حماية التاجر تقول : إدفع واسكت ...

[الظـــامي]

[align=center]
مساؤكم معطر بالرياحين ..

لعلكم تشاهدون معي وتلاحظون تلك المفاجآت التي تصدمون بها حال دخولكم للأسواق
والمحلات التجارية خصوصاً الغذائية منها ..

إرتفاع في الأسعار يوماً بعد يوم .. وبدون أي مقدمات وبزيادات ملحوظة ومفضوحة

ولك أن تتخيل زيادة أسعار الحليب .. والأرز ... وبعض المعلبات .. .. الخ ..

المهم أنك لاتستغرب .. ولا تستنكر .. وعليك أن لاتسأل ولا تحرق أعصابك مع البائع ..

وبكل بجاحة يقف المورد ( المحمي من قبل حماية المستهلك ) ويقول بكل بجاحة :
لقد زاد سعر كذا إلى مبلغ كذا ( هل إنزل لك البضاعة أم لا ) ... ؟

لقد تعبنا ومللنا هذا الوضع الغير مبرر إطلاقاً ... مفاجآت محزنة ومرهقة ومؤلمة ..
أعلنوا .. أخبرونا مسبقاً بالزيادة وسببها ...

ما ذنبنا كمستهلكين أن نفاجأ يومياً وبدون سابق إنذار بتلك الإرتفاعات المبالغ فيها ؟

أين من يسمون أنفسهم حماةَ للمستهلك ؟ بالله عليكم ماذا عملوا وماذا يعملون ؟

هل سمعتم بمجازات تاجر .. أو حتى وقوفهم عليه وسؤاله عن الأسعار ؟

الآن حرية مطلقة لجميع الباعة والموردين ( إرفع سعرك ولا حرج ) لدرجة أنك تجد
سوقين متجاورين يفرقان بالأسعار بشكل ملفت للإنتباه ..

إبحثوا معي عن مقر فرع التجارة بالقصيم لعلهم يجيبونا عن أسباب هذا الإرتفاع ؟

وما هو دورهم بالضبط بالمنطقة ؟ ماذا عملوا لنا كمستهلكين ؟ أم هم حماة للتاجر ؟

هل يريدوننا أن ننتظر دخول منظمة التجارة العالمة لتنقذنا بعد الله من جشع تجارنا وحماية مستهلكنا ؟

لدي الكثير ... وبالتأكيد لديكم ما يمكن قوله وقد نعجز عن التعبير بسبب هذا الوضع المتردي ..

تحياتي لكل منصف وواقعي ...
الظـــامي ...

[/align]

[نحت الغلا]

اسمع ونا اخوك فيه امثله دايم ارددهن اذا جيت اشتري اي شي وذلك من شينن اشوفه والعياذ بالله من طمع وجشع التجار!!! ولا حسيب ولا رقيب...
1- من امن العقوبة اسأ الادب !!
2- قال من امرك قال من نهاك!!
3- اذا لم تستح فاصنع ماشئت!!
يمكن فيه ناس معذورين لانهم مرتبطين باسعار دوليه مع انه مب عذر لهم بس نمشيها !!
لاكن التجار الباقين الي وربي مالهم ابد عذر بضربلك مثل صارلي ..
مره ابي رمل ورحت لطريق الطرفيه عند الشياول وقفت عند واحد قلتله ابي رمل سيكس قالي 80 ريال قلتله ياخي وراك غيرت السعر اخبره 65 ريال ؟!!
قالي خبرك قديم الحين كل شي ارتفع!!
قلت وش الي خبري قديم انا مشتري رمل قبل شهر 65 ريال .
بعدين وش الي رفعه الرمل بكل مكان ومهنا ارخص منه والديزل رخيص قلي وش الي رفع السعر ؟!!
قال وهو (حمتز) الحين مالقيت الا حنا تجي تقولنا وراكم رفعتو السعر تبي تشري ولاا بكيفك قلت لا بكيفي ومابي رملك خله لك اشبعبه.. <<<<< والله يانا قوي
وتصدق اني اخذت رمل من مكان ثاني بنفس السعر الاول الي هو 65 ريال وبنفس زينه ..
يعني كل واحد يرفع السعر على مزاجه.
حسبنا الله ونعم الوكيل

[الاستشاره القوميه]

الضامي ترى عيوني تفضخن غير الخط تكفى ،،،موضوعك والله انه مشغل العالم كلهم وكل من شفته يشكي من الاسعار والمشكلة مو ببريدة ولا القصيم المشكلة بالسعوديه كلها ........واحد قبل امس يقولي ان كيس البطاطس الجاهز للقلي كان ب8 ريال وامس رحت اخذه من المنجم قالو ب19 ريال تخيل يعني رفعوا السعر 100
% ...هذي سالفه من مليون سالفه يعني بصراحة كل شي ارتفع .......االاجار والاكل ومواد البناء ....والله انذبحنا

[ابوقش]

صدقت ياخوي بس مابليد حيله ولا ندري وش السوات

والشي هذا ملحوظ من بعد ارتفاع رواتب الموظفين الحكوميين

واللي اكلها موظفين الشركات والمؤسسات اللي رواتبهم خفيفه ..

