ياعمي قوقل ودي ابحث عن إنسان ؛؛
غالي وله بالقلب أكبر مكانه ؛؛
أبي تجيبه لي ولو كان ماكان ؛؛
يعني تصرف دوره بأي خانه ؛؛
أدري مسافر بس أنا ودي الآن ؛؛
أعرف حبيبي وين يقضي زمانه ؛؛
ياما سألتك عن أماكن وبلـــــدان ؛؛
وجبت الأجابة بكل صدق وأمانه ؛؛
والحين يوم أني سألتك عن فــــــلان ؛؛
بانت علومك وين ذيك الذهـــــــانه ؛؛
عجزت تلقى لي ولو نص برهـــــان ؛؛
وإلا دليل يشير وجهة مكــــــــانه ؛؛
شرهان ألقى لي إجابه وعنــــــــوان ؛؛
ظنيت بيني وبين قوقــــــــل ميـــــــــانه ؛؛
خلاص ياعمري ترى ذاك الإنسان ؛؛
اللي خذا بالقلب قدر ومكانه ؛؛
ماقصر الجـــــوال جابه ولا هـــــــان ؛؛
وعرفت منه كيف حاله وشـــــانه ؛؛
العرض الشجري