمعت ان احد المحكوم عليهم بالاعدام

انه اطلق عليه عيار فاضي فمات !!

وكثير من الامراض سببها وهمي وخوف

لذا نرى الطب يحاول أن يتمتع المريض

بنفسية وروح عالية حتى حينما يمرض

تحيتي لك

[فتاة غير]

اقتباس:  المشاركة الأصلية كتبت بواسطة دلوعه بكيفي     هههه ميته ضحكت عليك ياعمري ورحمتك...شوفي حبيبتي اذكر سمعت الدكتور طارق الحبيب يقول امراض هالوقت اكثره وهم وخوف ويقنع نفسه انه مريض وهو سليم معافى...اذكر جدي الله يرحمه يوم توفى زميله عقبها صار جدي يشكلى من امرآض لا حول لها ولاقوه واذا وده الوالد يقولون سليم مافيه الا العافيه ويقول لدكتور اسكت انت وش يعرفك وش احس فيه يمكن الموت قرب هههه وجلس ع هالوهم 3 سنوات...

ياحبيلك حتى انا ضحكت ع نفسي ههه

الله يرحم جدك ويغفر له

اذكر واحد بقناة يقول 99 % من توقعات الإنسان لاتحدث

وحدة اعرفها طلع لها ورمة جنب الإبط وصارت نفسيتها مايحتاج لاتاكل ولا تشرب ولاتسولف مع ان المتشفى حللوا لها وماصار شين الحمدلله .. طلع زي الكيس الدهني

[شـــــادن]

.



ههههه الله يسعدك
الحمدلله انك دقيتي ع اخوك فهد ماطلبتوا الإسعاف اهون للفشيلة هه
بس ترى بعض الناس مايقتنع إن اللي فيه وهم يخليك تلمسين موضع الألم عشان تتأكدين وهو بالأصل مافيه شي
الحمدلله والشكر ع نعمة العافية

[محمد الهاجري]

قبل كل شيء الحمدلله ع السلامة وماتشوفين شر يالغالية....أنا أقول الوهم أحيانا يكون له دور بالموضوع ولكن هالشيء مايلغي الأعراض الواضحة على الشخص...بس شكلك تترشرشين بموية حارة والمقياس جاه الضغط!!!!....آخر آلامك إن شاء الله اختي الغالية...

[فتاة غير]

اقتباس:  المشاركة الأصلية كتبت بواسطة عزف الحقيقة     الحمدالله على سلامتك يارعبوبه والله شكلك تحبين نفسك قوه الله يخليك لروحك .. بس الوهم قد يقتل بدون سلاح فقد سمعت ان احد المحكوم عليهم بالاعدام انه اطلق عليه عيار فاضي فمات !! وكثير من الامراض سببها وهمي وخوف لذا نرى الطب يحاول أن يتمتع المريض بنفسية وروح عالية حتى حينما يمرض تحيتي لك

ليس حبا في نفسي

لكن خوفا من الموت وانا لم أقدم شي ينفعني
ههههههههه


الله يشفي مرضى المسلمين يارب

[زين نجد]

وهل تعتقدون أن هناك مرضى يعاااانون لكن في الحقيقة اللي فيهم وهم؟

نعم.. وما أكثرهم في هذا الوقت..!
هناك من يَرِدُ للمستشفيات ليس لمرض ٍ عضوي وإنما
مرضهم نفسي " يتوهم أنه مريض ".
وهذا يعود لأسبابٍ كثيرةٍ أهمها ضغوط الحياة وخاصةً الأسريةِ منها والمالية.
تقديري لكِ،،،

[فتاة غير]

اقتباس:  المشاركة الأصلية كتبت بواسطة شـــــادن     . ههههه الله يسعدك الحمدلله انك دقيتي ع اخوك فهد ماطلبتوا الإسعاف اهون للفشيلة هه بس ترى بعض الناس مايقتنع إن اللي فيه وهم يخليك تلمسين موضع الألم عشان تتأكدين وهو بالأصل مافيه شي الحمدلله والشكر ع نعمة العافية

اي والله .. كان يطيح وجهي هههه

الله يعافيهم واللهم لك الحمد على العافية ياااارب