قالتلي احب اخووك,,’’ طب انا شسوي اللحين

[ألمــاس]

اهلين
بدون مقدمات قلت لقريبتي انه اخوي راح يخطب فلانه
وتفاجئت فيها تبكي وتقول ليييش انا انتظره يخطبني رديت عني خطااب كثاار عشانه
انا احبه !!!
قالتلي حرام عليكم
انا اللي خاطبه لااخوي لان امي متوفيه الله يرحمها فما ادري كيف اتصرف
رحمتها بس شلي اقدر اسويه
اكلم اخوي بالموضوع ولا اسكت
طب هي ماقد لمحتلي بشي ولاجا ببالي

[امرؤ القيس]

قولي لخوك
يخليها الثانية والتعدد سنة من السنن

[A.S]

قيسي نبض اخوتس اول ممكن يأخذ قرآبه او لا =)

بعده شوفي رايه ببنات قريبات من عمره بشكل عام عدديهم وبعده هي .. والله يدبركم على الصالح

[ألمــاس]

اقتباس:  المشاركة الأصلية كتبت بواسطة امرؤ القيس     قولي لخوك يخليها الثانية والتعدد سنة من السنن

ياذا التعدد اللي ماخذ عقولكم
ذكرتني بممرضه فلبينيه وحده قالتلها بخطبك لعمي ( تمزح ) انهبلت الممرضه هي والثانيه اللي معاها قالوا لااا سعودي مافي كويس ( هورماا كتيير) يقصدن التعدد

[ألمــاس]

اقتباس:  المشاركة الأصلية كتبت بواسطة a.s     قيسي نبض اخوتس اول ممكن يأخذ قرآبه او لا =) بعده شوفي رايه ببنات قريبات من عمره بشكل عام عدديهم وبعده هي .. والله يدبركم على الصالح

فكره حلوه بقوله
الله يعيني

[يوسف ناصر]

متى ننضج ..
متى نستطيع التمييز بين الحب والزواج
الحب للحياة ..
والزواج للاستقرار والذريه ..
الذي يُفكر بأن يجمع بينهما
يخسرهم جميعاً ..

[جبل السكر]

اقتباس:  المشاركة الأصلية كتبت بواسطة يوسف ناصر     متى ننضج .. متى نستطيع التمييز بين الحب والزواج الحب للحياة .. والزواج للاستقرار والذريه .. الذي يُفكر بأن يجمع بينهما يخسرهم جميعاً ..

ممكن توضيح لاهنت
يلي فهمتو ان الحب ملغي نهائي ومايرتبط بالزواج

[ألمــاس]

يوسف تقول الزواج للاستقرار والذريه
فقط !
والحب ؟

[تركـي]

طيب سؤال لكي آنتي .. ياآخت القمر ..
ماخطر على بالك تسئلي قريبتك ..
على أي آساس حبت آخوك وردت الخطاب بسببه ..؟؟
يعني هناك علاقه بينهم ..
الآ اذا آخوكي لا يعلم ..
أو بحكم القرآبه علاقه بريئه ومعجبه فيه ..
لا بد من دراسة كل الجوانب من الطرفين اولا ..
قبل أن تفتحي سيره مع اخوكي وتصارحي قريبتك بذلك
لأنك مثل ماذكرتي أنتي مسئوله عن آختيار شريكة حياة آخوكي ولا بد
من تقصي الأمور قبل الآقدام على أي خطوه .. والا ..؟؟

[ألمــاس]

تركي
كيف بينهم علاقه وكل واحد بديره بعااد عن بعض
ومن وين راح تجيب رقم اخوي
مدري مستبعده هالشي وصعبه اسالهم

[شاها]

^^
تركي الله يهداك وش تسال يعني لازم احب شخص
يبادلني يالله والثاني يقول الحب غير آلزواج من جد ابنجلط


شوفي قمورة يابعد سبدي هي كسرت خاطري < متليعه
جد سوي اللي تقدرين عليه لآنه رآح تكون متعلقه فيه
شوفي النبض عند اخوك قبل .

[تركـي]

طيب ..

شلون ماتبي الا اخوك ..؟؟
وهم بعيدين عن بعض .. ؟؟

يوم هم صغار كانو يجتمعون ..؟؟


صاار تحقيق .. هه هه ..

[ألمــاس]

اقتباس:  المشاركة الأصلية كتبت بواسطة هوارة     ^^ تركي الله يهداك وش تسال يعني لازم احب شخص يبادلني يالله والثاني يقول الحب غير آلزواج من جد ابنجلط شوفي قمورة يابعد سبدي هي كسرت خاطري < متليعه جد سوي اللي تقدرين عليه لآنه رآح تكون متعلقه فيه شوفي النبض عند اخوك قبل .

انا بشوف عن اخوي ولو انها صعبه
ولا هي مستحيل اسالها
بالنسبه لرد يوسف من جد غريب
بسم الله عليك لاتنجلطين

[احمد النجم]

يمكن أخوك مشهور يأخت القمر
وش وضعه أخوك؟ مبدع بمجال معين مثلاً؟

وبعض البنات تتعلق ببعض المشاهير؟!

اخذت دور تركي بالتحقيق لانه جاء اتصال ههه!

[ألمــاس]

اقتباس:  المشاركة الأصلية كتبت بواسطة تركـي     طيب .. شلون ماتبي الا اخوك ..؟؟ وهم بعيدين عن بعض .. ؟؟ يوم هم صغار كانو يجتمعون ..؟؟ صاار تحقيق .. هه هه ..

امم ايه يجتمعون يوم كانوا صغار
عاد مدري اذا اخوي مسوي نفسه العاشق الولهان وصدقت البنت
اصلا هو لزقه فديته دايم يلعب مع البنات هو وعبودي صديق الطفوله (قلت قصة حياتي )