تصرفات وكلمات للاطفال مضحكه

[الرأي الأول]

هناك بعض الكلمات والالفاظ المضحكه مثلا

وصلت للبيت الساعه الثانيه فاذا بابنى 4 سنوات واقف بالباب ثم سائلنى جبت شكولاته بابا
قلت ياحبيبى نسيته قال خلاص مانبيك رح اطلع
قلت يابابا انت تبى بابا والا الشكولاته قال الشكولاته قلت خلاص اذا ماتبغان اروح مع السلامه
ثم ركبت السياره وجاءعندى قال بابا انا ابيك مابى شوكلاته خلاص تعال بابا ودمعته بخده
ثم احتضنته قلت يالله معى للبقاله واشترت له وصار اروع مايمكن

ومره بنتى الصغيره قالت بابا ابى فسن فسن فسن

ماعرفت الين توقفنا عند البقاله

وقالت ابي فسن


تصورو وش طلع الفسن



سفن اب

هذه مواقف مرة على اتمنى من الجميع

موافاتنا بمثل هذه المواقف

[بندر الحمر]

ذكرتن في بنت أختي تقول

الفسه والباره

تعني البسه والفاره

[شمس الرياض]

الراي الاول مرحبا

الله يخليهم لك ... بس الفسن هذا شي ..

بصراحة الاطفال في عمر الثلاث سنوات والسنتين سوالفهم غير
وتموت من الضحك ويحتاجون لترجمة لبعض المصطلحات

عموما انا راح اتصيد كلمات واخبركم فيها لعيال خواني وخواتي

لي عوده

[متغربه]

اختي عمرها 6 سنوات واختي الاصغر 6 شهور

تخيلوا كل يوم اهلي يكتشفون ان السيريلاك قاضي

ويخلص بسرعه

المهم قالت مره يبه بطني يوجعني

قال اذا انت اكله سيريلاك روحي اشربي ماء ويخف

يااااااااااااقلبي هي راحت تركض تشرب

بريييييييييئه

[عتال]

الراي الله يخليك لهم

[جروح]

أما ولدك يا الراي
شيييييي هالموقف بغيت اصيح معه

اي والله " يا بابا ابيك "

سبحان الله

------------

ياحبي للأطفال كلهم ملح
وبصراحه ماحولي اطفال عليهم سوالف لأن اكبرهم بنت اختي توها كملت السنه اسم الله عليها

لكن اهلي رووا لي موقف عني وانا صغيره يمكن 4 سنوات اختفيت من البيت ولجوا اهلي يدوروني ومالقوني ابدا وسألوا الجيران وشوي ويبلغون الشرطه و ضاقت صدورهم وحالتهم حاله ..

أثاريني ماخذه غفوه وسط المجلا ومتلحفه بقدر كبير ومحد شافني أثناء البحث
ههههههه

شكرا يالراي لاثارة الموضوع
والله يخلي لك عيالك يبرون فيك ويخليك لهم

,,,

[الرأي الأول]

اشكرك من الاعماق اختى جروح

بس ماعلقتى على الموقف الثانى


وحكاحية المجلى عندك مرررره مضحكه

ترى بعد الاطفال عليه تصرفات قمة بالضحك

واحسنها انها تجى بعفويه


تحياتى لك واسلوبك

اللى خلانى اضحك من جد

لك تقديرى

[iiigil]

ههههههههههههههههههههههه >>>غفوة في المجلى شي ثاني

روعه الموضوع

يوم كنت صغيره كنت اسمى السطح سحط....

ولدي الحين يقولي ماما قنبي ماما قلبي ...ووووووووه

[المخمليه]

مشكوررررررررررررررررر

ههههههههههههههههههههههههههههههههههههههههههههههههاه هههههههههههههههههههههههاييييييييي
يعيني على الحركات هالأطفال

أخوي=الراى الأول
وذكرتني بأبن خالي الصغير
يقول ,أي <<<<<<<<<تبين شي
باأأ <<<<<<<<<<<<<برأ
أقي<<<<حقي
بته <<<<<<بسه
وتقبل تحيتي
أختك منتمته<<<منسمه

[جروح]

لا اخوي ..

