نداء لمبدعين وشعار المنتدى.. اختكم نوف تطلب فزعتكم

[نوف بنت ابوها]

بسم الله الرحمن الرحيم

بداية امسي ع الجميع شعار واعضاء المنتدى بكل خير..

ماراح اطيل عليكم ربي يسعدكم

قبل اقول ..بس حابه تعرفون انه ماوضعت طلبي هنا .. الا لما شفت ابداع اخواني الشعار

الله يحفظهم

كل اللي ابيه كم بيت ويكون اهداء من ولدي .. لأخوي الوحيد بزواجه بثالث ايام العيد

وراح يلقيها ان شاءالله امام المعازيم .. و اذا فيه مجال ياليت ابي كم بيت اهداء مني لأأخوي ربي

يحفظه و يوفقه ويسعده بحياته...ارجو ارجو مايتأخر طلبي

بأنتظار ابداعكم


اختكم/ نوف

[ابوغرام]

ان شاء الله مايقصرون الاخوان معك

والف مبروووك مقدما لاخوك بزواجه والله يوفقه ويتمم عليه بخير

[نوف بنت ابوها]

الله يبارك بعمرك اخي ابوغرام..
عقبال تفرح بغرام
اشكرك.. وان شاءالله الشعراء مايقصرون

[نوف بنت ابوها]

أنتظركم ............

[عاطل جديد]

الـف مبروك زواج اخوكك

وبآلتوفيــقق

[نوف بنت ابوها]

مشكور اخوي عاطل,, الله يبارك فيك

[الوان القصيم]

مستعدييييين

[شاعر الاماكن]

ياهلا ومسهلا اختي نوف
مساء النور
الف الف مبروك زواج اخوك وربي يوفقه ويسعده في حياته ..
تفضلي هذي قصيدة ولدك ...
( الله يحفظه ويخليه لكم ويبركم )
!
!

ياشعـــر من صادق شعوري اغنــــــيك
لو كان غـــيري باكذب الشعــــر غناك
مني خذيتك مثل ما فينــي اعطيـــــــــك
وفيني خذيته مثل ما مني اعطــــــــــاك
جاني خبر من فرحتـــــي قلت اباريــك
ولا عاش من جـــاه الخبـــــــر ثم تعداك
خـــــالي أنا افخــــــــر اقول الشعر فيك
والشعر يفخـــر بك ويفخـــر بشـــرواك
حبيــــت ابارك لك وحبيـــــــــت اهنيك
حتى الفرح من فرحتــــه فيـــــك هنـــاك
ياللي مبادي الطيــــب دايم مبــــــــــاديك
واصل الوفاء والخير والعـــــــــز مبداك
يابن الرجـــــــــال اللي عزيزه مماشيك
بالطيب وارض الطـــيب ماخنت ممشاك
تعبـــت ليــــن الله حقق امــــانيـــــــــــك
وكسبــــت من قلـــــبك هواها وتهـــواك
اجمل عروســـــــــــــه بالمشاعر تناديك
شفها بعيــــــــــونك كيف وقفت تـحراك
عسى الولي من شــــــــــر الايام يحميك
وعساه يبعــــــــد كل حاســـــــد ويرعاك
والله يبــــارك لك وربي يخلـــــــــــــيك
وعسى السعـــــــاده وين ما رحت وياك
من قلــــب يا خــــالــــي ابارك واهنيك
حتى الفــــــــــرح من فرحتي فيك هناك

!

!

والسموحه منك على القصور

موفقين يارب

[عزف الحقيقة]

الله الله شاعر الاماكن اتحفتنا بهذه التهنية

الطاغية ..

