عندي سؤال؟
لحظه.. قبل لاتبتدين السالفه عندي سؤال
يمكن جوابه يختصر عليك سرد السالفه
من سالفه في سالفه ندخل متاهات.. وجدال
وافكارنا لو تلتقي.. نبحث عن المتخالفه
ليش التغلي والجفا والصد يابنت الحلال..؟
مادمنا روح وجسد.. وقلوبنا متوالفه
قالت بعد ماعضّت الشفه ودمع العين سال:
اهل النميمه والحسد لفراقنا متحالفه
قلتك اسمعيني وافهمي نصيحتي في كل حال
يضيع من يسمع كلام اهل العقول التالفه
تذكري حلفك على المصحف وقولك لي: محال
مااتركك مهما حصل وانا بربي حالفه
قالت:حبيبي آسفه ماعاد به هرج يقال
تعال نكتب للهوى قصيده احلى سالفه
للشاعر/عبيد القحطاني