[متلهف]

ألضامي : صدقت أن فيه حماية مستهلك ؟
أثبت أن فيه تاجر تمت معاقبته لرفعه ألسعر ,,,
أملنا بالله ثم بخادم ألحرمين ملك ألأنسانيه الله يمتع بعمره ويديم عزه ,,,
أن أدب واحد صارت موعظه للجميع ونزلت ألأسعار ,,,,

[ابوخالد382]

ياجماعة الخير هالموضوع ماله حل إطلاقا.........بلا غرفة تجاره بلا بطيخ......الموضوع يبي واحد ينقز لبومتعب ويشرح الوضع له,وشرط الموضوع يحل بسرعة..
أتدرون, دائما نقول في صلواتنا....اللهم وأرزقه البطانة الناصحة الصالحة,,,المشكلة البطانة يقولون له الشعب منغنغ ومبسوط ويعيش برفاهية,,وشف بالصيف عجزنا نلحق على الرحلات الدولية...كلهم سعوديين طالعيين لندن وبرلين...ولا فيه أي مشكلة ياطويل العمر....والملك معذور ,,يقررحسب ماينقل إليه......................

[ولد سعود]

وهو مايدري ان لندن وبرلين ارخص من ابها وعسير!!!!!!!!!!!!

[)الفزعه(]

الموضوع في غاية الأهمية .....
ولكن تبي تجيهم العولمة وتدمرهم دمر

[الظـــامي]

اقتباس:  المشاركة الأصلية كتبت بواسطة نحت الغلا     اسمع ونا اخوك فيه امثله دايم ارددهن اذا جيت اشتري اي شي وذلك من شينن اشوفه والعياذ بالله من طمع وجشع التجار!!! ولا حسيب ولا رقيب... 1- من امن العقوبة اسأ الادب !! 2- قال من امرك قال من نهاك!! 3- اذا لم تستح فاصنع ماشئت!! يمكن فيه ناس معذورين لانهم مرتبطين باسعار دوليه مع انه مب عذر لهم بس نمشيها !! لاكن التجار الباقين الي وربي مالهم ابد عذر بضربلك مثل صارلي .. مره ابي رمل ورحت لطريق الطرفيه عند الشياول وقفت عند واحد قلتله ابي رمل سيكس قالي 80 ريال قلتله ياخي وراك غيرت السعر اخبره 65 ريال ؟!! قالي خبرك قديم الحين كل شي ارتفع!! قلت وش الي خبري قديم انا مشتري رمل قبل شهر 65 ريال . بعدين وش الي رفعه الرمل بكل مكان ومهنا ارخص منه والديزل رخيص قلي وش الي رفع السعر ؟!! قال وهو (حمتز) الحين مالقيت الا حنا تجي تقولنا وراكم رفعتو السعر تبي تشري ولاا بكيفك قلت لا بكيفي ومابي رملك خله لك اشبعبه.. <<<<< والله يانا قوي وتصدق اني اخذت رمل من مكان ثاني بنفس السعر الاول الي هو 65 ريال وبنفس زينه .. يعني كل واحد يرفع السعر على مزاجه. حسبنا الله ونعم الوكيل

[align=center]أحييك أخي الغالي ...

فأهلا بك نحت الغلا ..

ياليت الأمر مرتبط ببعض الأشياء .. وبزيادات معقولة وأوقات متباعده ..

المفاجأة تجدها بين اللحظة والأخر ...

وكما تفضلت حتى بياع الرمل وصلته العدوى بمجرد أن سمع بالزياده ..

كان العذر سابقاً بالفعل مسألة أسعار الوقت .. إنخفض الوقود وزادت الأسعار ..

أشكر لك تواجدك وتعلقك الموفق ...

