][®][^][®][سيناريو الأزواج في الصيف][®][^][®][

[نـدى الـورد]

كانت جلسة .. لتناول بعض النساء للشاي


المنعنش.... بوريقات النعناع العطره

وكان موضوعهن الرئيسي عن ... طُرق الأزواج المتبعه في الصيف

حتى يستطيعون السفر الى الخارج


الأولى قالت || زوجي ينعم علي بسفر الى بعض الديار القريبه ...وهي لاتتعدى

الخمسه... ايام ويمكن اقل... لكي يوفر لنفسه المتعه في باقي الإجازة ويسافر مع

أصحابه ... اسابيع لبعض الدول البعيده


الثانيه قالت || زوجي كريم معي لانه قبل ان يسافر يهب لي طقم ذهب

يلجم فاهي من خلاله... وارضى واسكت على حالي


الثالثه قالت || والله انكم في نعيم من امركم وحالكم... انا زوجي مجرد ان تأتي الإجازه

يرسلني انا واولاده لأهلي ... اقضي عندهم من شهر الى شهرين في انتظاره

دون خجل ... او إحساس با المسؤليه

الرابعه قالت || انا لاهذا ولاذاك... يتركني في منزلي انا واولادي

ويسافر... هو وصحبه ونحن ننتظر عودته بفارغ الصبر حتى يحن علينا

بزيارة المُنتزهات ... المُصديه المنتشره في ديارنا الحبيبه



اما الخامسه تقول بكل سعاده وسرور..

انا وزوجي العزيز الحبيب.. نُخطط قبل ان يأتي الصيف الى أين نتوجهه

ونقوم بـــ الإستعداد لهذه السفره الرائعه التي من خلالها نغير جو الحياه

المُتعب طوال العام... ونعود وكٌلانا مسرور..

/

أنت ايها الزوج ... أي السيناريو تتبع مع زوجتك..؟

أنتِ ايتها الزوجه ... أي طريقه ترغبين ..؟



انتهت جلسة الشاي



,

[@ ابتسام @]

اشتهيت الشاهي من زين شكل الماء اللي يصب يبي بس حبة ليبتون .


اكيد كل الستات بيختارون النوع الخامس

حنا نروح مع بعض الحمد لله بس ما عمرنا خططنا تجي كدا من ربنا في ساعة صفاء.

[نـدى الـورد]

[align=center]

اقتباس:  المشاركة الأصلية كتبت بواسطة @بسووومه@     اشتهيت الشاهي من زين شكل الماء اللي يصب يبي بس حبة ليبتون . اكيد كل الستات بيختارون النوع الخامس حنا نروح مع بعض الحمد لله بس ما عمرنا خططنا تجي كدا من ربنا في ساعة صفاء.

قومي للمطبخ وسوي لك شاي

اكيد كل الستات يبون الخامسه... ولكن هناك نساء تعاني

الله يسعدك يارب


,[/align]

[ووسووم]

أكيد الخامسه بــــــــــــــــــــــــــــس
مابعد تزوووجت بس اتزوج اعلمك
وكلكم معزووومين انشاء الله بس لين الحين ماتحدد
الموووعد الله يوووفق الجميع لما يحبه ويرضاااه

[the-moon]

أكيد ابغى الخامسة
وزوجتي ماتخليني لوحدي عند أهلي أصلها شاطرة وبتحبني أوي


لكن تعالي هالحريم الحين مو غلط إنهن يسبن رجالهن قدام خلق الله كره ياطبع الحريم
والله اللي مرزقه الله عياله اولى يسافر بهم وإذا لازم يسافر مع ربعه يسافر ثانية بس مايروح هو يتنعم وعياله منطقين
ويركم خيركم لأهله

[نـدى الـورد]

[align=center]

اقتباس:  المشاركة الأصلية كتبت بواسطة ووسووم     أكيد الخامسه بــــــــــــــــــــــــــــس مابعد تزوووجت بس اتزوج اعلمك وكلكم معزووومين انشاء الله بس لين الحين ماتحدد الموووعد الله يوووفق الجميع لما يحبه ويرضاااه

7

خلك بنت قرمه وامشي على موال الخامسه

با التوفيق وحياه سعيده لكِ


.[/align]

[نـدى الـورد]

[align=center]

اقتباس:  المشاركة الأصلية كتبت بواسطة the-moon     أكيد ابغى الخامسة وزوجتي ماتخليني لوحدي عند أهلي أصلها شاطرة وبتحبني أوي لكن تعالي هالحريم الحين مو غلط إنهن يسبن رجالهن قدام خلق الله كره ياطبع الحريم والله اللي مرزقه الله عياله اولى يسافر بهم وإذا لازم يسافر مع ربعه يسافر ثانية بس مايروح هو يتنعم وعياله منطقين ويركم خيركم لأهله

7
الله.. الله

شي حلو... اني اشوف احد الذكور يكون بهذي العقليه

برغم ان الأغلبيه الغالبه... على الأزواج يمتلكون تفكير

بنفس الأول... الثاني... الثالث... الرابع

اهنئك مستر مووون


.[/align]

[عاشق ديرتي بريده]

بالنسبه لي لااحب السفر الا مع زوجتي واولادي واكره السفر مع الاصدقاء
لاني جربتها مع اصدقائي ولم احس بالذة السفر لاني بكل بساطه فقدت اولادي وزوجتي