ان شاء تروق للأخت نوف

أبيات من الأبن للخال

لاشك سيكون لها وقع كبير

كل الشكر لك

[روعة الكون]

-



ياسلام جابها شاعر الاماكن
محبوكه الصراحه تجنن .. والله يوفق خيك

[بندر الحمر]

ابداع الله يسعدكم يا غوالي

[نديم بريده]

اقتباس:  المشاركة الأصلية كتبت بواسطة شاعر الاماكن     عسى الولي من شــــــــــر الايام يحميك وعساه يبعــــــــد كل حاســـــــد ويرعاك والله يبــــارك لك وربي يخلـــــــــــــيك وعسى السعـــــــاده وين ما رحت وياك من قلــــب يا خــــالــــي ابارك واهنيك حتى الفــــــــــرح من فرحتي فيك هناك

صـح لسانك

وتستاهل أختنا ( بنت أبوها ) .. الفزعة الله يعطيك العافية شاعرنا القدير ..

( اللهم أجعل بينهم مودةً ورحمة ) ..

[شاعر الاماكن]

اقتباس:  المشاركة الأصلية كتبت بواسطة نوف بنت ابوها     بسم الله الرحمن الرحيم بداية امسي ع الجميع شعار واعضاء المنتدى بكل خير.. ماراح اطيل عليكم ربي يسعدكم قبل اقول ..بس حابه تعرفون انه ماوضعت طلبي هنا .. الا لما شفت ابداع اخواني الشعار الله يحفظهم كل اللي ابيه كم بيت ويكون اهداء من ولدي .. لأخوي الوحيد بزواجه بثالث ايام العيد وراح يلقيها ان شاءالله امام المعازيم .. و اذا فيه مجال ياليت ابي كم بيت اهداء مني لأأخوي ربي يحفظه و يوفقه ويسعده بحياته...ارجو ارجو مايتأخر طلبي بأنتظار ابداعكم اختكم/ نوف

حياك الرحمن اختي الكريمه نوف ..

سمي طلبك الثاني والسموحه على التأخير ..

( اهداء منك لاخوك ومباركه بالزواج)

اسأل الله له التوفيق والحياه السعيده

!

!


مبــروك ياخـــويه ملاييــــن مبروك
مبــروك والله يسـعــدك في حيــــاتك
اعجز اوصـــف فرحتــي يوم زفوك
لكن اكــيــد الدمــع بيــن غـــــــلاتك
كل الحبــايب يومــك اقبلت هنــــوك
ودعوا لك الله يحــقـق الك امنيـــاتك
الحــمــد لله اكثر النــاس حبــــــوك
وهذا ترى من طيـــبك وحسن ذاتك
انا افتـخر بك واتبــاها الى اطروك
وقبل افتخر بك تفتخر بك صفــاتك
وافي وطيب واطيب الناس عزوك
وشمــوخ عـزك كبــريائك غنــاتك
واللي تمـــناها اهــلــها تــــمـــنوك
يا الله عســاها تكون بســمة شفاتك
حلوه بـ جنبك زوجـــتك يوم زفوك
ياخــوي وانت بـ جنبها يا حـــلاتك
مبروك ياخـــويه ملاييـــن مبروك
مبروك والله يســعــدك في حيــاتك

!

!

اخوك

شاعر الاماكن

[شاعر الاماكن]

اقتباس:  المشاركة الأصلية كتبت بواسطة عزف الحقيقة     الله الله شاعر الاماكن اتحفتنا بهذه التهنية الطاغية .. ان شاء تروق للأخت نوف أبيات من الأبن للخال لاشك سيكون لها وقع كبير كل الشكر لك

الشكر لله من قبل ومن بعد اخي الكريم ..
اتمنى ان تجد هذه الابيات المتواظعه بعض الرضى ..

اشكرك اخي الكريم على هذا التواجد واشكرك على كلامك الطيب ..

[شاعر الاماكن]

اقتباس:  المشاركة الأصلية كتبت بواسطة روعة الكون     - ياسلام جابها شاعر الاماكن محبوكه الصراحه تجنن .. والله يوفق خيك

اختي الكريمه ..
الله يوفق الجميع يارب ..
شكرا على التشجيع وشكرا على هذا التواجد ..

بارك الله فيك ..