ياسلااااام جت شغالتنا ؟؟؟

[أبو ريان القصيم]

(( الشــــغـــالــــــــة ))

هل هذا الأسم نوع من مظاهر الحياة ؟؟؟
أم هو كسل وخمول أصحاب المنزل ؟؟؟
اصبحت الشغاله في وقتنا الحاضر من اهم الضروريات في المنازل
وكأن العمل في المنزل اصبح شيء لايطاق!!
ومما دعاني كتابه هذا الموضوع
انني سمعت ان منزل جارنا توجد فيه شغالتين
مع ان هذا المنزل يسكنه أب وأم و 8 بنات وولدان !!!
وأنا اتوقع ان هناك اكثر من هذا العدد في منازل اخرى
اسألكم بالله !! ماهو عمل تلك البنات في المنزل ؟؟؟
هل الأخلاق العالية يبعدها عن دورها في المنزل؟؟
هل الشريعة اوصتنا بجلب الشغالات حتى نرتاح من العمل؟؟
والله انها لم تستفد بناتنا الا الخمول والكسل والضيق والقلق
وكأن الموت يطرق الابواب!!
والله يا اخواني ويا اخواتي أننا نأكل ونشرب ونلبس من أيدي شغالاتنا !!
سؤال للشباب فقط// اترضى ان تتزوج فتاة لاتعرف الطبخ والتنظيف؟؟
ومع اننا نسمع ونشاهد الكثير من السحر والفساد وإغراء المراهقين !!
وكأن هذا الأمر مجرد تمثيليات هابطه ليس لها من الواقع شيء

[ابوخالد382]

اقتباس:  المشاركة الأصلية كتبت بواسطة تايقر بريدة;[color=#FF0000     1300491سؤال للشباب فقط// اترضى ان تتزوج فتاة لاتعرف الطبخ والتنظيف؟؟ ومع اننا نسمع ونشاهد الكثير من السحر والفساد وإغراء المراهقين !! وكأن هذا الأمر مجرد تمثيليات هابطه ليس لها من الواقع شيء[/color] [/size]

تايجر,كيف الحال؟؟؟؟؟؟ أنت مادريتا ,,,,هالحين يشرطون عند الملكه إن الشغاله قبل الموافقة على العريس...الله يرحم أمهاتنا وجداتنا بس..دمت بخير

[اسم العضو]

اقتباس:  المشاركة الأصلية كتبت بواسطة ابوخالد382     تايجر,كيف الحال؟؟؟؟؟؟ أنت مادريتا ,,,,هالحين يشرطون عند الملكه إن الشغاله قبل الموافقة على العريس...الله يرحم أمهاتنا وجداتنا بس..دمت بخير

حلوه مادريتا

اصبحت عاملة المنزل من المقومات المساعده لربة المنزل
في معترك الحياة الحاليه وصعوبتها مع عمل ربة المنزل موظفه
وخروجها طيلة النهار.

سلام...

[أمــاسي ونص]

بالعكس مو شرط وجود شغاله يعني لازم تطبخ وتنفخ او ان البنات مايعرفون
بالعكس نجيب خدامات لأنن ماننطح كثر الشغل
البيت يصير كبير حيل وصعبه وحده ترتبه كله
لاكن اذا كان البيت فيه واجد بنات انا معك انه ماله داعي الخدامه لانكل وحده ترتب الي عليهااا
بعدين الي يقول انه مع الملاك خدامه
اعذرني اقولك ان البنات الي يطلبون كذا هذولا كيف يرضون ازواجهم ياخذونهم ياربي لاشماته
اذا الوحده ماقعدت ترتب وتغسل وتكنس وتطبخ لزوجه وش فايدته
تجلس ببيت اهله احسن
الوحده المفروض تفتخر انه تسوي هالاشياء لزوجه ترضيه
يالله المستعااان

[أبو ريان القصيم]

اقتباس:  المشاركة الأصلية كتبت بواسطة أمــاسي ونص     بالعكس مو شرط وجود شغاله يعني لازم تطبخ وتنفخ او ان البنات مايعرفون بالعكس نجيب خدامات لأنن ماننطح كثر الشغل البيت يصير كبير حيل وصعبه وحده ترتبه كله لاكن اذا كان البيت فيه واجد بنات انا معك انه ماله داعي الخدامه لانكل وحده ترتب الي عليهااا بعدين الي يقول انه مع الملاك خدامه اعذرني اقولك ان البنات الي يطلبون كذا هذولا كيف يرضون ازواجهم ياخذونهم ياربي لاشماته اذا الوحده ماقعدت ترتب وتغسل وتكنس وتطبخ لزوجه وش فايدته تجلس ببيت اهله احسن الوحده المفروض تفتخر انه تسوي هالاشياء لزوجه ترضيه يالله المستعااان

سلامتك اخوي كلامك هذا نسبته 15 % من اللي يجيبون شغالات لكي تساعد ربة البيت

[أبو ريان القصيم]

اقتباس:  المشاركة الأصلية كتبت بواسطة ابوخالد382     تايجر,كيف الحال؟؟؟؟؟؟ أنت مادريتا ,,,,هالحين يشرطون عند الملكه إن الشغاله قبل الموافقة على العريس...الله يرحم أمهاتنا وجداتنا بس..دمت بخير

ابو خالد كيف الحال ؟؟
انت مادريتا ان الرجال بدأ يختصر الموضوع ويتزوج شغاله!!
والله احسن له من اللي ((منكبه)) بالبيت ماتعرف ولا تسوي شاي!!