سفر بدون العائله اعتبره سفر ماله داعي

وش حنا بلا عيالنا وحريمنا

[نـدى الـورد]

[align=center][align=center]

اقتباس:  المشاركة الأصلية كتبت بواسطة عاشق ديرتي بريده     بالنسبه لي لااحب السفر الا مع زوجتي واولادي واكره السفر مع الاصدقاء لاني جربتها مع اصدقائي ولم احس بالذة السفر لاني بكل بساطه فقدت اولادي وزوجتي سفر بدون العائله اعتبره سفر ماله داعي وش حنا بلا عيالنا وحريمنا

اقسم بالله اني سعيده لهذا الرأي الحكيم العقلاني

الله يكملك بعقلك ويعطي غيرك حكمتك في موازنة وفهم الأمور بشكلها الصحيح

الأصحاب ماعندهم حصانه لك بل بلعكس بعضهم هلاك لك

شاكره لك

وربنا يسعدك


,[/align][/align]

[ثامر الناصر]

شكرا لك ..

فعلا هذه اصناف للناس بالصيف .. الحقيقة انا ارى ان قاعدة السفرية بالصيف مااظنها الزامية للناس .. حيث تجد البعض يضغط على نفسه وماله واهله لكي يسافر بالصيف وكأن الامر الزامي

انا بالنسبة لي .. اسافر باهلي بالبداية , وان حصل سفرة مع الاصحاب مايمنع نسافر

ودمتم

[فور يو]

كانت جلسة .. لتناول بعض القهوه لرجال في احدى المقاهي




وكان موضوعهم الرئيسي عن ... طُرق االزوجات المتبعه في الصيف

حتى يستطيعن السفر الى الخارج


الأول قال || زوجتي تطلب مني السفر الى بعض الديار القريبه ...على ان لاتقل مدة السفره شهر ويمكن اكثر لكي تصرف اكبر قدر ممكن من المال , ماهمها وما تعبت فيه ...



الثاني قال || زوجتي كريمه معي وحبوبه
لانها في الإجازه تطلب مبلغ وقدره لشراء الملابس والفساتين والهدايا ولا تمانع من سفري مع اصدقائي , يعني ماهميتها اهم شي نفسها ...!



الثالث قال والله انكم في نعيم من امركم وحالكم... انا زوجتي مجرد ان تأتي الإجازه

تجبرني اسافر بها واولادها ونا معها للديره اللي فيها اهلها ... ونقضي اغلب الإجازه هناك دون مراعاة لظروف عملي , صدق ماتستحي هالمره ...


الرابع قال || انا لاهذا ولاذاك... ماتحب السفر بس كل يوم في الإجازه طالعه مره لحفله ومره زياره ومره للسوق وعلى كذا الين تنتهي الإجازه


اما الخامس يقول بكل سعاده وسرور..

انا وزوجتي العزيزه الحبيبه.. نُخطط قبل ان يأتي الصيف الى أين نتوجهه

ونقوم بـــ الإستعداد لهذه السفره الرائعه التي من خلالها نغير جو الحياه

المُتعب طوال العام... ونعود وكٌلانا مسرور..

_________

طبعا الرجال من الأول حتى الرابع ارخوم ماعندك احد ... وياكثرهم ...!

[ابوسليمان22]

اعتقد ان الأفضل ان الرجل يسافر مع اصحابه اولا مثلا لمدة اسبوعين.

ثم يسافر مع زوجته واولاده مرة اخرى.

فعندما يفترق الزوج عن زوجته واولاده لفترة من الزمن يتجدد الشوق اليهم لأنه فقدهم فترة من الزمن وتكون السفرة ممتعه .

[جلوي العتيبي]

الخامسه هي واقع مشاهد ولله الحمد


أعتقد أن مفهوم السياحه عند الرجال والنساء عندنا هو سبب هذه الأوضاع السيئه

الرجل يعتقد أن السياحه سهر وضحك مع الشباب (شلة الإستراحه ..أو زملاء العمل )

والزوجه لو تسافر لجزيره كلها هنود حمر قالت ابي اسواااااااااااااااااق

والطبيعي أن الرجل يبحث عن الراحه في السياحه والسفر

وكذلك الزوجه لكن حب التسوق آفه

شكراً سكون

[الرأي الأول]

سكون الليل

جلستكم حلوه مع الشاى المنعنع

لكن صدقينى فيه عينه من الرجال اسواء مما ذكرتى

وهو يدعى ان عنده شغل بالرياض مثلا ويرمى بعياله عند خوالهم وتبداء الاتصالات المتقطعه

ثم يوهم الزوجه بانه اخر الاسبوع سياتى وبعد تاخير تلو التاخير يصل الزوج المصون

وتكتشف الزوجه بعد مده انه كان مسافر

وهم كثر للاسف

اشكرك على هذه السوالف الشيقه

بس ماقلتى لى الشاهى تلقيمه والا فتله


تدومين بود

[شاطئ الراحة]

الفاضلة سكون ..

هل لي قطرة من الشاهي ( المنعنش ) ..


في موضوعكِ هذا قسمتي الأزواج تقسيم مكتمل ..

فلا يسعني ان أقول .. الله يرحم الحال ..

شاكر لكِ