انا تشدني المواقف الأبويه والعاطفيه اللي مثل موقف السنب الصعيل اللي عندك
لذلك جا التعليق عليه اكثر

والحقيقه اني ضحكت على فسسسن < احسبه تبي فسفس
من اليوم ورايح بسميه فسن هههههه < جاز لي اسمه

-----
ومن حركات بنت اختي << ( حتى قبل تكمل السنه )

تكون مشغوله(( بغطا قلم )) او اي شي تكتشفه وتدعبر فيه
يعني وجهها مقطب الجبين والحسيسه ممدوده من زود الانسجام

بعدين نناديها ونضحك لها > ترفع راسها وتفك الحسيسه بابتسامه عرييييييييضه فيها سنين تحت
بعدين علطول تنزل راسها و ويرجع البوز وانت ماخلصت ضاحك لها ههههههه

<< يعني كأنها تاخذ الواحد على قد عقله ...
هههههههه



الله يحفظها لأميمتها ولنا
----
دوم هالضحكه ان شاء الله يا أنّووو << انوسه

تسلمين

[الرأي الأول]

اختى منسمه

اهم شى انك ضحكتى من قلب

وبربى بعض الاطفال عليهم تصرفات تخليك تلع من طورك

[الرأي الأول]

اختى جروح مساء الورد

ان لو اقولك المواقف من هنا الى بكره مامليتى

انا رازقتى بتوام

عليهم مواقف خرتها يوم الجمعه رحت بهم لجيان

وبعد ساعة تسوق اشترينا اللى نبى

ورحنا السياره الاولى جايبة معه كنادر صغارين من جابتهب مادرى؟

الثانيه جايبه علبة مكياج

يوم سائلتهن من وين جايباته كلهن يقولن اقى اقى اقى

بابا تسى

يعنى هذا حقى حقى طس يابابا

المهم ونرجع ثانيه ونرجعهن وتعال شوفى اللجه
لكن توبه يروحن مراكز تجاريه

فى الليل وقت النوم استحاله وقت النوم واحد كلهن مختلفات

يعنى تقوم ذى تنام الثانيه واعكس

مواقف مررره يبغاله اوقات كثيره

لكن مضحه بجد مرررررررررررررررررررررررره

اشكرك اختى جروح
واتمنى التواصل
علما بانى الى الان اضحك على المجلى
لك كل التحايا والتقدير
اشكرك

[@ ابتسام @]

الصغار سبحان الله هم ملح الحياة ؛ الله يخليهم لنا وينبتهم نبات حسن .



ولدك هنده احساس ما شاء الله . هههههههههههههههههههههههههه

بقولكم على موقف ولدي الكبير.

الاخ مسوي كبير ورايح يصلي مع ابوه عمره اربع . لما وصلوا المسجد كان الامام متاخر ’ وابو العيال صار امام

المهم الولد ماصلى طبعا كل وقته ورى الناس ما ادري يلعب والا يهوجس ’ ولما سلم ابوه ناده بصوت عاااااااالي مرررررة وهو ورى المأمومين .بابا وشلون فزت وصرت الاول ؟؟؟

[الرأي الأول]

اختى بسومه

ضحكتينى بجد وحاصه انها تصرف عفوى

اسمعى هذى

فيه صديق لى كان جاى من الرياض لبريده المهم مسكه امن الطرق واعطاه مخالفه لانه مسرع

ثم يوم قرب لبريده ويمسكه المرور ويعطيه مخالفه ثانيه

سئله ولده ليش الاوراق اعطوكياها قال تدرى ليش لانى فزت بسباق اسيارات وطلعت الاول

صدق الولد يالله يابا اسرع مررره علشان تفوز ثالثه

[@ ابتسام @]

اقتباس:  المشاركة الأصلية كتبت بواسطة الراى الاول     اختى بسومه ضحكتينى بجد وحاصه انها تصرف عفوى اسمعى هذى فيه صديق لى كان جاى من الرياض لبريده المهم مسكه امن الطرق واعطاه مخالفه لانه مسرع ثم يوم قرب لبريده ويمسكه المرور ويعطيه مخالفه ثانيه سئله ولده ليش الاوراق اعطوكياها قال تدرى ليش لانى فزت بسباق اسيارات وطلعت الاول صدق الولد يالله يابا اسرع مررره علشان تفوز ثالثه

ههههههههههههههههههههههههههههههههههههههههههههههه

هذي اوراقٍ ثقيله