حبيت اطرح موضوع جيل البنات الجديد واللي سميته جيل بطاقة سوى المدفوعه...طبعا في البدايه احب اقول اني ما اقصد كل البنات ولكن هذه ظاهره منتشره في السنه الاخيره..كل بنت تاخذلها رقم سوى وطبعا يكون باسم هندي (( يا ذا الهندي المسكين )) وطبعا بالسر محد يدري عنه وتبدأ الشغل واللي هو :
1- توزع الرقم على خوياتها عشان تدرون الاحتياط واجب
2-طبعا مو معقول انها تشحن الرقم من فلوسها لانه ظلم مسكينه فالبركه في بعض الشباب الطيب اللي على نياتهم.. تدق دقه على رقم عشوائي واغلب الاحيان يكون مميز عشان تضمن انه مريش ويدق عاد هو يقول: الو؟؟؟
البنت: مرحبا
الولد: مرررمرحبتين الحمدلله الله يسلمك, وقلبه يسوي كذا ويقول بس شبكنا يا ولد
البنت: الصراحه في بنت عطتني الرقم هذا وقالت انك انسان اخلاق وطيب
الولد: من البنت هذه تدرين انا عرفت كثيييير, سسسسسسسييييو ططعععععع
البنت: لا ما اقدر اقولك لانها محلفتني
الولد: يالله مو مشكله ولا يهمك اهم شي انتي
البنت: هيء هيء هههاي
هنا الولد يفهي خلاص
البنت: خلاص كلمني اليوم طيب؟؟
الولد: اكيد ما يحتاح من عيوني الله يخليكي الله يسلمك سفره دايمه
البنت: اووو بس في مشكله !! مدري؟؟ خلاص خلاص
الولد: لا قولي وش فيك؟؟
البنت: مدري اقولك ولا لا الصراحه عندي طلب بس يووو مستحيه وخجلانه ويمكن تفهمني غلط
هنا الولد يقول في نفسه( ياعمي البنت ذابت فيني خلاص واكيد تبي تطلب انها تطلع معي هه هه هه)
الولد: لا يردك الا لسانك ترى حاضريين حنا احم احم
البنت: الصراحه ماعندي رصيد في بطاقتي كيف اكلمك؟؟
الولد: بس كذا يابعد عمري يا غالي والطلب رخيص
البنت: بس ترى سلف اذا طلعت معاك ارجعها لك
هنا الولد يحس نفسه فوق السحااااااب
الولد: لا افا عليكي وش دعوى خلاص دقايق وارسلك الشحن, وينقز مثل البرق ويجيب 200-300 ريال ويرسلها للبنت تشحن رصيدها.
ويرجع الولد بدري لبيتهم ما يبي يتاخر على الموعد صح ولا لا يا جماعه ههههههه , ويدق على البنت دقه وما ترد ..بعدها يدق دقه طويله ما ترد ..ثالث دقه تسكر في وجه .. وينسحب عليه سيفون اليم زي اللوز ههههههههههه ويكتم على الموضوع بعد ما قال للشباب والله البنات ميتين على اليوم وحده كذا كذا كذا .....واذا سالوه ها؟؟ شخبار خويتك؟؟ قال يا عمي زلعه ما عجبتني وصفتها (( كثر منها ههههه))
3-الترقيم... طبعا ما يخفى عليكم يطلعون شلة بنات غالبا بسياره اجار وانواع الدلع والتسحيب وانواع الارقام تنقط عليهم وبعد حصاد اليوم يقسمون الغله ويبدأ الشغل عاد:
الولد: الو؟؟
البنت: مرحبا
الولد: هلا والله
البنت: هلا بك
الولد: شخبارك انشالله بخير .. الا انتي اي وحده من البنات ؟؟
البنت: انت تبي اي وحده؟؟
الولد: والله كلكم خير وبركه
البنت: انا اللي كنت في النص..(طبعا تقول انها احلى وحده فيهم)
طيب انت اي واحد؟؟
الولد: انا اللي كنت اسوق
البنت: الله الحمدلله انا كنت ابيك انت اصلا..سسسسسسيووو طععع
الولد: الله يسلمك والله ..وراسه يكبر
البنت: ياربي انا زهقانه وين اروح؟؟
الولد: افا عليكي انا امشيك
البنت: والله...؟؟؟ خلاص خلك جاهز في اي وقت
الولد: ابشري من عيوني
ويتواعدون في وقت ومكان معين والولد ينتظر مكالمه عشان ياخذها وشوي تدق عليه وتقول:
اقولك السواق حق بيت عم ابوي ما جاه وبنت عمي راحت المستشفى والبيت اتقطعت الكهرب فيه والمكيف خرب وماعندي رصيد اكلم الهاتف!!! (انواع التسحيب)
الولد: خلاص خلاص الحين اجيبلك وويجب ويرسل وبعدها ششششششششششششششش صفطه الييييييمه يدق يرسل ماعندك احد
البنت وشلتها: ههههههههههههاااااااااااااايييييييي
4- هذا القصه حقيقيه: بنت عندها خوي تحبه تكلمه من جوالها العادي واثنين شباب للوناسه تكلمهم من السوى واحد تاخذ منه فلوس بالحيله والثاني تعطيه الفلوس اللي خذتها من الاول!!!!!!!
وبعد المشاهد هذه اترك التعليق لكم وسامحوني على الاطاله واسف على اي غلط واتمنى الموضوع يكون في عبره لبعض الشباب والبنات
(((( وصلتني بالبريد ))))
بنات بطاقات سوى
العرض العادي
