انا ضيف وادور حاجه عندكم ياكرام عيال بريده@@@@

[مسك ورد]

انا ادورعلى اقط او الاقط مااعرف يش تسمونه الي يسونه البدو من اللبن ويصير يابس ومالح قليلا عرفتوووه ولا لا


مرت كليته عند ضيوف ببريده وعجبني مره وسمعت ان له مصنع صغير للاقط ياليت تخبروني وين احصله باي محل بس ما يكون يابس مره واكون شاكر لكم

[نحت الغلا]

السلام عليكم=
هلابك اخوي=
الاقط يسمى البقل= تحصله بالجردة

[الحصان الأسود]

اختي مسك الورد تلقينه مثل ماقالت نحت الغلا بالجرده وبالاحرى سوق الربيع تعالي الصبح بدري تلقين الطازج....

[مسك ورد]

نحت الغلا

الحصاان الاسود مشكورين على الرد
بس وين سوق الربيع بالظبط وبدري يعني الساعه كم تقريبا وهل يباع بالكيللو او بالكرتون
الجرده ماعرفتها
شكر لكم

[صالح العمري]

الجرده بجنوب بريده

واحسن وقت الصباح تشترينه او العصر

[ابو ريما الخالدي]

شوفي أختي
تحصلينه عند محل هضيم اللي في طريق الملك خالد مقابل بندة العزيزيه
شغل نظيف وممتاز

[بندر الحمر]

والله من زمان عنه

لكن يا بالجرده أو بهضيم

[الصياد الماهر]

اختي مسك الورد تلقينه مثل ماقالت نحت الغلا بالجرده وبالاحرى سوق الربيع تعالي الصبح بدري تلقين الطازج....

[مسك ورد]

شكررررررررررررررا جزيلا على الردود
جزاكم الله خيرا

[مرأه من الشرق]

عزيزتي مسك الورد،،
جربي اطبيخي اللحم فيه ..
صدقيني راح تنسين شيئ اسمه ماجي ..
طعمة خيااال ..
يـــــــــــــــــــمي

تحياااتي ،،

[خـــــــــــــــالـــــــــد]

اختي مسك وورد


مع اني مو متاكد ,,

سبق ان سمعت انه يباع عند حلويات جهينة او روز

[الالماني]

يوجد في أغلب مدن االمملكة لا اعتقد بأنك لا تعرف كلمة بقل بصراحة لا يوجد أحد مايعرفها
حتى الاجانب يعرفون هذه الكلمة

[اابوصالح]

البقل موجود بسوق الفقع لاكن مانصح فيه لنه مو نظيف غالباُ

انصحك تشتريه من عند هضيم او غيره من المحلات

[سنافيه]

اقتباس:  المشاركة الأصلية كتبت بواسطة مرأه من الشرق     عزيزتي مسك الورد،، جربي اطبيخي اللحم فيه .. صدقيني راح تنسين شيئ اسمه ماجي .. طعمة خيااال .. يـــــــــــــــــــمي تحياااتي ،،

غريبه وتقولين يطلع حلووووووو طيب وش كثرررره تحطين

[(الراسي)111]

كلامك متناقض تقولين له مصنع!!!!! ، وتقولين مره كليتيه لاحظي كلمة كليتيه من اللهجة إنك بدويه ومانتي عارفة منبعه من وين
على كل يوجد عند أي محل بيع تمور