[أبو ريان القصيم]

اقتباس:  المشاركة الأصلية كتبت بواسطة اسم العضو     حلوه مادريتا عمل ربة المنزل موظفه وخروجها طيلة النهار. سلام...

ولو يحصل لها مادخلت البيت من كثر مشاويرها!!
الله يرحم بنات أول

[الغالي...]

زمان اول تحول . الحين البنات اللي تدرس والي تشتغل وهذا غير المناسبات.


الشغاله صارت ضروريه عند اغلب البيوت. وهي على حسب اذ كانت العائله بحاجه الى الشغاله فهذا شيء طبيعي .

بس فيه ناس تجب شغاله عشان الراحه فقط مع العلم انها قادره على شغل البيت بس تبغى الراحه .

اقتباس: سؤال للشباب فقط// اترضى ان تتزوج فتاة لاتعرف الطبخ والتنظيف؟؟

جوابي على سؤالك. ( لا ارضى )

[عاشق ديرتي بريده]

تذكرت شي ابقوله هههههههههههههههههه

واحد جاب شغاله وثاني يوم اكتشفوا ان فيها جني ههههههههههههههههه كل اللي بالبيت هجوا واستأجرو شقه واتركوا الشغاله بالبيت !!!!!!!!!!!

[الذاهـبـة]

الحمد لله حنا مانعرف الشغالات ..

ولا نرحب فيهن ..

[جبل السكر]

[align=center]الحمدلله رغم المكانه لاتوجد شغاله في البيت
اولا لعدم اقتناعي بوجودها من الاساس لاي سبب كان
تانيا لكره والدي لهن
مااجمل ان تقوم الفتاه باعمال المنزل بنفسها

تحيتي [/align]

[@ ابتسام @]

....

البيت اللي فيه بنات كبار وجود الشغاله فيه اكبر خطأ ’ لان ضرر الجلوس والراحة عليهن اكبر من نفعه .

واحيانا وجود كبيره عاجزة في البيت تحتاج من يرافقها طيلة اليوم فالشغاله تحل اشكال مع متابعتها من قبل الابناء .

الشغاله مع المرأة العاملة ضرورة وين تودي الصغار وما هي آله تشتغل في البيت وبرى البيت وبعدين حنا نجيب شغالات علشان نفرغ نتملح لكم لان عيونكم ....

[مياسة]

فيه بنات من طلعوا ع الدنيا وهم خدم في خدم .. ولما تزوجوا .. هم أحسن الناس طبخ وسنع

يعني الشغالة مو سبب للكسل والخمول أبداً !

[برود الثلج]

ياخوي ياتيقر شكلك ضربت على الوتر الحساس ،،
ذلحين عندي سؤال يوم الواحد يستقدم خادمه .. وش عملها؟
أكيد هو التنظيف ،،
لكن !! ذلحين ماعاد تنظيف وبس صارت مربيه وطباخه ومنظفه يعني تقوم بدور ربة المنزل وأزين .
يعني ذولي الخدامات إلي مهنتن الأساسيه مضاف عليها لو يقدمون شكوى على هيئه حقوق الإنسان أو ديوان المظالم بيطلعون لهم كم تعويض .
ومايخالف إذا يبغوني أقدم لهم دعوى ونص بنص ،،
وبالإضافه ترى فيه قصه عن واحد سعودي متزوج وعنده عيال أستقدم له شغاله وزوجته تعمل خارج المنزل وراتبها تصرفه على حالها وهو مسكين يصرف على العيال ويدفع أجره العامله التي تقوم بجميع مهام زوجته من تنظيف وطبخ ونفخ والعنايه بالصغار على أكمل وجه فقرر أخيراً تطليق زوجته والزواج من الخادمه التي قامت بدور ربة المنزل التي فضلت ترك صداره المنزل للخادمه ،، ويستاهلون مليوووووووووووووووووون مره ،،


وتحياتي للكل ،،

[خـــــــــــــــالـــــــــد]

الشغالات حاليا في ظل التغيرات الاجتماعيه و العمليه اصبحت شر لابد منه

لكن العيب في الاعتماد الكلي عليهن و تخلي البنات و الامهات عن ادوارهن في المنزل