سحلييييه تخطب تمساااااح<<<تخيلتوها

[عـــذاااري]

سحلييييه تخطب تمساااااح<<<تخيلتوها

--------------------------------------------------------------------------------

تخيـــــــلوا البنات يخطبووون الأولاد:-



يعني تتفاجأ يوم وانت تقرأ كتاب رومنسي وانواع الاحلام الورديه(يااااي) وسرحان في فارسه احلامك على السرير الابيض..الا وامك داخله عليك وتوها جايه من الاستراحه وتقولك: ياولدي ودي اكلمك بموضوع..ترد انت بكل خوف: خير يمه؟

تقولك امك: ترى جارتنا أم خالد تبي تخطبك لبنتها..وانت ماشاء الله كبرت واحلويت وكلن يبيك..هاه وش رايك..ثم تنزل انت راسك في الارض وتلعب باصبعك في شعرك ولا في شنبك..وترد وانت مستحي وخدودك حمرا..وتقول الراي رايك والشور شورك يمه..

تقول امك :بصراحه ماشوف بالبنت شي


ماشاء الله عليها محترمه ووظيفتها زينه وراتبها ممتاز ومن عايله محترمه ومن البيت للمسجد ..ولا عندها سواليف السفر وماتشرب ولا تدخن..ولا تروح استراحات البنات..يعني بنت ماعليها..تقول انت: بس يايمه اهي ماشافتني من اول..انا دايم متلطم بشماغي..ترد امك شافتك وانت نازل من باص المدرسه..

سألت عنك وقالوا لها خوش ولد..ماهو راعي سوق ولاوكوفي شوب ومايطلع الا مع امه..والله فشيله بس بكمل ..تراها بتجي اهي وامها يوم الخميس عشان يشفونك..تسأل انت: طيب يمه ابوي وش رايه؟
تقول امك: ابوك مايدري خله حايس بالمطبخ الله يعينه..وتقول لامك: اللي تشوفينه يمه..

وتطلع امك من الغرفه..وتنط انت قدام المرايا..وتأخذ نص لفه يمين ونص لفه شمال..تشوف جسمك..وتمشط شعرك وشنبك بدلع..<<<<(ياعمري)

وتقول اخيرا حست واخطبتني.. وتروح يوم الخميس للكوفير رجالي وتكون مسوي حجز وتقعد وتصبغ شعرك(هاي لايت)وتزين حواجبك.. وتشيل شعر يدك..وتطلع زي فلقه القمر...


وتجي البيت وتلبس ثوب الاعراس والحفلات واللي فيه فتحه في الظهر وفتحه عند الساق..

ويقولك ابوك: يالله دخل العصير على خطيبتك ترى امك ذبحتنا تسأل عنك..وتقول انت بخجل: واي يبه انا استحي..

وتاخذ صينيه العصير وتدخل المجلس اللي فيه البنت بكل نعومه ورقه وتقول اس اس السلام عليكم..

وترد هي بعد ماوقفت وعليكم السلام وهي تناظر بكل جزء فيك..تقول اهي وش الاحلى العصير الاحمر ولا الاصفر..بزعمها تبي تلطف الجو معك..وتقول انت كله حلو..

تقول اهي اكيد كله حلو لانك انت الي مسويه..تحط الصينيه بسرعه وتحط يدك على فمك وتضحك وتروح داخل بسرعه يارببببببيه...الا واخوانك يستنونك ويقلون:هاه وش شكلها..تقول :واي واي حلوه ودمها خفيف وذوق اههههاااي

لللللللوووولللللللووووووششششششش مبروك ياولدي

الا بدخلت اختك العربجيه..وعابايتها على كتفها وتقول:خير وش فيه ..يقول ابوك:قصري صوتك فيه وحده داخل تخطب اخوك..تقول اختك:وهي وين شافت اخوي عشان تخطبه هاه؟؟ وتعطيك كف وتصرخ والله لاوريها شغلها..اللي جايه تخطب اخوي..الا بدخلت امك وتعطي اختك كف وتروح اختك تفحط وتروح لاستراحه البنات<<(تخيلوا عاد)

وتمر الايام وانت تجهز ثوب العرس وبيت الزوجيه..وخلال هالفتره تمرك زوجتك..تتمشون وتحاول انها تمسك يدك..وانت مستحي..وتحاول تبوسك..وانت تقول عيب لالااحد يشوفنا..

ويجي يوم العرس وانت قاعد وكل الشباب من حوالينك..يرقصون ويغنون..وشوي والعفسه قايمه ترى العروس جايه..وينطون الرجال كلن يلبس شماغه ويتلطم..وتدخل العروس وتجلس جنبك وترفع الطرحه.<<<.(طرحه البسام بصمه خمسه)وتقولك: الله صاير قمر...

ويتم الزواج وبعد 9 شهور الا وانت تصرخ في الليل فيك الطلق..ويودونك المستشفى وتولد بتوأم..وتطلع من المستشفى على بين اهلك علشان النفاس..وتاخذها زوجتك فرصه وتسافر مع البنات ويزحفون قبل ماتخلص مدة نفاسك..

وترجع بيتك وتربي عيالك وتطبخ الغدا لزوجتك..
ووتخانقون ساعات وتنام ودمعتك على خدك...
ويزيد الخناق وتاخذ شماغك وعيالك وتروح بيت اهلك..

...وتصلح امك بينكم وترجع الحياه مثل اول....



تحيــــــــــــــــــــــــــــــااااااااااتي..... ....

[ابوغاده]

مشاء الله عذاري على المشاركة الحلوة

امل الموضوع بصراحة واقع لبعض الناس في هالدنيت العجيبة

في مقوله بس ما اتذكرها
(اخطب لبنتك ولا تخطب لودك) مادري هي هذي ولا لا

بصراحة الولد احس انه هو البنيه

ولا ماقصرتي يوم بيشوفونه
الله يستر بس

[عجولي]

من رابع المستحيلات


الا اذا صرنا بالهند

[موج البحر]

[glow=00FFFF]اعيش عانس طول حياتي ولا اتبهذل كذا[/glow]