تقــــديري ...[/align]

[الظـــامي]

اقتباس:  المشاركة الأصلية كتبت بواسطة الاستشاره القوميه     الضامي ترى عيوني تفضخن غير الخط تكفى ،،،موضوعك والله انه مشغل العالم كلهم وكل من شفته يشكي من الاسعار والمشكلة مو ببريدة ولا القصيم المشكلة بالسعوديه كلها ........واحد قبل امس يقولي ان كيس البطاطس الجاهز للقلي كان ب8 ريال وامس رحت اخذه من المنجم قالو ب19 ريال تخيل يعني رفعوا السعر 100 % ...هذي سالفه من مليون سالفه يعني بصراحة كل شي ارتفع .......االاجار والاكل ومواد البناء ....والله انذبحنا

[align=center]
ولا يهمك ... كل شي ولا عيونك .. غيرنا لك الخط واللون ..

بالفعل المشكلة لن تكون وحيده مكان وزمان ... لكن المشكلة من المسئول ؟

الإشكالية الأكبر أنه حتى مع الزيادات هناك تفاوت كبير وعجيب ..

تصدق هذا اليوم علبة حيلب بين محلين لايفرقهما بضعة أمتار السعر فر قخمسة ريالات ..

كيف يكون هذا الأمر .. هل معقول أن يكون هذا الفارق وبسلعة واحدة ومستوردة ؟

وقس على ذلك الأشياء التي لاسعر لها في الأصل .. كما ذكرت في ردك ..

أشكرك على حضورك وتعقيبك ..

تقـــديري ...



[/align]

[المغامر المغترب]

والله كثير

الموضوع ولا

وي اقراه

تحياتي

[قناص]

نحن معكم قلبا وقالبا ياحمياة المستهلك .عفواً ياحماية التاجر

[الظـــامي]

اقتباس:  المشاركة الأصلية كتبت بواسطة ابوقش     صدقت ياخوي بس مابليد حيله ولا ندري وش السوات والشي هذا ملحوظ من بعد ارتفاع رواتب الموظفين الحكوميين واللي اكلها موظفين الشركات والمؤسسات اللي رواتبهم خفيفه ..

[align=center]فعلاً .. عندما تجد موظفين مختصين بهذا الأمر لايحركون ساكناً ..

فعلاً .. عندما تجد إدارة مختصة لا تحمل من إسمها شي ...

تلك الذئاب بمجرد أن تسمع عن زيادة تهب في رفع السعر ..

رفعوا الأسعار إبان زيادة سعر الوقود .. ونزل السعر ولم تنزل أسعارهم ..

أمور وحالات غريبة تحدث ونحن في الوسط لا ندري أين نذهب ..

أشكرك أبو قش وأقدر تواجدك ...

لك تقديري ...




[/align]

[الظـــامي]

اقتباس:  المشاركة الأصلية كتبت بواسطة متلهف     ألضامي : صدقت أن فيه حماية مستهلك ؟ أثبت أن فيه تاجر تمت معاقبته لرفعه ألسعر ,,, أملنا بالله ثم بخادم ألحرمين ملك ألأنسانيه الله يمتع بعمره ويديم عزه ,,, أن أدب واحد صارت موعظه للجميع ونزلت ألأسعار ,,,,

[align=center]
أهلاااا بك متلهف ...

بالفعل : هل سمعت أو رأيت من عوقب من التجار ؟

وهل يعقل أن أحد من التجار لم يخطئ على الإطلاق .. ؟

كل ذلك وغيره يدل على عدم الرقابة نهائياً .. ناهيك عن العقوبة ..

نثق جداً بحكومتنا عندما يصلها الأمر .. مشكلتنا بمن كلفوا بالمسئولية وقصروا ..

أشكر لك حضورك ومشاركتك ...

لك تقديري ....




[/align]

[الظـــامي]

اقتباس:  المشاركة الأصلية كتبت بواسطة ابوخالد382     ياجماعة الخير هالموضوع ماله حل إطلاقا.........بلا غرفة تجاره بلا بطيخ......الموضوع يبي واحد ينقز لبومتعب ويشرح الوضع له,وشرط الموضوع يحل بسرعة.. أتدرون, دائما نقول في صلواتنا....اللهم وأرزقه البطانة الناصحة الصالحة,,,المشكلة البطانة يقولون له الشعب منغنغ ومبسوط ويعيش برفاهية,,وشف بالصيف عجزنا نلحق على الرحلات الدولية...كلهم سعوديين طالعيين لندن وبرلين...ولا فيه أي مشكلة ياطويل العمر....والملك معذور ,,يقررحسب ماينقل إليه......................

[align=center]
فعلاً .. لن نجد الحل عند هذه الإدارة الغارقة في نومها ..

نحن نريد أن نعرف ماعملت لنا بالضبط ؟

وكما تفضلت عندما يصل الأمر إلى ولي الأمر فلن يسكت ..

أشكرك على تفضلك حضوراً ومشاركة ..

لك تقديري ...



[/align]