بسم الله الرحمن الرحيم
كثير من الربع او الاقارب يزعلون على يقولون نلقاك بالاشارة ونسلم ولا ترد التحية يا خوي ما تبينا
قلت لهم يا ناس انا لا صرت اسوق ما اتلفت هذا طبعي ولا تزعلون على وكل من تشره قلت له وضعي
الشاهد قررت امس الصباح اني لازم التفت عند كل اشارة بشوف حال الناس ووش جالسين يسون بسياراتهم
الموقف الاول
واحد هو زوجته كلاً حاط راسة في جهه الي يشوفهم يقول متهاوشين
الموقف الثاني
واحد كبير بالعمر يهاوش عيالة ويهدد << من حركة اليدين
الموقف الثالث
سواق جالس يدخن بسيارة المعازيب فان وجنبة المدام على بالة فايف ستار ما حد قدة
الموقف الرابع
بزاررررررررين بسيارة كل شوي وهو مقدم ومرجع دوخ راسي حسبي الله على عدوة
الموقف الخامس
وحد جالس لحالة مشغل اغنية على الصبح يالله صباح خير سمعت مقاطع منها ما بسمحلك ما بسمحلك << معذب الرجال
الموقف السادس
عامل نظافة يكنس الشارع ويناظر في هالسيارات توقعت يقول في نفسة اها من القهر بعد لو لي سيارة
الموقف السادس
بعد الاشارة لمحت مصري متعطلة سيارته بغيت اوقف بس متاخر على الدوام دعيت له بن الله ييسر له احد
كل هذة المواقف شدتني في اول محاولة لي في الالتفات عقبها حرمت وخل الي يزعل يزعل
تحياتي
العرض الشجري